Dwobu 16:1-22
16 Dwobu buale kɛ:
2 Mede edwɛkɛ mɔɔ le kɛ ɛhye mɔ la dɔɔnwo.
Bɛ muala bɛle arɛlekyekyevolɛma agyegyeamra!*+
3 Edwɛkɛ mgbane mgbane ɛnlɛ ye awieleɛ ɔ?
Duzu a ɛha wɔ ɛya ɛmaa wɔbua ye zɛhae a?
4 Medame noko mebahola meadendɛ kɛ bɛdabɛ la.
Saa bɛdabɛ a ɛhye dole bɛ a,Anrɛɛ mebahola meaha edwɛkɛ dɔɔnwo meatia bɛNa meakpusu me ti meahile bɛ.+
5 Emomu, anrɛɛ mebava me nloa anu edwɛkɛ meamaa bɛ anwosesebɛ,Na arɛlekyekyelɛ mɔɔ vi me nloa babonle ne anu la, bamaa bɛ nwo adɔ bɛ.+
6 Saa metendɛ a, me anwofofolɛ ne ɛngɔ,+Na saa meandendɛ noko a, kɛzi me anwofofolɛ ne ka aze ɛ?
7 Noko kɛkala, yemaa mevɛ;+Yebɔ me awuke ne bɔkɔɔ.*
8 Ɛdawɔ noko wɔzɔ me, na yerayɛ daselɛ,Menwa dedee me ɛnwalɛ ne ɛyɛ kɛ dasevolɛ mɔɔ dwazo di daselɛ tia me la.
9 Yeva ɛya yetete me nu azinli azinli, yɛɛ yeva me nwo edwɛkɛ yezie ye nu.+
Ɔtwi ɔ gye ɔkile me.
Me kpɔvolɛ ne bu me anyehoanlɛ.+
10 Bɛbuke bɛ nloa wanaanwo kɛ bɛkye me bɛali,+Yɛɛ bɛbɔ me nzo nu agolobɛnwo nu;Bɛboɔboa bɛ nloa dɔɔnwo bɛdwazo bɛtia me.+
11 Nyamenle ɛye me ɛmaa ngakula mrenyia,Yɛɛ yezuhu me yewula amumuyɛma asa anu.+
12 Ɛnee me nwo tɔ me, noko ɔbubule me nu azinli azinli;+Ɔzɔle me kɔme anzi na ɔbɛtɛle me;Akee ɔdule ɔ nye ɔziele me nwo.
13 Ye ɛdatovoma bɔ me yia;+Ɔwowɔ me kilenzia ne mɔ anu+ na ɔnze anwunvɔne;*Ɔwola me bɔnyema ɔgua azɛlɛ nwo.
14 Mele kɛ bane mɔɔ ɔkɔ zo ɔbɔ nuhua tokule la;Ɔtu hyee ɔba me nwo zo kɛ kovolɛ.
15 Mekpomgba ɛrele meheda,+Yɛɛ mevu me anyunlunyia* mewula ndɛtɛlɛ nu.+
16 Ɛzunlɛ ɛmaa me nye ɛyɛ ngɔkɔlɛ,+Yɛɛ awozinli kabii* ɛheda me nye anzi,
17 Noko me sa ɛtɛyɛle amumuyɛ bialaYɛɛ me asɔneyɛlɛ nwo te.
18 O azɛlɛ, mmakeda me mogya zo!+
Yɛɛ mmamaa me ɛzunlɛ bo pɛ!
19 Kɛkala bɔbɔ, me dasevolɛ ne wɔ anwuma;Ahenle mɔɔ kola di daselɛ maa me la wɔ anwuma lɔ.
20 Me gɔnwo mɔ golo me nwo+Wɔ mekɛ mɔɔ me nye ɛlɛtwi monle* ahile Nyamenle la.+
21 Bɛmaa awie ɛli sonla nee Nyamenle avinli edwɛkɛ,Kɛ mɔɔ awie di sonla nee ɔ gɔnwo avinli edwɛkɛ ala la.+
22 Ɔluakɛ yeha me ɛvolɛ ekyi bie,Na meahɔ ɛleka mɔɔ mekɔ a menrɛzia la.+
Ɔbodwɛkɛ
^ Anzɛɛ “gyegyeravolɛ.”
^ Anzɛɛ “bɛdabɛ mɔɔ bɛ nee me yia nu.”
^ Anzɛɛ “ɔ kunlu ɛnyelɛyela ye.”
^ Anzɛɛ “anwosesebɛ.” Hibulu aneɛ nu, “mɛne.”
^ Anzɛɛ “ewule alubo.”
^ Anzɛɛ ɔkola ɔkile, “nafelɛ ɛngɔ me nye zo.”
