Dwobu 32:1-22
32 Ɔti menli nsa ɛhye mɔ gyakyile kɛ bɛbabua Dwobu, ɔluakɛ ɛnee ɔdie ɔ nwo ɔdi kɛ ɔle tenlenenli.*+
2 Noko Bɛɛzenli+ Baleekɛle mɔɔ vi Relam abusua ne anu la ara Ɛlaehu vale ɛya kpole. Ɔvale Dwobu anwo ɛya kɛ ɔlɛbɔ mɔdenle yeabua ɔ nwo* benle yeadɛla Nyamenle la.+
3 Ɔvale Dwobu agɔnwo mɔ nsa ne noko anwo ɛya kpole ɔluakɛ bɛannyia mualɛ biala, emomu bɛhanle kɛ Nyamenle le amumuyɛ.+
4 Ɛnee Ɛlaehu ɛlɛkendɛ na yeabua Dwobu ɔluakɛ bɛtɛla ye kpanyinli.+
5 Mekɛ mɔɔ Ɛlaehu nwunle kɛ mrenyia nsa ɛhye mɔ ɛnlɛ edwɛkɛ biala ɛmbua nwolɛ bie la, ɔvale ɛya.
6 Ɔti Bɛɛzenli Baleekɛle ara Ɛlaehu bɔle ɔ bo kɛ ɔtendɛ, ɔse:
“Mele kpavolɛ*Na bɛmɛ bɛle mgbanyinli.+
Ɔti menvile ɛbulɛ nu mengendɛle,+Na meambɔ mɔdenle kɛ meka mɔɔ meze la meahile bɛ.
7 Mendwenlenle nwolɛ kɛ, ‘Maa mgbanyima ɛdendɛ,Na maa bɛdabɛ mɔɔ bɛnyia ɛvolɛ dɔɔnwo la ɛla nrɛlɛbɛ ali.’
8 Noko sunsum ne mɔɔ wɔ menli nu,Tumivolɛ Bedevinli ne ɛnwomenle ne a maa bɛ ndelebɛbo a.+
9 Ɛvolɛ ngome ɛmmaa* sonla ɛnnwu nrɛlɛbɛ,Yɛɛ tɛ mrelera angome a te mɔɔ le fɔɔnwo la abo a.+
10 Ɔti mese, ‘Bɛdie me,Na medame noko mebaha mɔɔ meze ye la meahile bɛ.’
11 Nea! Mengendɛle bɛ edwɛkɛ ne mɔMengɔle zo mendiele bɛ adwenle+Wɔ mekɛ mɔɔ ɛnee bɛlɛkpondɛ edwɛkɛ bɛaha la.+
12 Menyɛle ɛnzolɛ mendiele bɛ kpalɛ,Noko bɛ nuhua biala angola anga angile Dwobu kɛ yevo*Anzɛɛ ambua ye edwɛkɛ ne.
13 Ɔti bɛmmaka kɛ, ‘Yɛnwu nrɛlɛbɛ;Nyamenle a bahile kɛ ye edwɛkɛ ne ɛnle nɔhalɛ a, tɛ sonla ɔ.’
14 Yeanga ye edwɛkɛ ne yeantia me,Ɔti menrɛva bɛ edwɛkɛ menrɛbua ye.
15 Bɛyɛ basaa, bɛnlɛ mualɛ bieko;Bɛnlɛ edwɛkɛ bieko bɛnga.
16 Mengendɛle bɛ, noko bɛandoa bɛ ɛdendɛlɛ ne azo;Ɛnee bɛgyigyi ɛkɛ, mɔɔ bɛnlɛ mualɛ bieko a.
17 Ɔti medame noko mebabua nwolɛ bie;Medame noko mebaha mɔɔ meze ye la,
18 Ɔluakɛ edwɛkɛ ɛyi me tɛkɛɛ;Sunsum ne ka me kɛ mendendɛ.
19 Me kunlu le kɛ nwanye mɔɔ bɛdua zo,Ɔle kɛ nwanye nwoma ahodoku fofolɛ mɔɔ bɛkpondɛ bɛakpuke la.+
20 Bɛmaa mendendɛ amaa me nwo adɔ me!
Mebabuke me nloa na meabua nwolɛ bie.
21 Menrɛnlea sonla nyunlu;+Yɛɛ menrɛhanvo dasanli biala adalɛ nu.*
22 Ɔluakɛ menze kɛzi bɛkanvo sonla adalɛ nu la;Saa meyɛ zɔ a, me Yɛvolɛ ne baye me avi ɛkɛ ne ndɛndɛ.
Ɔbodwɛkɛ
^ Anzɛɛ “ɔluakɛ ɛnee ɔle tenlenenli wɔ ɔdaye ɔ nye zo.”
^ Anzɛɛ “ye ɛkɛla.”
^ Hibulu aneɛ nu, “Me ngoane mekɛ anzo.”
^ Anzɛɛ “Mekɛ dɔɔnwo angome ɛmmaa.”
^ Anzɛɛ “andwi Dwobu anyunlu.”
^ Anzɛɛ “menrɛva amodinli biala menrɛvɛlɛ ye.”
