Ayezaya 48:1-22
48 O Gyekɔbo abozoamra, bɛdie ɛhye,Bɛmɛ mɔɔ bɛfa Yizilayɛ duma bɛfɛlɛ bɛ nwo+Na bɛvi Dwuda anu,*Bɛmɛ mɔɔ bɛfa Gyihova duma bɛka ndane,+Na bɛsɛlɛ Yizilayɛ Nyamenle ne,Noko bɛnyɛ ye wɔ nɔhalɛ nee tenleneyɛlɛ nu la.+
2 Ɔluakɛ bɛfa suakpole nwuanzanwuanza+ ne duma bɛfɛlɛ bɛ nwoNa bɛkpondɛ moalɛ bɛfi Yizilayɛ Nyamenle ne,+Mɔɔ ye duma a le ɛlɔne Gyihova la ɛkɛ.
3 “Menganle ninyɛne dɛba* ne mɔ anwo edwɛkɛ mengilele bɛ mekɛ tendenle.
Ɔvi me nloa anu a ɔvindele a,Yɛɛ memaanle bɛnwunle ye.+
Menyɛle nwolɛ debie arɛlevilɛ nu, na ɔyɛle zɔ.+
4 Kɛmɔ meze kɛ ɛ nzo yɛ se la ati—Ɛ kɔme le kɛ bulalɛ yɛɛ ɛ nwoma le kɛ kɔbele+—
5 Menganle mengilele wɔ mekɛ tendenle.
Kolaa na yeayɛ zɔ la, memaanle ɛdele,Amaa wɔanga kɛ, ‘Me ananze ne a ɛyɛ ɛhye a;Me ananze mɔɔ meze nee me bulalɛ ananze ne a hanle ɛhye a.’
6 Wɔde na wɔnwu ɛhye mɔ amuala.
Ɛnrɛha nwolɛ edwɛkɛ ɔ?+
Ɔvi ɛnɛ mɔɔ kɔ la, melɛka ninyɛne fofolɛ nwo edwɛkɛ meahile wɔ,+Fealeranu ninyɛne mɔɔ ɛnze nwolɛ ɛhwee la.
7 Kɛkala a melɛbɔ ninyɛne ɛhye mɔ a, na bɛnle ɛkɛ ne dɛba,Ninyɛne mɔɔ ɛtɛtele nwolɛ edwɛkɛ ɛlɛ badwu ɛnɛ la,Amaa wɔanga kɛ, ‘Nea! Meze bɛ dɛba.’
8 Kyɛkyɛ, ɛtɛtele+ yɛɛ ɛnze,Dɛba ne ɛnee ɛ nzo ɛtɛbukele.
Ɔluakɛ meze kɛ ɛle mɛlɛbɛla,+Na ɔvi wɔ awolɛ nu, bɛfɛlɛ wɔ mɛladonlɛnli.+
9 Noko me duma ne ati, mebahomo me ɛya ne azo;+Me ayɛlɛyelɛ ne ati, mebazɔ me nwo,Na menrɛbɔ ɛ bo zo.+
10 Nea! Medu wɔ nu evinli, noko ɔnle kɛ dwɛtɛ fufule ɛdeɛ ne la.+
Meva amaneɛnwunlɛ mokyea mɔɔ bɛkolo debie wɔ zo la mezɔ wɔ menlea.*+
11 Medame mumua ne ati, medame mumua ne ati mebayɛ,+Duzu ati a ɔwɔ kɛ memaa bɛgua me nwo evinli ɛ?+
Menva me anyunlunyia memmaa awie gyɛne biala.*
12 O Gyekɔbo, tie me, yɛɛ wɔmɔ Yizilayɛ mɔɔ mevɛlɛ wɔ la.
Kɛ mede ala ɛne.+ Medame a mele alimoa ne a; medame noko a mele awieleɛ ne a.+
13 Me sa a dole azɛlɛ ye adiabo a,+Yɛɛ me sa fema ne a dɛlɛle anwuma anu a.+
Saa mefɛlɛ bɛ a, bɛ muala bɛdwazo.
14 Bɛ muala bɛboɔboa bɛ nloa na bɛdie.
Bɛ nuhua boni a ɛva ninyɛne ɛhye mɔ ɛdo gua a?
Gyihova ɛhulo ye.+
Ɔbava mɔɔ ɔkulo la yeayɛ Babelɔn,+Yɛɛ ɔ sa bara Kaledeama anwo zo.+
15 Medame a meha a, yɛɛ medame a mevɛlɛ ye a.+
Meva ye mera, na mɔɔ ɔbayɛ la bawie ye boɛ.+
16 Bɛbikye me na bɛdie ɛhye.
Ɔvi mɔlebɛbo ne amuala meanga edwɛkɛ wɔ fealeranu.+
Mekɛ mɔɔ ɔzile la, ɛnee mewɔ ɛkɛ.”
Na kɛkala, Tumivolɛ Awulae Gyihova ɛzoa me nee ye sunsum ne.
17 Edwɛkɛ mɔɔ Gyihova wɔ kpɔnevolɛ, Yizilayɛ Nwuanzanwuanza Ko ne ɛha la ɛne:+
“Medame Gyihova a mele wɔ Nyamenle a,Ahenle mɔɔ kilehile wɔ ɔmaa ɔwie wɔ boɛ,*+Ahenle mɔɔ kile wɔ adenle mɔɔ ɔwɔ kɛ ɛdua nu la.+
18 Saa ɛyɛ ɛnzolɛ wɔadie me mɛla ne mɔ a,+
Anrɛɛ wɔ anzodwolɛ bayɛ kɛ azule+Na wɔ tenleneyɛlɛ ayɛ kɛ nyevile azɛlɛkye.+
19 Ɛ mra nee ɛ bo zo amra bazo kɛ ɛnwea.+Bɛ duma ɛnrɛminli anzɛɛ ɛnrɛzɛkye
Wɔ me nyunlu ɛlɛ.”
20 Bɛvi Babelɔn bɛhɔ!+
Bɛnriandi bɛvi Kaledeama anwo!
Bɛva fɛlɛkolilɛ bɛbɔ ye nolo! Bɛha bɛmaa bɛde!+
Bɛmaa ɔdwu azɛlɛ ne ɛleka biala.+
Bɛha kɛ: “Gyihova ɛkpɔne ye sonvolɛ Gyekɔbo.+
21 Mekɛ mɔɔ ɔ nee bɛ lua ɛsɛlɛ ne azo la, nzuhɔne angu bɛ.+
Ɔmaanle nzule vi bodane nu zenle maanle bɛ;Ɔkpukele bodane ɔmaanle nzule vi nu vindele.”+
22 Gyihova se, “Anzodwolɛ ɛnle ɛkɛ ɛmmaa amumuyɛma.”+
Ɔbodwɛkɛ
^ Hibulu aneɛ nu, “bɛvi Dwuda nzule nu.”
^ Hibulu aneɛ nu, “alimoa ninyɛne.”
^ Anzɛɛ “menleɛnlea wɔ nu.” Anzɛɛ ɔkola ɔkile, “meye wɔ.”
^ Anzɛɛ “Me nee awie biala ɛngyɛ me anyunlunyia.”
^ Anzɛɛ “wɔ wɔ boɛyɛlɛ ti.”
