Ayezaya 10:1-34
10 Bɛdabɛ mɔɔ bɛdi amumuyɛ mɛla,+Na dahuu bɛkɛlɛ nzisi mɛla la, bɛ gyakɔ.
2 Bɛyɛ ɛhye bɛfa bɛsisi ehyiavolɛma wɔ bɛ edwɛkɛlilɛ nu,Yɛɛ bɛnli pɛlepɛle bɛmmaa koahweabanema mɔɔ wɔ me menli ne anu la,+Bɛfa ahunlanvolɛ ninyɛneNa bɛsesa nrisa nwo ninyɛne!+
3 Duzu a bɛbayɛ wɔ mgbondabulɛ* kenle ne,+Mɔɔ ɛzɛkyelɛ vi moamoa kɛra la ɛ?+
Nwane a bɛbakpondɛ moalɛ bɛavi ye ɛkɛ a,+Yɛɛ nienwu a bɛbagyakyi bɛ anwonyia* ne a?
4 Bɛnrɛhola ɛhwee yɛ kyesɛ bɛboka pilizama ne anwoAnzɛɛ bɛboka menli mɔɔ bɛhu bɛ la anwo.
Ɔlua ɛhye amuala ati, ɔnrɛmaa ye ɛya ne ɛnrɛha,Na ɔ sa ne mɔɔ yedende kɛ ɔku bɛ la tɛbɔ ɛkɛ.+
5 “Aha! Aseleanli ne,+Ɔle baka mɔɔ mebava meala me ɛya ne ali+Yɛɛ mebava kpɔma mɔɔ ɔlɛ ye ɔ sa nu la meala me ndeanlɛ ne ali!
6 Mebazoa ye meamaa yeahɔ maanle mɔɔ ɛkpɔkye la anwo zo,+Mebamaa yeahɔ menli mɔɔ ɛha me ɛya la anwo zo;Mebamaa yeasesa na yeave ninyɛne dɔɔnwoNa yeatietia bɛ nwo zo kɛ ndɛtɛlɛ wɔ awɔdenle ne mɔ azo.+
7 Noko ɔnrɛhulo kɛ ɔbayɛ ɛhyeYɛɛ ɔnrɛbɔ kpɔkɛ ɛhye wɔ ye ahonle nu;Ɔluakɛ ɔwɔ ye ahonle nu kɛ ɔsɛkye maanle maanle dɔɔnwo,Na yeapɛ bɛ yeagua bɛ lɔ, na tɛ ekyi bie.
8 Ɔluakɛ ɔka kɛ,‘Asoo me mgbanyima ne mɔ amuala ɛnle arelemgbunli ɔ?+
9 Asoo Kaleno+ ɛnle kɛ Kaakɛmehye ɔ?+
Asoo Heemate+ ɛnle kɛ Aapade ɔ?+
Asoo Samɛlea+ ɛnle kɛ Damasekɛse ɔ?+
10 Me sa ɛha arelemgbunlililɛ mɔɔ bɛsonle nyamenle mɔɔ nvasoɛ ɛnle bɛ nwo zo,Mɔɔ bɛ ananze ne mɔ zonle tɛla Gyɛlusalɛm nee Samɛlea ɛdeɛ ne mɔ la!+
11 Asoo menrɛyɛ Gyɛlusalɛm nee ye ananze ne mɔKɛ mɔɔ menyɛle Samɛlea nee ye nyamenle ne mɔ mɔɔ nvasoɛ ɛnle bɛ nwo zo la ɔ?’+
12 “Saa Gyihova wie ye gyima ne amuala yɛ wɔ Zayɔn Boka ne azo nee Gyɛlusalɛm a, ɔbahwe* Aselea belemgbunli ne anzo wɔ ye ahonle mɔɔ ɛsolo, ye anwomemaazo ne nee ye adubɛnwo ne anwo.+
13 Ɔluakɛ ɔka kɛ,‘Mebava me sa nu anwosesebɛNee me nrɛlɛbɛ meayɛ ɛhye, ɔluakɛ meze nrɛlɛbɛ.
Mebadudu menli ne mɔ ɛweɛne meavi ɛkɛ+Na meava bɛ agyapadeɛ,+Na mebayɛ kɛ katakyie la meanlea menli ne anwo zo.+
14 Mebadende me sa kɛ sonla mɔɔ ɛlɛsɔ aloma sane nu la,Mealie menli ne mɔ anwonyia ne;Yɛɛ mebayɛ kɛ awie mɔɔ ɛlɛboɔboa aholonvia mɔɔ bɛgyakyi bɛ ɛkɛ la anloa la,Meaboɔboa azɛlɛ ye kɔsɔɔti anloa!
Awie biala ɛnrɛbɔ ɔ ndɛba anu anzɛɛ ɛnrɛbuke ɔ nloa anzɛɛ ɛnrɛzu kɛ aloma la.’”
15 Asoo akuma bamemaa ɔ nwo zo ahile ahenle mɔɔ fa ye pɛ debie la?
Asoo sɛlada bamemaa ɔ nwo zo ahile ahenle mɔɔ fa ye pɛ debie la?
Asoo baka+ bahola abili ahenle mɔɔ maa ye zo la?
