Dwobu 10:1-22
10 “Mekyi* me ngoane.+
Mebaha me ngyegyelɛ ne mɔ anwo edwɛkɛ.
Mebadendɛ wɔ me nyanelilɛ kpole* nu!
2 Mebaze Nyamenle kɛ: ‘Mmabua me fɔlɛ.
Ka deɛmɔti ɛ nee me ɛlɛdi la kile me.
3 Asoo ɛnyia nvasoɛ kɛ ɛkɛsisi me,Kɛ ɛkɛkpo ɛ sa anloa gyima+Na ɛ nye kɛlie amumuyɛma folɛdulɛ nwo ɔ?
4 Asoo ɛ nye le kɛ sonla ɛdeɛ ne,Anzɛɛ ɛnwu debie kɛ mɔɔ sonla dasanli nwu ye la ɔ?
5 Asoo wɔ mekɛ le kɛ dasanli mekɛ la,Anzɛɛ wɔ ɛvolɛ le kɛ sonla ɛdeɛ ne,+
6 Mɔɔ ɔwɔ kɛ ɛkpondɛ me nvonleɛNa ɛkɔ zo ɛnea me ɛtane ɔ?+
7 Ɛze kɛ menli fɔlɛ;+Yɛɛ awie biala ɛnrɛhola ɛnrɛlie me ɛnrɛvi ɛ sa nu.+
8 Ɛdawɔ mumua ne ɛ sa a nwonle me na ɔyɛle me a,+Noko kɛkala ɛsɛkye me bɔkɔɔ.
9 Mesɛlɛ wɔ, kakye kɛ ndɛtɛlɛ a ɛvale ɛbɔle me a,+Noko kɛkala ɛmaa meazia meahɔ ndɛtɛlɛ nu.+
10 Asoo wɔanwola me wɔangua kɛ meleke,Yɛɛ wɔambɔ me kunguma kɛ kyiisi ɔ?
11 Ɛvale nwoma nee nwonane ɛhedale me,Na ɛvale mbowule nee ndinli ɛnwonle me ɛbɔle nu.+
12 Wɔmaa me ngoane nee ɛlɔlɛ kpundii;Wɔnlea me na wɔbɔ me sunsum* ne anwo bane.+
13 Noko wɔvea ɛ nwo kɛ ɛyɛ ninyɛne ɛhye mɔ.*
Meze kɛ ninyɛne ɛhye mɔ vi wɔ.
14 Saa menyɛle ɛtane a, anrɛɛ ɛnwunle me,+Na anrɛɛ ɛnrɛva me nvonleɛ ɛnrɛhyɛ me.
15 Saa medi fɔlɛ a, me gyakɔ!
Yɛɛ saa edwɛkɛ ɛnle me nwo bɔbɔ a, mengola me ti zo kpogya,+Ɔluakɛ anyiemgba nee nyanelilɛ ɛyi me tɛkɛɛ.+
16 Saa mekpogya me ti zo a, ɛfoa me kɛ awenade+Na ɛkile wɔ tumi ne wɔ me nwo zo bieko.
17 Ɛfa alasevolɛ fofolɛ ɛba me nwo zoNa ɛmaa wɔ ɛya mɔɔ wɔ me nwo zo la yɛ kpole,Wɔ mekɛ mɔɔ anwongyelelɛ doa anwongyelelɛ ba me nwo zo la.
18 Ɔti duzu ati a ɛyele me ɛvile ɛkolɛ ne anu ɛrale a?+
Anrɛɛ menwule kolaa na ɛnyelɛ biala anwu me.
19 Anrɛɛ ɔbayɛ kɛ asɛɛ metɛtɛnlanle aze ɛlɛ la;Anrɛɛ bɛbava me bɛavi ɛkolɛ nu ɛkɛ ne ala bɛahɔ nla ne anu.’
20 Asoo me mekɛ ɛnle ekyi bie?+ Bɛmaa ɔgyakyi me;Bɛmaa ɔye ɔ nye ɔvi me nwo, amaa meanyia ɛnwomenlelielɛ ekyii*+
21 Kolaa na meahɔ—na menrɛzia+—Mebahɔ awozinli kabii* azɛlɛ ne azo,+
22 Mebahɔ azɛlɛ azo kisii,Awozinli kpole nee begyebegye ɛyɛlɛ azɛlɛ ne azo,Ɛleka mɔɔ wienyi bɔbɔ le kɛ awozinli la.”
Ɔbodwɛkɛ
^ Anzɛɛ “Me ɛkɛla kyi.”
^ Anzɛɛ “me ɛkɛla nyanelilɛ.”
^ Anzɛɛ “ɛnwomenle; ngoane.”
^ Hibulu aneɛ nu, “Na wɔva ninyɛne ɛhye mɔ wɔzie wɔ ahonle nu.”
^ Anzɛɛ “me nye alie ekyii.”
^ Anzɛɛ “awozinli nee ewule alubo.”
