Ayezaya 2:1-22
2 Debie mɔɔ Emɔzo ara Ayezaya nwunle ye wɔ Dwuda nee Gyɛlusalɛm anwo la ɛne:+
2 Wɔ mekɛ mɔɔ li awieleɛ la anu,*Boka ne mɔɔ Gyihova sua ne gyi zolɛ laBagyinla kpundii wɔ awoka ne mɔ ati zo,+Na bɛbamaa ye zo bɛadɛla awoka ngyikyi ne mɔ,Na maanle maanle kɔsɔɔti bapia bɛ nwo ahɔ ɛkɛ.+
3 Na menli dɔɔnwo bahɔ na bɛaha kɛ:
“Bɛrɛla, bɛmaa yɛhɔ Gyihova boka ne azo,Yɛhɔ Gyekɔbo Nyamenle ne sua nu.+
Ɔbahilehile yɛ ye ndenle ne mɔ,Na yɛbalua ye ndenle ne mɔ anu.”+
Ɔluakɛ mɛla* vi Zayɔn bara,Yɛɛ Gyihova edwɛkɛ ne vi Gyɛlusalɛm bara.+
4 Ɔbabua maanle maanle ne mɔ ndɛneNa yeaziezie menli dɔɔnwo avinli edwɛkɛ.
Bɛbabolo bɛ konle dadeɛ ne mɔ bɛayɛ funduazɛlɛ*
Na bɛabolo bɛ atwɛ ne mɔ bɛayɛ ɛyazonlɛ mbulalɛ.+
Maanle bie ɛnrɛva konle dadeɛ ɛnrɛra maanle gyɛne nwo zo,Yɛɛ bɛnrɛzukoa konle ɛhonlɛ bieko.+
5 O Gyekɔbo abozoamra, bɛrɛla,Bɛmaa yɛlua Gyihova wienyi ne anu.+
6 Wɔkpo wɔ menli ne, Gyekɔbo abozoamra ne,+Ɔboalekɛ ninyɛne mɔɔ vi Aduduleɛ la ɛyi bɛ tɛkɛɛ;Bɛye ngonyia+ kɛ Filisitiama la,Yɛɛ nyɛvolɛ ngakula ɛbu bɛ nwo zo.
7 Dwɛtɛ fufule nee nvutuke ɛyi bɛ azɛlɛ ne tɛkɛɛ,Yɛɛ bɛ anwonyia ne ɛnlɛ ɔ nloa.
Mgbɔnwɔ ɛyi bɛ azɛlɛ ne tɛkɛɛ,Yɛɛ bɛ ehwili ne mɔ ɛnlɛ ɔ nloa.+
8 Nyamenle mɔɔ nvasoɛ ɛnle bɛ nwo zo la ɛyi bɛ azɛlɛ ne azo tɛkɛɛ.+
Bɛsonle bɛ sa anloa gyima,Debie mɔɔ bɛva bɛ sa mrɛlɛsɛka bɛyɛ la.
9 Yemɔti sonla ɛdo ɔ nwo aze, yeha aze,Na ɛnrɛhola ɛnrɛva ɛnrɛhyɛ bɛ.
10 Bɛwolo bodane nu na bɛvea bɛ nwo wɔ ndɛtɛlɛ nuƆlua Gyihova ɛya ne mɔɔ yɛ ɛzulolɛNee ye kpoleyɛlɛ ne mɔɔ bo zolɛ la ati.+
11 Bɛbaha sonla mɔɔ memaa ɔ nwo zo la aze,Yɛɛ adubɛnwo sonla baha aze.*
Kenle zɔhane, Gyihova angomekye a bɛbamaa ye zo a.
12 Ɔluakɛ ɔle ɛlɔne Gyihova kenle.+
Ɔbara awie biala mɔɔ le anwomemaazo nee adubɛnwo la anwo zo,Ɔbara awie biala mɔɔ bɛmaa ye zo anzɛɛ bɛha ye aze la anwo zo.+
13 Ɔbara Lɛbanɔn sida mbaka ndendenle nee mgbole kɔsɔɔti anwo zoNee Beehyan oku mbaka kɔsɔɔti anwo zo,
14 Ɔbara awoka mgbole ndendenleNee ngyikyi kɔsɔɔti anwo zo,
15 Ɔbara tawa tendenle biala nee bane ɛsesebɛ biala anwo zo,
16 Ɔbara Tahyehye meli+Nee ɛlɛne ngɛnlɛma kɔsɔɔti anwo zo.
17 Bɛbaha sonla mɔɔ memaa ɔ nwo zo la aze,Yɛɛ adubɛnwo sonla baha aze.*
Kenle zɔhane, Gyihova angomekye a bɛbamaa ye zo a.
18 Nyamenle ne mɔ mɔɔ nvasoɛ ɛnle bɛ nwo zo la abo zo baminli bɔkɔɔ.+
19 Na menli bawolo awolɛ mbɔneNee azɛlɛ bo adokule nu,+Ɔlua Gyihova ɛya ne mɔɔ yɛ ɛzulolɛNee ye kpoleyɛlɛ ne mɔɔ bo zolɛ la ati,+Wɔ mekɛ mɔɔ ɔkɛmaa ɔ nwo zo ɔkɛmaa azɛlɛ ne kɛwoso kpole la.
20 Kenle zɔhane, menli basesa dwɛtɛ fufule nee nvutuke nyamenle ne mɔ mɔɔ nvasoɛ ɛnle bɛ nwo zoMɔɔ bɛyɛ bɛmaa bɛ nwo na bɛsonle bɛ laNa bɛavuandi bɛ bɛamaa amgbɔde* nee akpanlɛ ne mɔ,+
21 Amaa bɛahola bɛawolo awolɛ mbɔneNee bodane adokule nu,Ɔlua Gyihova ɛya ne mɔɔ yɛ ɛzulolɛNee ye kpoleyɛlɛ ne mɔɔ bo zolɛ la ati,Wɔ mekɛ mɔɔ ɔkɛmaa ɔ nwo zo ɔkɛmaa azɛlɛ ne kɛwoso kpole la.
22 Bɛmmafa bɛ nwo bɛto sonla,Mɔɔ ɔdie ɛnwomenle wɔ ɔ bonyi nu ala la anwo zo.
Duzu ati a ɔwɔ kɛ ɛbu ɔ nwo mgbonda a?
Ɔbodwɛkɛ
^ Anzɛɛ “Wɔ awieleɛ mekɛ ne anu.”
^ Anzɛɛ “adehilelɛ.”
^ Anzɛɛ “koanlɛ mgbole.”
^ Anzɛɛ “babɛlɛ adubɛnwo sonla aze.”
^ Anzɛɛ “babɛlɛ adubɛnwo sonla aze.”
^ Nane ngyikyi bie mɔɔ zɔho ahila mɔɔ bɛle adidikpoku la.
