Dwobu 24:1-25
24 “Duzu ati a Tumivolɛ Bedevinli ne ɛtɛkilele mekɛ a?+
Duzu ati a bɛdabɛ mɔɔ bɛze ye la ɛtɛnwunle ye kenle* ne a?
2 Menli tudu ninyɛne mɔɔ bɛfa bɛgya ɛweɛne la fi bɛ bo zo ne;+Bɛwua mboane bɛkɔ bɛ adidileka ne mɔ.
3 Bɛfoa nrisa mralɛ asoaso bɛmaa bɛkɔYɛɛ bɛdie kunlavolɛ ɛnlankɛ nyinli bɛdi agyinlanu* kolaa na bɛabɔ ye bosea.+
4 Bɛpia ehyiavolɛma bɛfi adenle ne azo;Bɛdabɛ mɔɔ bɛnlɛ boavolɛ wɔ azɛlɛ ne azo la fa bɛ nwo fea bɛ.+
5 Ehyiavolɛma anye bolo kpondɛ aleɛ kɛ ɛbɔ nu asoaso+ la wɔ fienemgbole nu;Bɛkpondɛ aleɛ wɔ ɛsɛlɛ zo bɛmaa bɛ mra.
6 Bɛte ma wɔ awie mɔ ɛya nu,*Na bɛsesa ma bo zo wɔ amumuyɛma vanye egyinli nu.
7 Nɔɔzo bɛdɛ bɛ nwo zɔ bɛda, bɛnlɛ ɛdanlɛ;+Bɛnlɛ debie mɔɔ bɛfa bɛgua bɛ nwo bɛsɔ ɛyɛlɛ a.
8 Awoka zo ezule maa bɛ nwo doa;Bɛkɔbetɛbeta bodane ne mɔ anwo ɔluakɛ bɛnlɛ ɛvealeka.
9 Bɛdie arisa bɛfi nyɛfonlɛ nloa;+Yɛɛ bɛdie ehyiavolɛma adɛladeɛ bɛdi agyinlanu kolaa na bɛabɔ bɛ bosea,+
10 Bɛmaa bɛdɛ bɛ nwo zɔ bɛduolua nu, mɔɔ bɛnlɛ ɛdanlɛ,Na bɛfa ɛhɔne bɛsoa ma mɔɔ bɛkyekye bɛ avile la.
11 Bɛgyinla ewia ketekete nu bɛyɛ gyima ɛsesebɛ wɔ bane mɔɔ bɛva awolɛ bɛlie la avinli wɔ awoka ngyikyi nwo;*Bɛtietia ma zo wɔ nwanye ɛhwihwinlɛ kuma nu, noko nzuhɔne ku bɛ.+
12 Mɔɔ ɛlɛwu la kɔ zo di nyane wɔ suakpole ne azo;Mɔɔ ɛboda kpole la* su kpondɛ moalɛ,+Noko Nyamenle ɛmbu ɛhye kɛ ɔle ɛtane.*
13 Bie mɔ wɔ ɛkɛ mɔɔ bɛte wienyi nwo atua;+Bɛnnwu ye ndenle ne mɔ,Yɛɛ bɛnlua ye ndenle ne mɔ anu.
14 Kodiawu dwazo alehyenlɛ nu;Ɔku bɛdabɛ mɔɔ bɛnlɛ boavolɛ nee ehyiavolɛma,+Na aleɛ dwo a ɔkɔwua.
15 Agyalɛsɛkyevo anye kendɛ aledwolɛ,+Ɔka kɛ, ‘Awie biala ɛnrɛnwu me!’+
Na ɔkeda ɔ nyunlu.
16 Bɛbubu azua* bɛwolo nu wɔ awozinli nu;Bɛto bɛ nwo anlenkɛ nu wɔ alehyenlɛ nu.
Bɛle nyɛvolɛ bɛmaa wienyi.+
17 Ɔluakɛ nwonlomɔ le kɛ awozinli kabii la maa bɛ;Bɛze awozinli kabii nu ɛzulolɛ ne mɔ kpalɛ.
18 Noko azule pia bɛ kɔ ndɛndɛ.*
Bɛbawa azɛlɛ ne mɔɔ le bɛ ɛdeɛ la amonle.+
Bɛnrɛzia bɛnrɛra bɛ vanye egyinli ne mɔ anu bieko.
19 Kɛ mɔɔ ezule mɔɔ ɛndɔ nee wuluwulu maa ezukɔtweaba mɔɔ ɛholo la sesa la,Zɔhane ala a Nla* fa bɛdabɛ mɔɔ bɛyɛ ɛtane la kɔ a!+
20 Ye mame* arɛle bavi ye; sonlɛ bali ɔ nwo nane.
Bɛnrɛhakye ye bieko.+
Na bɛbabubu ninyɛndane nu kɛ baka ala la.
21 Ɔfa ɔ nye ɔsie mota mraalɛ anwo zo,Na ɔkile ahunlanvolɛ nyane.
22 Nyamenle bava* ye anwosesebɛ ne aye mgbolema avi ɛkɛ;Bɛbadwazo ɛdeɛ, noko bɛnlɛ anyelazo kɛ bɛbadɛnla ngoane nu.
23 Nyamenle maa* bɛnyia anwodozo na bɛgyinla kpundii,+Noko ɔ nye wɔ debie biala mɔɔ bɛyɛ la anwo.*+
24 Bɛkpogya bɛ zo mekɛ ekyi, akee bɛnle ɛkɛ bieko.+
Bɛbɛlɛ bɛ aze+ na bɛboɔboa bɛ nloa kɛ mɔɔ bɛyɛ awie biala la;Bɛle kɛ hwiiti siakɛ mɔɔ menli pɛ bɛ gua la.
25 Kɛkala nwane a kɛhola kɛha kɛ mele adalɛAnzɛɛ kɛhile kɛ me edwɛkɛ ne ɛnle nɔhalɛ a?
Ɔbodwɛkɛ
^ Ɛhye kile, ye ndɛnebualɛ kenle.”
^ Anzɛɛ “bɛwula awoba.”
^ Anzɛɛ ɔkola ɔkile, “Bɛkpondɛ nyɛmoa aleɛ wɔ ɛya nu.”
^ Anzɛɛ ɔkola ɔkile, “Bɛtwihwi nwole wɔ bane mɔɔ bɛva awolɛ bɛlie la avinli.”
^ Anzɛɛ “Bɛdabɛ mɔɔ bɛboda la ɛkɛla.”
^ Anzɛɛ ɔkola ɔkile, “Nyamenle ɛnva ɛtane nwo ɛzonle ɛnzoa awie biala.”
^ Hibulu aneɛ nu, “Bɛpɛ kuma wɔ azua nu.”
^ Hibulu aneɛ nu, “Bɛ nwo yɛ ndɛ wɔ azule ne mɔ anye.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Hibulu aneɛ nu, “Awodeɛ ne.”
^ Hibulu aneɛ nu, “Ɔbava.”
^ Hibulu aneɛ nu, “Ɔmaa.”
^ Hibulu aneɛ nu, “bɛ ndenle nwo.”