Anzɛɛ asoo kpɔma bahola amaa awie mɔɔ ɔnle baka la zo ɔ?
16 Yemɔti ɛlɔne Gyihova, nɔhalɛ Awulae ne,Bamaa ye menli mɔɔ le mbelane la anwa,+Na ɔbado senle kpole wɔ ye anyunlunyia ne abo.+
17 Yizilayɛ Wienyi ne+ bayɛ senle,+Na ye Nwuanzanwuanza Ko ne ayɛ sendɔlɔra;Ɔbazɔ na yeayela ye ndile nee ye kpɔkɛ wɔ kenle ko anu.
18 Ɔbazɛkye ye ɛhoayelɛ nee ye tola ne anyunlunyia ne bɔkɔɔ;Ɔbayɛ kɛ awie mɔɔ ɛnde kpɔkɛ na ɔkpondɛ yeawu la.+
19 Mbaka mɔɔ baha ye ɛhoayelɛ nu laBayɛ ekyi bie mɔɔ kakula bahola bɛ tia a.
20 Kenle zɔhane, menli mɔɔ baha wɔ YizilayɛNee Gyekɔbo abozoamra mɔɔ bɛbanyia bɛ ti laƐnrɛva bɛ nwo ɛnrɛdo ahenle mɔɔ bobɔle bɛ la anwo zo bieko;+Bɛbava bɛ nwo bɛado Gyihova,Yizilayɛ Nwuanzanwuanza Ko ne anwo zo wɔ nɔhalɛlilɛ nu.
21 Menli ekyi bie ala a bazia a,Gyekɔbo abozoamra ekyi bie bazia ara Nyamenle Tumivolɛ ne ɛkɛ.+
22 O Yizilayɛ, wɔ menli neZonle kɛ ɛnweazo ɛnwea ɛdeɛ,Noko bɛ nuhua ekyi bie ala a bazia ara a.+
Bɛbɔ kpɔkɛ kɛ bɛsɛkye bɛ,+Na pɛlepɛlelilɛ* bayi ava bɛ.+
23 Ɛhɛe, ɛzɛkyelɛ mɔɔ Tumivolɛ Awulae, ɛlɔne Gyihova, ɛbɔ nwolɛ kpɔkɛ la,Bara azɛlɛ ne amuala azo.+
24 Ɔti edwɛkɛ mɔɔ Tumivolɛ Awulae, ɛlɔne Gyihova ɛha la ɛne: “Me menli mɔɔ de Zayɔn, bɛmmasulo ɔlua Aseleanli ne mɔɔ ɛnee fa baka bɔ bɛ+ na ɔmaa ye kpɔma ne zo wɔ bɛ nwo zo kɛ mɔɔ Yigyibiti yɛle la ati.+
25 Ɔluakɛ ɔnrɛhyɛ biala ndeanlɛ ne bara awieleɛ; na mebava me ɛya ne meahɔ bɛ nwo zo meazɛkye bɛ.+
26 Ɛlɔne Gyihova babila ye mbaka+ kɛ mɔɔ ɔlile Medean anwo zo konim wɔ Olɛbe bodane ne anwo la.+ Na ɔbadende ye kpɔma ne wɔ nyevile ne azo na yeamaa ye zo kɛ mɔɔ ɔyɛle Yigyibiti la.+
27 Kenle zɔhane, ye adesoa ne bavi ɛ bati,+Na ye gyɛnvayile ne avi ɛ kɔme zo,+Na gyɛnvayile ne babubu+ ɔlua nwole ne ati.”
28 Yera Eyaete;+Yepɛ nu wɔ Megelɔn;Yeva ye ninyɛne ne yegua Mekemahye.+
29 Bɛpɛ azule ne;Bɛhɔla Giba;+Releema ahonle ɛdu, Sɔɔlo sua zo Gebeya ɛnriandi.+
30 O Galem,* su teɛdea nu!
O Leeyahya, tie!
O Anatɔto, ɛ nwo yɛ anwunvɔne!+
31 Mademina ɛnriandi.
Gibemma ɛkpondɛ feabelɛ.
32 Ɛnɛ kenle ye, ɔbagyinla wɔ Nɔɔbo.+
Ɔbazua kɛlɛ wɔ Zayɔn* boka ne,Gyɛlusalɛm boka ne azo.
33 Nea! ɛlɔne Gyihova, nɔhalɛ Awulae ne,Ɛlɛpepɛ mbaka ngane yeamaa bɛagua aze gbulumgbulum;+Ɔlɛpepɛ mbaka ndendenle ne mɔ yeagua bɛ aze,Yɛɛ ɔlɛka mgbole ne mɔ aze.
34 Ɔfa akuma ɔpepɛ ɛhoayelɛ nu mbaka,Na katakyie bie babubu Lɛbanɔn mbaka agua bɛ lɔ.
Ɔbodwɛkɛ
^ Anzɛɛ “wɔ anzohwenlɛ.”
^ Anzɛɛ “bɛ anyunlunyia.”
^ Hibulu aneɛ nu, “mebahwe.”
^ Anzɛɛ “anzohwenlɛ.”
^ Hibulu aneɛ nu, “Galem ara raalɛ.”
^ Hibulu aneɛ nu, “Zayɔn ara raalɛ ne.”
