Ayezaya 20:1-6
-
Sɛkɛlɛneɛ maa Yigyibiti nee Yiteyopea (1-6)
20 Ɛvolɛ ne mɔɔ Aselea Belemgbunli Sagɔn zoanle Taatan ne* wɔ Ahyedɔdo la anu,+ ɔ nee Ahyedɔdo honle na ɔlile ɔ nwo zo konim.+
2 Mekɛ zɔhane, Gyihova luale Emɔzo ara Ayezaya+ anwo zo hanle kɛ: “Kɔ na kɔye ɛrele ne fi ɛ nze zo na yeye ɛ gyakɛ mgbɔlaboa ne.” Na ɔyɛle ye zɔ, ɔlɛle ɔ nwo zɔ* na ɔguale ɔ gyakɛ aze ɔluale.
3 Akee Gyihova hanle kɛ: “Kɛ mɔɔ me sonvolɛ Ayezaya ɛlɛ ɔ nwo zɔ na yegua ɔ gyakɛ aze yelua too ɛvolɛ nsa yeva yeyɛ sɛkɛlɛneɛ+ nee kɔkɔbɔlɛ yemaa Yigyibiti+ nee Yiteyopea la,+
4 zɔhane ala a Aselea belemgbunli ne bahye Yigyibiti nee Yiteyopea ngakula mrenyia nee mgbanyinli yeahɔ akɛlɛzonlenlɛ nu a;+ bɛbalɛ bɛ nwo zɔ na bɛagua bɛ gyakɛ aze, bɛ butua bala zo na yeagua Yigyibiti anyunlu aze.
5 Bɛ ahonle badu na bɛabɔ anyiemgba wɔ Yiteyopea mɔɔ bɛvale bɛ nye bɛdole ɔ nwo zo nee Yigyibiti mɔɔ bɛfa bɛtu bɛ nloa anu* la anwo.
6 Kenle zɔhane, menli mɔɔ de ɛnweazo la baha kɛ, ‘Nea mɔɔ ɛdo menli mɔɔ ɛnee yɛ nye la bɛ nwo zo na yɛnriandile yɛdoale bɛ kɛ bɛboa yɛ na bɛlie yɛ bɛvi Aselea belemgbunli ne asa nu la! Kɛkala kɛ ɔkɛyɛ na yɛanriandi ɛ?’”
Ɔbodwɛkɛ
^ Anzɛɛ “sogya kpanyinli ne.”
^ Anzɛɛ “ɔwulale aze tɛladeɛ ala.”
^ Anzɛɛ “mɔɔ bɛ nye liele ye kɛnlɛma ne anwo.”
