Dwobu 28:1-28
28 “Bɛlɛ ɛleka mɔɔ bɛtu dwɛtɛ fufuleYɛɛ bɛlɛ ɛleka mɔɔ bɛtu nvutuke mɔɔ bɛtu nuhua evinli la;+
2 Bɛnyia bulalɛ bɛfi azɛlɛ bo,Yɛɛ bɛkolo* kɔbele bɛfi awolɛ nu.+
3 Sonla di awozinli nwo zo konim;Ɔkɔ ɛleka mɔɔ awozinli kabii wɔ la,Kɛ ɔkakpondɛ awolɛ mɔɔ sonle bolɛ.
4 Ɔtu kuma wɔ ɛleka mɔɔ menli ɛnde ɛkɛ la,Ɛleka mɔɔ bɛ rɛle ɛvi ɛkɛ, mɔɔ menli ɛnva ɛkɛ ne la;Menli bie mɔ dwu nu na bɛkɔsinze nu.
5 Aleɛ fifi azɛlɛ ne azo;Noko ɔ bo nehane, bɛtu ye bɛfonyia kɛ asɛɛ senle la nu la.*
6 Safaya wɔ awolɛ ne mɔ anu,Yɛɛ nvutuke wɔ ndɛtɛlɛ ne noko anu.
7 Aloma mɔɔ di nane la biala ɛnze ɛkɛ ne adenle ne;Kyɛnyema bile anye ɛtɛnwunle ɛkɛ ne.
8 Nane anwo ɛzulolɛ biala agyakɛ ba ɛtɛtiale ɛkɛ;Awenade ngyikyi ɛtɛkɔle ɛkɛ ne ɛlɛ.
9 Sonla fa ɔ sa fi bodane ɛsesebɛ ne;Ɔkakyi awoka ne mɔ adiabo ne anye aze.
10 Ɔpepɛ ndenle wɔ bodane nu ɔmaa nzule fa nu;+Ɔ nye bɔ debie biala mɔɔ sonle bolɛ la azo.
11 Ɔsi azudenle ne mɔ ɛvileka ne adenleNa ɔye debie mɔɔ ɛnee ɔvea la ɔfinde wienyi nu.
12 Na nrɛlɛbɛ noko ɛ—nienwu a bɛbanwu ye a,+Yɛɛ nienwu a ndelebɛbo ɛvileka ne wɔ a?+
13 Sonla biala ɛnnwu bolɛ mɔɔ ɔsonle la,+Yɛɛ bɛngola bɛnnwu ye wɔ anyewɔzoamra azɛlɛ ne azo.
14 Azule mgbole ne mɔ ka kɛ, ‘Ɔnle yɛ ɛkɛ!’
Yɛɛ nyevile ne noko ka kɛ, ‘Ɔnle me lɔ!’+
15 Bɛngola bɛnva nvutuke tagyee bɛndɔ;Yɛɛ bɛngola bɛnzuzu dwɛtɛ fufule bɛnva bɛnzenza.+
16 Bɛngola bɛnva Ofɛ nvutuke bɛndɔ+Yɛɛ bɛngola bɛnva ɔnekese nee safaya mɔɔ bɛnnyia ye la bɛndɔ.
17 Bɛngola bɛnva nvutuke nee neanleɛ bɛntoto nwo;Yɛɛ bɛngola bɛnva buakɛ mɔɔ bɛva nvutuke kpalɛ* bɛnwo la bɛnzenza.+
18 Ezukoa bolɛ kɔkɔlɛ nee ezukoa bolɛ mɔɔ le kɛ neanleɛ la, bɛmɛ, bɛmbɔ bɛ aluma bɔbɔ,+Ɔluakɛ nrɛlɛbɛ kodoku ko sonle bolɛ tɛla avikpa kodoku ko.
19 Kuhye ezukoa bolɛ topaze+ nee ye ɛnzɛ;Bɛngola bɛnva nvutuke tagyee bɔbɔ bɛndɔ.
20 Na ɛnee nienwu a nrɛlɛbɛ abo vi a,Yɛɛ nienwu a ndelebɛbo ɛvileka ne wɔ a?+
21 Anyewɔzo abɔdeɛ biala anye ɛngola ɛnnwu ye+Yɛɛ bɛva bɛvea nloma mɔɔ tu dua anwomanyunlu la.
22 Ɛzɛkyelɛ nee ewule ka kɛ,‘Yɛ nzo ɛde nwolɛ edwɛkɛ ala.’
23 Nyamenle a ze adenle mɔɔ bɛdua zo bɛnwu ye a;Ɔ ngomekye ala a ɔze ɛleka mɔɔ ɔwɔ a,+
24 Ɔluakɛ ɔnwu azɛlɛ ne ɛleka biala,Yɛɛ ɔnwu debie biala mɔɔ wɔ aleɛabo la.+
25 Mekɛ mɔɔ ɔmaanle anwoma ne tumi*+Na ɔzuzule nzule ne mɔ,+
26 Mekɛ mɔɔ ɔyɛle ngyehyɛleɛ ɔmaanle ezule+Na ɔpɛle adenle ɔmaanle ahumu nee ezule mɔɔ kulu la,+
27 Akee ɔvale ɔ nye ɔnwunle nrɛlɛbɛ na ɔhilehilele nu;Ɔvale ɔziele ɛkɛ na ɔzɔle ye ɔnleanle.
28 Na ɔhanle ɔhilele sonla kɛ:
‘Nea! Gyihova ɛzulolɛ—yemɔ a le nrɛlɛbɛ a,+Yɛɛ ɛtwe ɛ nwo ɛfi ɛtane nwo a ɔle ndelebɛbo.’”+
Ɔbodwɛkɛ
^ Hibulu aneɛ nu, “bɛwola.”
^ Ɔda ali kɛ ɛhye fale menli mɔɔ tudu aze kpondɛ ezukoa awolɛ la anwo.
^ Anzɛɛ “nvutuke mɔɔ bɛdu nu.”
^ Hibulu aneɛ nu, “anwosesebɛ.”
