Dwobu 11:1-20
11 Zofaa+ mɔɔ vi Neeyama la buale kɛ:
2 “Asoo bɛnrɛbua edwɛkɛ dɔɔnwo ɛhye anwo bie,Anzɛɛ ɛdendɛlɛ dɔɔnwo dɔɔnwo maa sonla* di benle ɔ?
3 Asoo wɔ ɛdendɛlɛ mgbane ne bamaa menli ayɛ koonwu ɔ?
Asoo awie biala ɛnrɛdea wɔ wɔ agolobɛnwo edwɛkɛ ne anwo ɔ?+
4 Ɔluakɛ ɛka kɛ, ‘Me ngilehilelɛ nwo te,+Yɛɛ me nwo te wɔ ɛ nye zo.’+
5 Noko saa anrɛɛ Nyamenle badendɛNa yeabuke ɔ nloa yeahile wɔ a!+
6 Anrɛɛ ɔbala fealeranu edwɛkɛ mɔɔ maa bɛnwu nrɛlɛbɛ la ali yeahile wɔ,Ɔluakɛ nrɛlɛbɛ kpalɛ lɛ afoa dɔɔnwo.
Anrɛɛ ɛbanwu kɛ Nyamenle ɛmaa ɔ rɛle ɛvi wɔ nvonleɛ ne mɔ bie.
7 Asoo ɛbahola wɔanwu Nyamenle ninyɛne mɔɔ anu le kuloonwu la,Anzɛɛ ɛbahola wɔanwu Tumivolɛ Bedevinli ne anwo debie biala* ɔ?
8 Ɔkpogya ɔtɛla anwuma. Duzu a ɛbahola wɔayɛ a?
Ɔle kuloonwu ɔtɛla Nla.* Duzu a ɛkɛhola ɛkɛnwu ye a?
9 Ɔwale ɔtɛla azɛlɛ yeYɛɛ ɔtɛlɛ ɔtɛla nyevile.
10 Saa ɔlɛpɛ nu na ɔkye awie ɔfa ye ɔkɔ kɔɔto a,Nwane a kɛhola kɛzi ye adenle a?
11 Ɔluakɛ saa menli ɛlɛbɔ adalɛ a ɔze.
Saa ɔnwu ɛtane a, asoo ɔnrɛzuzu nwolɛ?
12 Noko saa ɛbɔ nu asoaso kola wo sonla* a,Yɛɛ koasea bade ɔ bo a.
13 Anrɛɛ ɛkɛsiezie wɔ ahonleNa ɛkɛdende ɛ sa ɛkɛhile ye.
14 Saa ɛ sa ɛlɛyɛ ɛtane a, fa to moamoa,Yɛɛ mmamaa ninyɛndane biala tɛnla wɔ ɛdanlɛ azua nu.
15 Na akee ɛbakpogya ɛ ti zo mɔɔ ngehanleɛ biala ɛnle ɛ nwo;Ɛbagyinla kpundii mɔɔ ɛnrɛzulo.
16 Na akee ɛ rɛle bavi wɔ ngyegyelɛ;Ɛbahakye ye kɛ nzule mɔɔ ɛze ɛ nwo ɛhɔ la.
17 Wɔ ngoane mekɛ bada adɛla sɛnzɛngyinla;Ye awozinli bɔbɔ bayɛ kɛ nwonlomɔ.
18 Ɛbanyia anwodozo ɔluakɛ anyelazo wɔ ɛkɛ,Ɛbava ɛ nye wɔabɔ ɛ nwo mgbɔlɔka wɔayia na wɔala anzodwolɛ nu.
19 Ɛbala mɔɔ awie biala ɛnrɛha wɔ ɛzulolɛ a,Na menli dɔɔnwo bakpondɛ ɛ nyunlu ɛlolɛ.
20 Noko amumuyɛma anye bazi;Na bɛnrɛnyia ɛleka mɔɔ bɛnriandi bɛahɔ a,Na ewule* ala a bayɛ bɛ anyelazo a.”+
Ɔbodwɛkɛ
^ Anzɛɛ “adubɛnwo sonla.”
^ Anzɛɛ “ye kpoleyɛlɛ ne ɛweɛne.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “saa bɛwo ɛbɔ nu asoaso kɛ sonla.”
^ Anzɛɛ “ɛkɛla mɔɔ ɛlɛwu la.”