Dwobu 19:1-29
19 Dwobu buale kɛ:
2 Bɛkɔ zo bɛaha me ɛkɛla* ɛya,+Na bɛaha edwɛkɛ mɔɔ bubu me la bɛahɔdwu kenlenzu?+
3 Bɛhwi me nyunlu fane bulu;Ɔnyɛ bɛ nyiane kɛ bɛ nee me ɛlɛdi ye wɔ atisesebɛ nu la.+
4 Na saa amgba mevo bɔbɔ a,Me nvonleɛ ne tɛbɔ me nwo ɛke.
5 Saa bɛkɔ zo bɛkile kɛ bɛle kpalɛ bɛtɛla me,Na bɛka kɛ aholoba ɛbɔlɛ ne fɛta me a,
6 Ɛnee bɛnwu ye kɛ, Nyamenle a ɛbɛlɛbɛla me,Na yehye me wɔ ye asawu ne anu a.
7 Nea! Metea nu kɛ, ‘Munzule o!’ noko awie ɛmbua me;+Mesu mekpondɛ moalɛ, noko pɛlepɛlelilɛ ɛnle ɛkɛ.+
8 Yeva awolɛ yelie bane yedua me adenle ne, na mengola menze ɛkɛ;Yemaa awozinli ɛva me ademgbole ne mɔ.+
9 Yelie me anyunlunyia,Na yeye abotile ne yevi me ti zo.
10 Ɔbubu me ɔgua aze wɔ afoa biala kɔkpula kɛ mekɛwu;Yedu me anyelazo kɛ baka.
11 Yeva me nwo ɛya kpole,Na ɔbu me kɛ ye kpɔvolɛ.+
12 Ye ɛlɔnema bɔ nu ba na bɛbɔ me bɛyia,Yɛɛ bɛyɛ bɛ azokoɛleɛ bɛbɔ me ɛdanlɛsua ne bɛyia.
13 Yeye me mediema yevi me nwo yehɔ moamoa,Yɛɛ bɛdabɛ mɔɔ bɛze me la ɛhwe bɛ nwo ɛvi me nwo.+
14 Me gɔnwo mɔ kpalɛ kpalɛ* ɛkpo me,Yɛɛ bɛdabɛ mɔɔ meze bɛ kpalɛ la arɛle ɛvi me.+
15 Nyɛvolɛ mɔɔ bɛde me sua nu+ nee me azonvolɛ mraalɛ bu me ɛyɛvolɛ;Mele bɛ nye zo ɛyɛvolɛ.
16 Mefɛlɛ me sonvolɛ, noko ɔnlie zo;Mebuke me nloa mekpa ye kyɛlɛ kɛ ɔze me anwunvɔne.
17 Me ɛnwomenle bɔbɔ ɛyɛ kyibadeɛ ɛmaa me ye,+Yɛɛ me nwo bɔ maa medame me mediema.*
18 Ngakula bɔbɔ ɛmbu me;Saa medwazo a, ɛnee bɛbɔ ɔ bo kɛ bɛsele me.
19 Me gɔnwo mɔ kpalɛ kpalɛ kɔsɔɔti kyi me,+Yɛɛ bɛdabɛ mɔɔ ɛnee mekulo bɛ la ɛhakyi bɛ nzi ɛzi me.+
20 Me nwo nane nee me nwoma ɛbetɛbeta me mbowule,+Na yeha me nee ewule.
21 Bɛnwu me anwunvɔne, me gɔnwo mɔ, bɛnwu me anwunvɔne,Ɔluakɛ Nyamenle ɛva ɔ sa ɛha me.+
22 Duzu ati a bɛkɔ zo bɛyɛ me kpɔdekpɔde kɛ mɔɔ Nyamenle yɛ me la,+Bɛteta me mɔɔ bɛngyakyi ɛ?*+
23 Anrɛɛ bɛhɛlɛle me edwɛkɛ ne bɛdole ɛkɛ,Anrɛɛ bɛhɛlɛle ye wɔ buluku nu!
24 O, anrɛɛ bɛvale bulalɛ pɛne nee sumi bɛhɛlɛleBɛguale bodane zo mɔɔ ɔnkyikyi ɛlɛ a!
25 Ɔluakɛ meze ye wienyi kɛ me dievolɛ*+ ne de aze;Ɔbara nzinlii na yeadwazo yeagyinla azɛlɛ* ne azo.
26 Mekɛ mɔɔ bɛzɛkye me nwo nane bɛwie,Noko me nwo nane ne tɛbɔ me nwo la, mebanwu Nyamenle,
27 Ahenle mɔɔ medame mumua ne mebanwu ye,Mɔɔ mebava me nye meanwu ye, na tɛ awie gyɛne la.+
Noko me nwo ɛbubu me bɔkɔɔ!*
28 Ɔluakɛ bɛka kɛ, ‘Adenle boni azo a yɛlɛyɛ ye kpɔdekpɔde a?’+
Kɛ asɛɛ ngyegyelɛ ne abo vi me la.
29 Bɛdabɛ mumua ne bɛzulo konle dadeɛ ne,+Ɔluakɛ konle dadeɛ ne fa anzohwenlɛ ba bɛdabɛ mɔɔ bɛyɛ nvonleɛ la anwo zo;Ɔwɔ kɛ bɛnwu ye kɛ ndɛnebuavolɛ bie wɔ ɛkɛ.”+
Ɔbodwɛkɛ
^ Anzɛɛ “me.” Nea Edwɛkɛbohilelɛ.
^ Anzɛɛ “Me mbusuafoɔ.”
^ Hibulu aneɛ nu, “me kunlu mralɛ mrenyia,” ɛhye kile, ɛkolɛ mɔɔ wole me (me mame ako).
^ Hibulu aneɛ nu, “Na bɛ kunlu ɛndwo me nwonane ne anwo a?
^ Anzɛɛ “kpɔnevolɛ.”
^ Hibulu aneɛ nu, “ndɛtɛlɛ.”
^ Anzɛɛ “Me kilenzia ne mɔ ɛnyɛ gyima wɔ me kunlu.”
