Dwobu 22:1-30
22 Ɛlefaze+ mɔɔ vi Timan la buale kɛ:
2 “Sonla nwo bahola ara nvasoɛ amaa Nyamenle ɔ?
Asoo awie mɔɔ lɛ nwunu la anwo bahola ara nvasoɛ amaa ye?+
3 Saa ɛle tenlenenli a, asoo ɔfale Tumivolɛ Bedevinli ne anwo,*Anzɛɛ saa ɛfa nɔhalɛlilɛ ɛdua* a, ɔnyia debie ɔ?+
4 Asoo ɔbahwe ɛ nzoNa ɔ nee wɔ ali edwɛkɛ ɔluakɛ ɛlɛ ɔ nwo ɛzulolɛ la ati?
5 Asoo tɛ kɛ wɔ amumuyɛyɛlɛ ne le kpoleNa wɔ nvonleɛ ne mɔ ɛnlɛ bɛ awieleɛ la ati ɔ?+
6 Ɔluakɛ ɛdie awoba ɛfi ɛ mediema ɛkɛ mgbane gyɛne nu ala,Na ɛkpa menli nwo ndanlɛ ɛmaa bɛdɛ bɛ nwo zɔ.*+
7 Ɛmmaa sonla mɔɔ ɛvɛ la nzule ɔnno,Yɛɛ ɛmmaa mɔɔ ɛhɔne ɛlɛku ye la aleɛ ɔnli.+
8 Azɛlɛ ne le nrenyia mɔɔ lɛ tumi la ɛdeɛ,+Na awie mɔɔ bɛnwu ye anwunvɔne la tɛnla zo.
9 Noko ɛmaa ahunlanvolɛ fa bɛ sa mgbane sia kɔ,Yɛɛ ɛbɛtɛ nrisa asa.
10 Ɛhye ati a ngane* ɛbɔ wɔ ɛyia,+Na arɛlevilɛ nu ɛzulolɛ nwunlonwunla wɔ la;
11 Ɛhye ati a awozinli ɛva wɔ mɔɔ ɛnnwu aze,Na azule ɛyi ɛva wɔ la.
12 Asoo Nyamenle ɛnle anwuma anwuma lɔ?
Na nea kɛzi nwɔlɔra ne mɔ kɔsɔɔti wɔ anwuma kpalɛ la.
13 Noko wɔha kɛ: ‘Duzu bɔbɔ a Nyamenle ze a?
Asoo ɔbahola yeabua ndɛne wɔ awozinli kabii nu?
14 Saa ɔlua anwuma kutukpunli ne azo aAmungu ne keda ɔ nye amaa yeannwu ɛhwee.’
15 Asoo ɛbava tete adenle neMɔɔ amumuyɛma luale zo la azo,
16 Menli mɔɔ ewule vale bɛ hɔle kolaa na bɛ mekɛ adwu la,Bɛdabɛ mɔɔ azuyilɛ pianle bɛ ngoane adiabo ne hɔle la ɔ?+
17 Bɛhanle bɛhilele nɔhalɛ Nyamenle ne kɛ: ‘Gyakyi yɛ koonwu!’
Na ‘Duzu a Tumivolɛ Bedevinli ne kola yɛ yɛ a?’
18 Noko, ɔdaye a ɔle Ahenle mɔɔ maanle ninyɛne mgbalɛ yile bɛ azua nu tetɛkɛɛ a.
(Me adwenle nee amumuyɛ adwenle zɛhae avinli twe.)
19 Tenlenema banwu ɛhye na bɛali fɛlɛko,Yɛɛ bɛdabɛ mɔɔ edwɛkɛ ɛnle bɛ nwo la bagolo bɛ nwo na bɛaha kɛ:
20 ‘Bɛzɛkye yɛ kpɔvolɛma,Na senle bayela bɛ nuhua biala mɔɔ kɛha la.’
21 Nwu Ye kpalɛ, na ɛbanyia anzodwolɛ;Akee ninyɛne mgbalɛ bara wɔ adenle nu.
22 Die ɔ nloa anu mɛla to nu,Na fa ye edwɛkɛ sie wɔ ahonle nu.+
23 Saa ɛsia ɛkɔ Tumivolɛ Bedevinli ne ɛkɛ a, ɛ nwo badɔ wɔ;+Saa ɛye ninyɛndane ɛfi wɔ ɛdanlɛsua ne anu,
24 Saa ɛbavuandi wɔ nvutuke* ne wɔagua ndɛtɛlɛ nuYɛɛ wɔ Ofɛ+ nvutuke ne wɔagua bodane ne mɔ mɔɔ wɔ mbɔnza* ne mɔ anu la anu a,
25 Anrɛɛ Tumivolɛ Bedevinli ne bayɛ wɔ nvutuke,*Na yeayɛ wɔ dwɛtɛ fufule mɔɔ sonle bolɛ la.
26 Akee ɛ nye balie wɔ Tumivolɛ Bedevinli ne anu,Na wɔakpogya ɛ nye zo wɔahile Nyamenle.
27 Ɛbabodo ye, na ɔbadie wɔ;Na ɛbadua wɔ ɛwɔkɛ ne mɔ.
28 Debie biala mɔɔ ɛbazi kpɔkɛ kɛ ɛyɛ la bawie boɛ,Na wienyi bada wɔ adenle zo.
29 Ɔluakɛ saa ɛtendɛ anwomemaazo nu a ɔbabɛlɛ wɔ aze,Noko ɔbalie bɛlɛvoma.*
30 Ɔbalie bɛdabɛ mɔɔ edwɛkɛ ɛnle bɛ nwo la;Ɔti saa ɛ sa anwo te a, adenle biala azo, ɔbalie wɔ.”
Ɔbodwɛkɛ
^ Anzɛɛ “asoo ɔmaa Tumivolɛ Bedevinli ne anye die.”
^ Anzɛɛ “ɛdua wɔ munlililɛ nu.” Nea Edwɛkɛbohilelɛ.
^ Hibulu aneɛ nu, “ɛkpa mɔɔ lɛ ɔ nwo zɔ la anwo ɛdanlɛ.”
^ Hibulu aneɛ nu, “nlomangane.”
^ Anzɛɛ “nvutuke tagyee.”
^ Anzɛɛ “nzule.”
^ Anzɛɛ “nvutuke tagyee.”
^ Anzɛɛ “mɔɔ ka ɔ nye aze la.”
