Dwobu 13:1-28
13 “Ɛhɛe, me nye ɛnwu ɛhye mɔ amuala,Me nzo ɛde na mede ɔ bo.
2 Mɔɔ bɛze la, medame noko meze;Bɛndɛla me.
3 Na me ɛdeɛ, mebahulo kɛ me nee Tumivolɛ Bedevinli mumua ne badendɛ;Nyamenle a mekulo kɛ me nee ye di me edwɛkɛ ne a.+
4 Noko bɛmɛ bɛbɔ adalɛ bɛgua me nwo evinli;Bɛ muala bɛle ayileyɛvoma mɔɔ anwo ɛnlɛ nvasoɛ.+
5 Saa bɛyɛ koonwu a,Yemɔ bahile kɛ bɛze nrɛlɛbɛ.+
6 Mesɛlɛ bɛ, bɛdie me edwɛkɛ,Na bɛyɛ ɛnzolɛ bɛdie me nloa anu modolɛ.
7 Bɛbabɔ adalɛ bɛamaa Nyamenle,Na bɛaha mɛlɛbɛla edwɛkɛ bɛamaa ye ɔ?
8 Asoo bɛbagyinla ye afoa,Bɛbabɔ mɔdenle bɛali nɔhalɛ Nyamenle ne edwɛkɛ bɛamaa ye ɔ?
9 Saa ɔneɛnlea bɛ nu a, asoo ɔbawie bɛ boɛ?+
Asoo bɛbahola bɛayɛ ye koasea kɛ mɔɔ bɛyɛ sonla dasanli koasea la?
10 Saa bɛbɔ mɔdenle kɛ bɛyɛ nyeyenu wɔ fealeranu aƆbadea bɛ.+
11 Asoo ye tumi ne ɛnrɛha bɛ ɛzulolɛ,Na ɔ nwo ɛzulolɛ ne ɛnrɛdɔ bɛ nwo zo ɔ?
12 Bɛ nrɛlɛbɛ* edwɛkɛ le mrɛlɛbulɛ mgbane kɛ nzonle;Bɛ enyinlike le kɛ ndɛtɛlɛ enyinlike, ɔnlɛ anwosesebɛ.
13 Bɛyɛ ngungoonwu wɔ me nyunlu ɛke, na metendɛ.
Akee bɛmaa mɔɔ ba me nwo zo la ɛrɛla!
14 Duzu ati a menva me nwo mendo esiane nu*Na menlɛ me ngoane* me sa nu a?
15 Bie a ɔbahu me ɛdeɛ, noko mebahɔ zo meahendɛ;+Mebaha me edwɛkɛ ne* wɔ ɔ nyunlu.
16 Akee ɔbayɛ me ngoanedievolɛ,+Ɔluakɛ amumuyɛnli* biala ɛnrɛra ɔ nyunlu.+
17 Bɛdie me edwɛkɛ ne kpalɛ;Bɛyɛ ɛnzolɛ bɛmaa mɔɔ meka la.
18 Akee bɛnlea, meziezie me edwɛkɛ ne kɛ mefa meahɔ kɔɔto;Meze kɛ medi benle.
19 Nwane a kɛhola kɛyeye me nloa azo a?
Saa meyɛ koonwu a, mebawu!*
20 O Nyamenle, ninyɛne nwiɔ ala a yɛ maa me a,*Amaa meanvea me nwo wɔ ɛ nyunlu:
21 Ye ɛ sa ɛlomboɛ ne fi me nwo zo kɔ moamoa,Yɛɛ mmamaa ɛ nwo ɛzulolɛ ne noko nwunlonwunla me.+
22 Ɛkulo a, dimoa tendɛ na mebabua wɔ,Anzɛɛ maa menlimoa mendendɛ na wɔabua me.
23 Me nvonleɛ nee me ɛtane ne mɔ a le boni?
Maa menwu me mɛladonlɛ nee me ɛtane.
24 Duzu ati a wɔva ɛ nye wɔvea me+Na ɛbu me kɛ wɔ kpɔvolɛ ɛ?+
25 Mele nya mɔɔ anwoma bɔ ye kɔ ala, mele ndile ala,Duzu ati a ɛka me ɛzulolɛ na ɛfoa me ndinlizo a?
26 Ɔluakɛ ɛkɔ zo ɛkɛlɛ me nwo ɛzonledolɛ mɔɔ yɛ nyane la ɛto ɛkɛ,Na ɛmaa metua me mgbavolɛ nu ɛtane ne mɔ anwo kakɛ.
27 Wɔkyekye me gyakɛ wɔbɔ baka nu,Ɛneɛnlea me ndenle kɔsɔɔti anu,Na me gyakɛ ko biala mɔɔ mekɛdu la, ɛyɛ ɔ bo zo ne nzonlɛ.
28 Ɔti sonla sɛkye kɛ debie kpɔlɔlera,Kɛ tɛladeɛ mɔɔ ngɛkɛba ɛli la.
Ɔbodwɛkɛ
^ Anzɛɛ “ngakyelɛ.”
^ Hibulu aneɛ nu, “Duzu ati a menva me nwonane menzia me gye nu a?”
^ Anzɛɛ “ɛkɛla.”
^ Anzɛɛ “Mebaza me ne wɔ me ndenle nwo.”
^ Anzɛɛ “kpɔkyevolɛ.”
^ Anzɛɛ ɔkola ɔkile, “Saa sonla kɛhola a, anrɛɛ mebayɛ koonwu na meawu.”
^ Hibulu aneɛ nu, “Ninyɛne nwiɔ pɛ a mmafa ɛyɛ me a.”
