Ayezaya 65:1-25
65 “Memaa menli mɔɔ ambiza me bo zo la ɛkpondɛ me;Memaa menli mɔɔ amkpondɛ me la ɛnwu me.+
Menganle mengilele maanle mɔɔ ambɔ me duma la kɛ, ‘Mewɔ ɛke, mewɔ ɛke!’+
2 Medɛlɛ me sa nu alehyenlɛ muala memaa menli mɔɔ anzo yɛ se,+Menli mɔɔ lua adenle ɛtane zo,+Na bɛdi bɛ nzuzulɛ nzi;+
3 Menli mɔɔ gyinla me nyunlu ka me ɛya dahuu,+Bɛbɔ afɔle wɔ tola nu+ na bɛbɔ afɔle wɔ belekese zo bɛmaa ɔkpu esike la.
4 Bɛtɛnlɛdɛnla nla nwo,+Aleɛ dwo a bɛkɔ ɛleka mɔɔ vea la*Na bɛdi kpolike nane,+Ninyɛne mɔɔ anwo ɛnde la subue ɛyi bɛ ahyɛnze nu.+
5 Bɛka kɛ, ‘Gyinla ahane; mmabikye me,Ɔluakɛ me nwo te tɛla wɔ.’*
Ɛhye mɔ le kɛ esike wɔ me bonyi nu, senle mɔɔ sɔ alehyenlɛ muala la.
6 Nea! Bɛhɛlɛ bɛdo me nyunlu;Menrɛyɛ koonwu,Emomu mebadua bɛ kakɛ,+Mebadua bɛ kakɛ ne amuala*
7 Wɔ bɛ ɛtane ne nee bɛ nenyia mɔ ɛtane ne noko anwo,”+ Gyihova a se a.
“Ɔluakɛ bɛbɔ afɔle wɔ awoka ne mɔ azo bɛmaa ɔkpu esikeYɛɛ bɛbɔ me anyiemgba wɔ awoka ngyikyi zo,+Mebalimoa meazuzu bɛ ahatualɛ ne amuala meamaa bɛ.”*
8 Edwɛkɛ mɔɔ Gyihova ɛha la ɛne:
“Kɛ mɔɔ bɛnyia nwanye fofolɛ wɔ vanye ma nuNa awie ka kɛ, ‘Bɛmmasɛkye ye, ɔluakɛ debie kpalɛ* bie wɔ nu’ la,
Zɔhane ala a me azonvolɛ ati mebayɛ a;Menrɛzɛkye bɛ muala.+
9 Mebamaa ralɛ vi Gyekɔbo anu araYɛɛ mebamaa awie vi Dwuda anu ara mɔɔ ɔbadɛnla me awoka ne mɔ azo a;+Menli mɔɔ mekpa bɛ la bava azɛlɛ ne ayɛ bɛ ɛdeɛ,Yɛɛ me azonvolɛ badɛnla ɛkɛ.+
10 Hyɛlɔn+ bayɛ mboane adidilekaYɛɛ Ekɔ Bɔnza ne+ bayɛ ɛleka mɔɔ nlankɛ die bɛ menle laYeamaa me menli ne mɔɔ kpondɛ me la.
11 Noko bɛmɛ bɛboka menli mɔɔ ɛkpo Gyihova,+Menli mɔɔ arɛle fi me boka nwuanzanwuanza ne,+Menli mɔɔ to ɛkponle maa Saleɛ nyamenle ne,Yɛɛ bɛdabɛ mɔɔ bɛfonlɔfonla nwanye wɔ kanrɛlɛ nu bɛmaa Nkelabea nyamenle ne la anwo.
12 Ɔti mebamaa bɛawu dadeɛ nloa,+Bɛ muala bɛbahoto bɛamaa bɛahu bɛ,+Ɔluakɛ menvɛlɛle, na bɛanlie zolɛ,Mendendɛle, na bɛandie;+Bɛhɔle zo bɛyɛle mɔɔ le ɛtane wɔ me nye zo la,Na bɛyɛle mɔɔ me nye ɛnlie nwolɛ la.”+
13 Yemɔti edwɛkɛ mɔɔ Tumivolɛ Awulae Gyihova ɛha la ɛne:
“Nea! Me azonvolɛ bali debie, noko bɛmɛ ɛhɔne bahu bɛ.+
Nea! Me azonvolɛ banlo nzule,+ noko bɛmɛ nzuhɔne bahu bɛ.
Nea! Me azonvolɛ bali fɛlɛko,+ noko bɛmɛ bɛbabɔ anyiemgba.+
14 Nea! Me azonvolɛ bavi ahonle kpalɛ nu ava fɛlɛkolilɛ adeɛdea nu,Noko bɛmɛ bɛbazu ɔlua nyane mɔɔ wɔ bɛ ahonle nu la atiYɛɛ bɛ sunsum mɔɔ anwo ɛbubu ye la ati bɛbaye awolɛ.
