Ayezaya 11:1-16
11 Ngane bie+ bafifi Gyɛsi dosinli ne anwo,+Yɛɛ baka ekyi bie+ bavi ye ndinli ne mɔ anu afifi na yeazo ma.
2 Na Gyihova sunsum ne bara ɔ nwo zo,+Nrɛlɛbɛ+ nee ndelebɛbo sunsum,Folɛdulɛ nee anwosesebɛ sunsum,+Adwenle nee Gyihova ɛzulolɛ sunsum.
3 Na ɔ nye balie Gyihova ɛzulolɛ nwo.+
Ɔnrɛbua ndɛne ɛnyelɛzo,Yɛɛ ɔnrɛgyinla mɔɔ ɔ nzo kɛde la azo ɔnrɛhwi sonla nyunlu.+
4 Ɔbabua koahweabanema ndɛne pɛlepɛle* nu,Na yeava tenleneyɛlɛ yeahwi menli nyunlu yeamaa bɛlɛvoma mɔɔ wɔ azɛlɛ ye azo la.
Ɔbava ɔ nloa anu baka yeabɔ azɛlɛ ye+Na yeava ɔ nloa anu ɛnwomenle* yeahu amumuyɛma.+
5 Ɔbava tenleneyɛlɛ yeayɛ bɛlɛte yeabɔ ye avinli,Na yeava nɔhalɛlilɛ yeayɛ bɛlɛte yeabɔ ɔ nze zo.+
6 Bedi nee boaneralɛ badɛnla,+Yɛɛ abɔnkye ralɛ nee sobolɛ bala ɛleka ko,Ɛnlankɛ ralɛ nee awenade* yɛɛ nane mɔɔ ɛlɔ la babɔ nu adɛnla ɛleka ko;*+Na kakula nrenyia ekyi bie a banlea bɛ a.
7 Ɛnlankɛ nee ezizile babɔ nu adidi,Na bɛ mra babɔ nu ala ɛleka ko.
Awenade bali ndile kɛ ɛnlankɛ nyinli la.+
8 Kakula mɔɔ no nyɛfonlɛ la bali nwɔhoa wɔ ɛwɔbile bɔne nloa,Yɛɛ kakula mɔɔ ɛpɛ nyɛfonlɛ la bava ɔ sa awula ɛwɔlɛ bɔne nu.
9 Bɛnrɛboda awie+Anzɛɛ bɛnrɛzɛkye debie wɔ me boka nwuanzanwuanza ne azo amuala,+Ɔluakɛ Gyihova anwo nrɛlɛbɛ bayi azɛlɛ ye tɛkɛɛKɛ mɔɔ nzule keda nyevile zo la.+
10 Kenle zɔhane, Gyɛsi ndinli ne+ bagyinla kɛ sɛkɛlɛneɛ amaa menli ne.+
Maanle maanle bahɔkpondɛ adehilelɛ avi ye ɛkɛ,*+Na ɛleka mɔɔ ɔde la* bayɛ anyunlunyia ɛleka.
11 Kenle zɔhane Gyihova badende ɔ sa bieko yeava yealie ye menli mɔɔ ɛha la yeavi Aselea,+ Yigyibiti,+ Patelɔso,+ Kuhye,+ Yilam,+ Hyaenaa,* Heemate nee mbɔra mɔɔ wɔ nyevile nu la azo.+
12 Ɔbamaa sɛkɛlɛneɛ zo yeahile maanle maanle ne na yeaboɔboa Yizilayɛma mɔɔ bɛde bɛkponde la anloa,+ yɛɛ ɔbaboɔboa Dwudama mɔɔ bɛbɔ asande la anloa yeavi azɛlɛ muleɛ nna ne azo yeara.+
13 Yifelaem anyebolo ne bavi ɛkɛ,+Na bɛbazɛkye bɛdabɛ mɔɔ bɛgyegye Dwuda la.
Yifelaem anye ɛnrɛbolo Dwuda bieko,Yɛɛ Dwuda ɛnrɛgyegye Yifelaem bieko.+
14 Bɛbatolo Filisitiama awoka ne bɛahɔ adɔleɛ;Bɛbabɔ nu bɛasesa menli mɔɔ wɔ Aduduleɛ la ninyɛne.
Bɛbali Yidɔm nee Mowabe anwo zo konim,+Na Amɔnoma baravea bɛ bo.+
15 Gyihova bakpakye Yigyibiti nyevile ne anloa* ne anu*+Na yeanwɔha ɔ sa wɔ Azule ne* azo.+
Ɔbava ye ɛnwomenle wuluwulu* ne yeabɔ ye azudenle nsuu ne,Na yeamaa menli awula mgbɔlaboa apɛ.
16 Na bɛbapɛ ademgbole+ bɛavi Aselea bɛado ɛkɛ bɛamaa ye menli ekyi ne mɔɔ ɛha la,+Kɛ mɔɔ Yizilayɛma nyianle ye wɔ mekɛ mɔɔ bɛlɛfi Yigyibiti azɛlɛ zo la.
Ɔbodwɛkɛ
^ Anzɛɛ “tenlene.”
^ Anzɛɛ “sunsum.”
^ Anzɛɛ ɔkola ɔkile, “Yɛɛ ɛnlankɛ ralɛ nee awenade babɔ nu adidi.”
^ Anzɛɛ “awenade kakula mɔɔ anwo yɛ se.”
^ Hibulu aneɛ nu, “ye ɛnwomenlelielɛ ɛleka ne.”
^ Anzɛɛ “Maanle maanle bakpondɛ ye.”
^ Ɛhye kile, Babelonia.
^ Hibulu aneɛ nu, “atafinlima.”
^ Anzɛɛ ɔkola ɔkile, “bamaa Yigyibiti nyevile ne anloa asesa.”
^ Ɛhye kile, Yifileti ne.
^ Anzɛɛ “sunsum.”
