Dwobu 17:1-16
17 “Me sunsum ɛbubu, me mekɛ ɛwie;Azie ɛlɛkendɛ me.+
2 Agolobɛnwoma bɔ yia me,+Na me nye nwu* bɛ atuadelɛ subane ne.
3 Mesɛlɛ wɔ, di agyinlanu maa me.
Nwane bieko a bazoma me sa nu na yeali me agyinlanu a?+
4 Ɔluakɛ wɔva adwenlenunwunlɛ wɔvea bɛ ahonle;+Ɛhye ati a ɛmkpogya bɛ zo la.
5 Awie kola fɛlɛ ɔ gɔnwo mɔ kɛ bɛralie ye agyapadeɛ ne bie,Wɔ mekɛ mɔɔ ɛhɔne ɛmaa ɔ mra anye ɛzi la.
6 Yemaa meyɛ agolobɛnwo debie wɔ menli ne anu,+Na meyɛ sonla mɔɔ bɛtoto ɔ nyunlu nyɛlɛ a.+
7 Nyanelilɛ ngome ɛmaa me nye ɛyɛ monzomonzo,+Na me sa nee me gyakɛ kɔsɔɔti ɛyɛ kɛ ɛlawolɛ.
8 Tenlenema nea ɛhye azibɛnwo nu,Yɛɛ mɔɔ anwo ɛnlɛ edwɛkɛ la fa amumuyɛma* anwo ɛya.
9 Tenlenenli kɔ zo dua ye adenle nu,+Yɛɛ sonla mɔɔ asa anwo te la anwo kɔ zo yɛ se.+
10 Noko, bɛ muala bɛbara na bɛaradoa bɛ kpolerazulɛ ne azo,Ɔluakɛ metɛnwunle nrɛlɛbɛvolɛ biala wɔ bɛ nu.+
11 Me mekɛ ɛwie,+Me ngyehyɛleɛ ne mɔ nee mɔɔ me ahonle kulo la azo ɛpɛ.+
12 Bɛfa aledwolɛ bɛkakyi alehyenlɛ,Bɛka kɛ, ‘Wienyi ɛbikye ɔluakɛ awozinli ɛra.’
13 Saa mekendɛ bɔbɔ a, Nla* bayɛ me sua nu;+Mebado me ɛkpa wɔ awozinli nu.+
14 Mebadea nu meavɛlɛ kuma* kɛ,+ ‘Wɔmɔ a ɛle me papa a!’
Na meavɛlɛ sonlɛ kɛ, ‘Me mame nee me diema raalɛ!’
15 Ɛnee akee me anyelazo wɔ ni?+
Nwane a kɛhola kɛnwu me anyelazo a?
16 Ɔbawolo yeahɔ* Nla* nlenkɛ mgbole ne mɔ mɔɔ bɛva mbulalɛ bɛgua bɛ nzi la anu,+Wɔ mekɛ mɔɔ me nee me anyelazo ne kɔsɔɔti bahɔ ndɛtɛlɛ nu la.”
Ɔbodwɛkɛ
^ Anzɛɛ “dua.”
^ Anzɛɛ “kpɔkyevolɛma.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “nla.”
^ Ɛhye kile, me anyelazo ne.
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.