Dwobu 26:1-14
26 Dwobu buale kɛ:
2 “Nea kɛzi wɔboa sonla mɔɔ ɔnlɛ tumi a!
Nea kɛzi wɔlie ɛsalɛ mɔɔ ɛnlɛ anwosesebɛ a!+
3 Nea kɛzi wɔdu sonla mɔɔ ɛnze nrɛlɛbɛ la folɛ kpalɛ a!+
Nea kɛzi wɔvi wɔ ɛhulolɛ nu wɔla wɔ nrɛlɛbɛ kpalɛ ne ali* a!
4 Nwane a ɛkpondɛ kɛ ɛtendɛ ɛkile ye a,Yɛɛ nwane a maanle wɔ anwosesebɛ kɛ ɛha edwɛkɛ ɛhye mɔ a?
5 Mowuamra mɔɔ bɛngola ɛhwee yɛ la anwo woso bɛ;Bɛwɔ aze bɔbɔ bɛtɛla nyevile nee nuhua ninyɛne.
6 Nla* lɛ ɔ nwo zɔ wɔ Nyamenle anyunlu,*+Yɛɛ ɛzɛkyelɛ ɛleka ne* azo ɛtɛkedale.
7 Yedɛlɛ sɔlɔ anwomanyunlu ne* anu wɔ ɛleka mɔɔ debie biala* ɛnle la,+Yehenda azɛlɛ ne mɔɔ debie biala ɛnlɛ nu a;
8 Ɔkyekye nzule ne mɔ wɔ ye amungu ne anu,+Amaa bɛ ɛlomboɛ ne ammaa amungu ne amkpuke.
9 Ɔkeda ye belemgbunli ebia ne anyunlu,Na ɔtɛlɛ ye amungu ne anu ɔgua zolɛ.+
10 Ɔpɛ kutukpunli wɔ nzule ne mɔ anye;+Ɔgya wienyi nee awozinli ɛweɛne.
11 Anwuma mpila ne mɔ bɔbɔ kpusu;Ye ndeanlɛ ne ka bɛ ɛzulolɛ.
12 Ɔfa ye tumi ne ɔka nyevile ne anu,+Yɛɛ ɔfa ye ndelebɛbo ɔbubu nyevile nu nane kpole ne* anu azinli azinli.+
13 Ɔfa ye ɛnwomenle* ɔmaa anwomanyunlu te wienyi;Ɔfa ɔ sa ɔku ɛwɔlɛ mɛlɛbɛla* ne.
14 Nea! Ɛhye mɔ le ye gyima ne mɔ anu ekyi bie ala;+Ɔ nwo edwɛkɛ ekyi bie ala a yɛde ye yɛ nzo nu a!
Ɔti nwane a kɛhola kɛde ye ɛhululɛ kpole ne abo a?”+
Ɔbodwɛkɛ
^ Anzɛɛ “wɔva wɔ nrɛlɛbɛ ne dɔɔnwo wɔmaa.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Hibulu aneɛ nu, “ɔ nyunlu.”
^ Anzɛɛ “Abadɔn.”
^ Hibulu aneɛ nu, “ɛhwee.”
^ Hibulu aneɛ nu, “sɔlɔ ne.”
^ Hibulu aneɛ nu, “Releehabe.”
^ Anzɛɛ “anwoma.”
^ Anzɛɛ “anwo ndɛndɛ.”
