Ayezaya 9:1-21
9 Noko akee, awozinli ne ɛnrɛyɛ kɛ mekɛ mɔɔ ɛnee anwongyelelɛ wɔ azɛlɛ ne azo, kɛ dɛba ne mɔɔ ɛnee bɛmbu Zɛbulɛn azɛlɛ ne nee Nafetalae azɛlɛ ne bie la.+ Noko nzinlii ɔbamaa bɛali ye eni—adenle ne mɔɔ wɔ nyevile ne anloa wɔ Dwɔdan maanzinli ne anu, maanle maanle ne mɔ Galeli.
2 Menli mɔɔ ɛnee lua awozinli nu laƐnwu wienyi kpole bie.
Yɛɛ bɛdabɛ mɔɔ bɛde awozinli kabii nu la,Wienyi ɛda bɛ nwo zo.+
3 Wɔmaa maanle ne anu amra anwo ɛzo;Wɔmaa bɛ fɛlɛkolilɛ ɛyɛ kpole.
Bɛ nye die wɔ ɛ nyunluKɛ mɔɔ menli nye die wɔ ma ɛdelɛ mekɛ nu,Kɛ menli mɔɔ fa anyelielɛ kyɛ ninyɛne mɔɔ bɛkɛve la.
4 Ɔluakɛ wɔbubu bɛ gyɛnvayile mɔɔ bɛfa bɛsoa adesoa,Kpɔma mɔɔ la bɛ awane zo, menli mɔɔ maa bɛyɛ gyima la baka ne anu,Kɛ Medean mekɛ zo la.+
5 Mgbɔlaboa biala mɔɔ bɛlɛtia a ɔkpusu azɛlɛYɛɛ tɛladeɛ biala mɔɔ ɛyɛ mogya ngome laBayɛ kɛ ɛyɛne mɔɔ bɛfa bɛwuda senle la.
6 Ɔluakɛ bɛwo kakula bie bɛmaa yɛ,+Bɛmaa yɛ ralɛ nrenyia;Na tumililɛ* ne bala ɔ bati.+
Bɛbavɛlɛ ye Nwanwane Folɛtuvolɛ,+ Nyamenle Tumivolɛ,+ Dahuu Selɛ, Anzodwolɛ Belemgbunli.
7 Ye tumililɛ* ne anu badɛlɛNa anzodwolɛ mɔɔ ɛnlɛ awieleɛ la bara+Devidi belemgbunli ebia ne+ nee ye belemgbunlililɛ ne azo,Na yealua pɛlepɛlelilɛ+ nee tenleneyɛlɛ zo+Yeamaa yeagyinla kpundii+ na yeabɔ nwolɛ bane,Ɔvi ɛnɛ mɔɔ kɔ la yɛɛ dahuu.
Ɛlɔne Gyihova mɔdenlebɔlɛ ne a bayɛ ɛhye a.
8 Gyihova ɛdendɛ ɛtia Gyekɔbo,Na yera Yizilayɛ anwo zo.+
9 Na menli ne amuala banwu ye—menli mɔɔ wɔ Yifelaem nee Samɛlea—Mɔɔ bɛmemaa bɛ nwo zo na bɛka ye wɔ bɛ ahonle ne mɔ mɔɔ ɛsolo la anu kɛ:
10 “Belekese ɛbubu ɛgua aze,Noko yɛbava awolɛ yɛazi.+
Bɛpɛ sikamɔ mbaka bɛgua ye aze,Noko yɛbava sida mbaka yɛazie bɛ bo zo ne.”
11 Gyihova bamaa Rilizen agbɔvolɛ adwazo atia yeNa yeamaa menli mɔɔ kyi ye la ara ɔ nwo zo,
12 Selea bavi aduduleɛ ara yɛɛ Filisitiama bavi adɔleɛ* ara,+Bɛbabuke bɛ nloa bɛahye Yizilayɛ bɛali.+
Ɔlua ɛhye amuala ati, ɔnrɛmaa ye ɛya ne ɛnrɛha,Na ɔ sa ne mɔɔ yedende kɛ ɔku bɛ la tɛbɔ ɛkɛ.+
13 Ɔluakɛ menli ne anzia angɔ Ahenle mɔɔ ɛbobɔ bɛ la ɛkɛ;Bɛamkpondɛ ɛlɔne Gyihova abo zo.+
14 Gyihova bapɛ etile nee dualɛNgane nee ndile* avi Yizilayɛ wɔ kenle ko anu.+
15 Kpanyinli ne mɔɔ bɛbu ye la a le etile ne,Yɛɛ ngapezonli ne mɔɔ kilehile adalɛ ngilehilelɛ la a le dualɛ ne.+
16 Menli mɔɔ li menli ɛhye anyunlu la ɛlɛmaa bɛaminli,Yɛɛ bɛdabɛ mɔɔ bɛlɛkile bɛ adenle la anye zo ɛda bɛ.
17 Zɔhane ati Gyihova anye ɛnrɛlie bɛ mgbavolɛ ne mɔ anwo,Yɛɛ ɔnrɛze bɛ nrisa nee bɛ ahunlanvolɛ anwunvɔneƆluakɛ bɛ muala bɛkpɔkye yɛɛ bɛle ɛtanevolɛma+Na ɛnloanlɛ biala ka koasea edwɛkɛ.
Ɔlua ɛhye amuala ati, ɔnrɛmaa ye ɛya ne ɛnrɛha,Na ɔ sa ne mɔɔ yedende kɛ ɔku bɛ la tɛbɔ ɛkɛ.+
18 Ɔluakɛ amumuyɛyɛlɛ sɔ kɛ senle la,Na ɔyela mbowule nee ndile.
Ɔbamaa senle adɔ kpɔkɛ mɔɔ wɔ ɛhoayelɛ nu la anu,Na bɛ esike ne bakpu ahɔ anwuma.
19 Ɛlɔne Gyihova ɛva ɛyaƐmaa senle ɛdɔ azɛlɛ ne azo,Na menli ne bayɛ kɛ ɛyɛne mɔɔ bɛfa bɛsɔ senle la.
Na awie biala ɛnrɛze ɔ diema bɔbɔ anwunvɔne.
20 Awie bapɛ debie wɔ fema zoNoko ɛhɔne bahu ye;Yɛɛ awie bali debie wɔ bɛne zoNoko ɔ ko ɛnrɛyi.
Awie biala bali ɔ sa anwo nwonane ne,
21 Manasɛ bateta Yifelaem,Yɛɛ Yifelaem bateta Manasɛ.
Bɛ mu nwiɔ bɛbadwazo bɛatia Dwuda.+
Ɔlua ɛhye amuala ati, ɔnrɛmaa ye ɛya ne ɛnrɛha,Na ɔ sa ne mɔɔ yedende kɛ ɔku bɛ la tɛbɔ ɛkɛ.+
Ɔbodwɛkɛ
^ Anzɛɛ “maanlebulɛ.”
^ Anzɛɛ “maanlebulɛ.”
^ Hibulu aneɛ nu, “babu bɛ nzi.”
^ Anzɛɛ ɔkola ɔkile, “Ɛrɛlakɛ nee ndɔ.”
