Dwobu 23:1-17
23 Dwobu buale kɛ:
2 Ɛnɛ mɔɔ mebayɛ anzosesebɛ* meabɔ somolɛ;+Me ɛkponlenlɛ ɛmaa me anwosesebɛ ɛwie.
3 Saa meze ɛleka mɔɔ mebanwu Nyamenle a!+
Anrɛɛ mebahɔ ɛleka mɔɔ ɔde la.+
4 Anrɛɛ mebava me edwɛkɛ meado ɔ nyunluNa meaha edwɛkɛ dɔɔnwo meaza me ne;
5 Anrɛɛ mebazukoa kɛzi ɔbabua me laNa meadie mɔɔ ɔbaha yeahile me la.
6 Asoo anrɛɛ ɔbava ye tumi kpole ne ɔ nee me ali?
Kyɛkyɛ, kɛ ɔde ye biala la, anrɛɛ ɔbadie me.+
7 Ɛkɛ ne a tenlenenli kola nee ye siezie bɛ avinli edwɛkɛ a,Na me Ndɛnebuavolɛ ne babua me benle kokye.
8 Noko saa mekɔ aduduleɛ a, ɔnle ɛkɛ;Mesia me nzi noko a mennwu ye.
9 Saa ɔlɛyɛ gyima wɔ bɛne zo a, mengola mennea ye;Akee ɔkɔfa fema zo, noko mennwu ye.
10 Noko ɔze adenle mɔɔ melua zo la.+
Ɔsɔ me ɔnea ɔwie a, me nwo bade kɛ nvutuke tagyee.+
11 Melua ɔ gyakɛ abo zo ne pɛpɛɛpɛ;Melua ye adenle ne anu na metɛfile zolɛ.+
12 Metɛfile ɔ nloa anu mɛla ne anwo.
Meva ye edwɛkɛ ne mezie kpalɛ+ medɛla mɔɔ ɔkpondɛ yeavi me ɛkɛ ne* bɔbɔ la.
13 Saa ɔsi pi a, nwane a kɛhola kɛdwazo kɛtia ye a?+
Saa ɔkulo* kɛ ɔyɛ debie a, ɔyɛ.+
14 Ɔluakɛ ɔbayɛ debie biala mɔɔ yebɔ kpɔkɛ kɛ ɔbayɛ yeamaa me la bɔkɔɔ,Yɛɛ ɔlɛ ninyɛne dɔɔnwo mɔɔ le kɛ ɛhye mɔ la wɔ ye adwenle nu.
15 Ɛhye ati a adwenleadwenle ɛdɔ me nwo wɔ ɔ nyunlu la;Saa medwenle ɔ nwo a, me ɛzulolɛ ne yɛ kpole.
16 Nyamenle ɛmaa me ahonle ɛdu,Na Tumivolɛ Bedevinli ne ɛmaa ɛzulolɛ ɛha me.
17 Noko awozinli ne ɛtɛmaanle metɛyɛle koonwuAnzɛɛ awozinli kabii ne mɔɔ ɛheda me nyunlu la ɛtɛmaanle metɛyɛle zɔ.
