Dwobu 31:1-40
31 “Me nee me nye ɛyɛ ngyekyeleɛ.+
Ɔti kɛ ɔkɛyɛ na meanlea bɛlɛra mɔɔ ɛnze nrenyia la wɔ adenle ɛtane zo ɛ?”+
2 Ɛnee akee me kyɛfoa mɔɔ vi anwuma Nyamenle ne ɛkɛ la a le duzu,Me agyapadeɛ mɔɔ vi Tumivolɛ Bedevinli ne mɔɔ wɔ anwuma lɔ ɛkɛ ne la a le duzu?
3 Asoo esiane ɛnle ɛkɛ ɛmmaa ɛtanevolɛmaYɛɛ munzule ɛnle ɛkɛ ɛmmaa amumuyɛma ɔ?+
4 Asoo ɔnnwu me ndenle ne mɔ+Yɛɛ ɔnnea me gyakɛ ko biala mɔɔ mekɛdu la ɔ?
5 Asoo mebɔ adalɛ ɛlɛ?*
Asoo mebɛlɛbɛla awie ɛlɛ?+
6 Maa Nyamenle ɛva ɛzuzudeɛ mɔɔ di munli la ɛzuzu me;+Na ɔbanwu me nɔhalɛlilɛ.*+
7 Saa me gyakɛ ɛvo adenle+Anzɛɛ me nye ɛbɛlɛbɛla me ahonle+Anzɛɛ me sa anwo ɛgua evinli a,
8 Yemɔ maa menlua ma na awie gyɛne ɛli,+Na maa bɛdudu mɔɔ melua la bɛgua.*
9 Saa raalɛ ɛbɛlɛbɛla me ahonle+Na mebu mezia+ me gɔnwo anlenkɛ nloa a,
10 Yemɔ maa me ye ɛdi ma ɛmaa nrenyia gyɛne,Na maa mrenyia gyɛne nee ye ɛla.*+
11 Ɔluakɛ anrɛɛ ɛhye bayɛ anyiemgba ɛbɛla,Nvonleɛ mɔɔ fɛta kɛ ndɛnebuavolɛma twe me nzo wɔ nwo a.+
12 Anrɛɛ ɔbayɛ kɛ senle mɔɔ yela debie sɛkye ye la,*+Ɔbayela me nzoleɛ kɔsɔɔti abo ndinli* bɔbɔ.
13 Saa meanli pɛlepɛle meammaa me azonvolɛ mrenyia anzɛɛ mraalɛWɔ mekɛ mɔɔ bɛlɛ edwɛkɛ bɛtia me* la a,
14 Saa Nyamenle dwazo a duzu a mebayɛ a?
Saa ɔbiza me edwɛkɛ a duzu a mebaha meahile ye a?+
15 Asoo tɛ Ahenle mɔɔ bɔle me dole ɛkolɛ nu la a bɔle bɛdabɛ noko a?+
Asoo tɛ Ahenle ko ne ala a nwonle yɛ kolaa na bɛawo yɛ a?+
16 Saa meanva mɔɔ ehyiavolɛma kpondɛ la meammaa bɛ+Anzɛɛ memaanle ahunlanvolɛ anyelazo wiele;*+
17 Saa me ngomekye a menlile me aleɛMɔɔ meammaa nrisa bie a;+
18 (Ɔluakɛ ɔvi me mgbavolɛ nu nrisa ɛdɛnla me nwo ɛkɛ ne ɛnyi kɛ asɛɛ mele bɛ papa,Yɛɛ mehile ahunlanvolɛ adenle ɔvi me ngakula nu.*)
19 Saa menwu kɛ awie ɛnlɛ ɛdanlɛ la ati ɔlɛwu,Anzɛɛ ehyiavolɛ bie ɛnlɛ debie biala ɛngua ɔ nwo a;+
20 Saa yeanyila me*+Wɔ mekɛ mɔɔ yeva me mboane nwo enrinli yegua ɔ nwo la;
21 Saa menwunlonwunlanle arisa+Wɔ mekɛ mɔɔ ɔhyianle me moalɛ wɔ suakpole ne anlenkɛ kpole ne anloa la a;*+
22 Ɛnee maa me awane ɛvi me bati ɛkpane,Na maa me sa kpɔma ne ɛbu wɔ ye kpɔkɛ ne azo.
23 Ɔluakɛ ɛnee mesulo munzule mɔɔ vi Nyamenle ɛkɛ la,Yɛɛ meangola ye anyunlunyia ne anyunlu gyinla.