15 Bɛbagyakyi duma mɔɔ menli mɔɔ mekpa bɛ la bava aha ndane a,Na Tumivolɛ Awulae Gyihova bahu bɛ nuhua ko biala,Noko ɔbava duma fofolɛ yeavɛlɛ ye azonvolɛ.+
16 Na awie biala mɔɔ bakpondɛ nyilalɛ wɔ azɛlɛ ne azo laNɔhalɛ* Nyamenle ne bayila ye,Yɛɛ awie biala mɔɔ baha ndane wɔ azɛlɛ ne azo laBava nɔhalɛ* Nyamenle ne aha ndane.+
Ɔluakɛ bɛ rɛle bavi bɛ nyanelilɛ* dɛba ne mɔ;Bɛbaye bɛ bɛavi me nye zo.+
17 Ɔluakɛ nea! Melɛbɔ anwuma fofolɛ nee azɛlɛ fofolɛ;+Na bɛnrɛhakye ninyɛne dɛba ne mɔ*Yɛɛ bɛnrɛra ahonle nu bieko.+
18 Ɔti bɛmaa bɛ nye ɛlie na bɛli fɛlɛko dahuu wɔ mɔɔ melɛbɔ la anwo.
Ɔluakɛ nea! Melɛbɔ Gyɛlusalɛm amaa yeava anyelielɛ yearaNa menli mɔɔ wɔ zolɛ la ali nwolɛ fɛlɛko.+
19 Mebali Gyɛlusalɛm anwo fɛlɛko na me nye alie me menli ne anwo;+Bɛnrɛde ɛzunlɛ yɛɛ nyanelilɛ ɛnelɛ wɔ zolɛ bieko.”+
20 “Adɔma biala ɛnle ɛkɛ mɔɔ ɔbali mekɛ ekyi bie a,Yɛɛ kpanyinli biala ɛnle ɛkɛ mɔɔ ɔnrɛwie ye mekɛ di a.
Ɔluakɛ bɛbabu awie biala mɔɔ bali ɛvolɛ ɛya ko na yeawu la kɛ ɔle kakula ekyi bie,Na saa ɛtanevolɛ di ɛvolɛ ɛya ko bɔbɔ a munzule ti ɔbawu.*
21 Bɛbasisi azua na bɛadɛnla nu,+Yɛɛ bɛbayɛ vanye egyinli na bɛali nuhua ma.+
22 Bɛnrɛsisi azua na awie gyɛne adɛnla nu,Yɛɛ bɛnrɛlua na awie gyɛne ali.
Ɔluakɛ me menli ne mekɛ bayɛ kɛ baka mekɛ la,+Na menli mɔɔ mekpa bɛ la akunlu badwo bɛ sa anloa gyima nwo bɔkɔɔ.
23 Bɛnrɛvɛ ɛvɛlɛ* mgbane,*+Yɛɛ bɛwo mralɛ a munzule ɛnrɛdo bɛ,Ɔluakɛ bɛ nee bɛ bo zo amra le menli mɔɔGyihova ɛyila bɛ la amra.+
24 Kolaa na bɛavɛlɛ bɔbɔ la, mebalie zo;Mɔɔ bɛgua zo bɛlɛtendɛ la, mebadie.
25 Bedi nee boaneralɛ babɔ nu adidi,Awenade bali ndile kɛ ɛnlankɛ,+Yɛɛ ɛwɔlɛ bali ndɛtɛlɛ.
Bɛnrɛboda awie yɛɛ bɛnrɛzɛkye debie wɔ me boka nwuanzanwuanza ne azo amuala,”+ Gyihova a se a.
Ɔbodwɛkɛ
^ Anzɛɛ ɔkola ɔkile, “bɛkɔ ɛzinzalɛ sua nu.”
^ Anzɛɛ ɔkola ɔkile, “Ɔluakɛ mebamaa wɔanwu nwuanzanwuanzayɛlɛ ne.”
^ Hibulu aneɛ nu, “meagua bɛ kɛnra anu.”
^ Hibulu aneɛ nu, “meagua bɛ kɛnra anu.”
^ Hibulu aneɛ nu, “nyilalɛ.”
^ Anzɛɛ “Nɔhavo.” Hibulu aneɛ nu, “Amen.”
^ Anzɛɛ “nɔhavo.” Hibulu aneɛ nu, “Amen.”
^ Anzɛɛ “ngyegyelɛ.”
^ Hibulu aneɛ nu, “Na ninyɛne dɛba ne mɔ ɛnrɛra adwenle ne anu bieko.”
^ Anzɛɛ ɔkola ɔkile, “Na bɛbabu awie mɔɔ yeanli ɛvolɛ ɛya ko na yeawu la kɛ munzule ɛdo ye.”
^ Anzɛɛ “Bɛnrɛyɛ gyima ɛsesebɛ.”
^ Anzɛɛ “gyɛne.”