24 Saa menvale me nwo mendole nvutuke zoAnzɛɛ menganle mengilele nvutuke kpalɛ kɛ, ‘Wɔmɔ a ɛbɔ me nwo bane a!’+
25 Saa menlile fɛlɛko wɔ me anwonyia kpole ne anwo+Ɔlua agyapadeɛ dɔɔnwo ne mɔɔ menyianle la ati a;+
26 Saa menwunle kɛ sɛnzɛne ne* ɛlɛtaAnzɛɛ siane ne kɛ ɔlua ye anyunlunyia ne anu;+
27 Na bɛbɛlɛbɛlale me ahonle wɔ fealeranuNa me nloa vole me sa anwo wɔ bɛ ɛzonlenlɛ nu a;+
28 Yemɔ anrɛɛ ɔbayɛ nvonleɛ mɔɔ fɛta kɛ ndɛnebuavolɛ twe me nzo wɔ nwo a,Ɔluakɛ anrɛɛ memkpole nɔhalɛ Nyamenle ne mɔɔ wɔ anwuma la.
29 Asoo meli me kpɔvolɛ ɛzɛkyelɛ nwo fɛlɛko ɛlɛ,+Anzɛɛ me nye liele kɛ munzule ɛdo ye ɔ?
30 Metɛkanle ndane kɛ ye ngoane* ɛvi ɔ sa+Metɛmaanle me nloa ɛtɛyɛle ɛtane ɛlɛ.
31 Asoo menli mɔɔ de me ɛdanlɛsua ne anu la ɛtɛkanle kɛ,‘Nwane a ze awie mɔɔ ɛtɛdile ye aleɛ* ɛtɛmaanle ɔ ko ɛtɛyile ɛlɛ a?’+
32 Ɛyɛvolɛ* biala ɛtɛdale alienwo nɔɔzo;+Membukele me nlenkɛ ne mɔ memaanle adenduvoma.
33 Asoo membɔle mɔdenle ɛlɛ kɛ mekeda me mɛladonlɛ zo kɛ mɔɔ bie mɔ yɛ ye la,+Kɛ mefa me nvonleɛ meavea me tɛladeɛ ne kodoku ne anu ɔ?
34 Asoo ɛnee mesulo mɔɔ menli dɔɔnwo ne bayɛ la,Anzɛɛ asoo mbusua gyɛne mɔɔ bɛnrɛbu me la hanle me ɛzulolɛ,Ɔmaanle menyɛle koonwu na menzulole kɛ mebavinde alienwo ɔ?
35 Saa mekɛnyia awie kɛdie me a!+
Anrɛɛ mebahɛlɛ me duma wɔ mɔɔ meha la abo.*
Bɛmaa Tumivolɛ Bedevinli ne ɛbua me!+
Anrɛɛ ahenle mɔɔ dole me ɛzonle ne la ahɛlɛ ɛzonledolɛ ne mɔ wɔ buluku nu!
36 Anrɛɛ mebazoa ye me kɔme zo,Na anrɛɛ mebava meakyekye me ti kɛ abotile.
37 Anrɛɛ mebabu me gyakɛ ko biala mɔɔ mendule la anwo mgbonda meahile ye;Anrɛɛ mebava anwodozo meahɔ ɔ nyunlu kɛ kpanyinli.
38 Saa me azɛlɛ su gua me ti zoNa ye kofie ne mɔ bɔ nu su;
39 Saa meli zolɛ ma mɔɔ meandua,+Anzɛɛ memaa ɔ menle mɔ* ɛli nyane a;+
40 Ɛnee yemɔ kɛ anrɛɛ hwiiti kɛfifi kɛmaa me la, mbowule ɛfifi,Yɛɛ kɛ anrɛɛ baale kɛfifi kɛmaa me la, ndile mɔɔ bɔ la ɛfifi.”
Dwobu edwɛkɛ ne awieleɛ ɛne.
Ɔbodwɛkɛ
^ Anzɛɛ ɔkola ɔkile, “Asoo me nee menli mɔɔ ɛnga nɔhalɛ la ɛlua ɛlɛ?”
^ Anzɛɛ “me munlililɛ.” Nea Edwɛkɛbohilelɛ.
^ Anzɛɛ “maa bɛdu me bo zo amra abo.”
^ Hibulu aneɛ nu, “ɛhoto ɔ nwo zo.”
^ Hibulu aneɛ nu, “ɔdi debie too ɔsɛkye ye.”
^ Anzɛɛ “ɔbadudu ɔ bo ne.”
^ Anzɛɛ “bɛkɛbɔ me somolɛ.”
^ Hibulu aneɛ nu, “memaanle ahunlavolɛ anye zinle.”
^ Hibulu aneɛ nu, “ɔvi me mame akunlu.”
^ Hibulu aneɛ nu, “Saa ɔ nze anyila me.”
^ Anzɛɛ ɔkola ɔkile, “Wɔ mekɛ mɔɔ menwunle kɛ melɛ moalɛ wɔ suakpole ne anlenkɛ kpole ne anloa la a.”
^ Hibulu aneɛ nu, “wienyi.”
^ Anzɛɛ “ye ɛkɛla.”
^ Hibulu aneɛ nu, “ye nane.”
^ Anzɛɛ “Awie mɔɔ de maanle gyɛne zo.”
^ Anzɛɛ “mebava me sa meawula ɔ bo.”
^ Anzɛɛ “ɔ menle mɔ ɛkɛla.”
