Dwobu 37:1-24
37 “Ɛhye maa me ahonle si,Na ɔwulu ɔfi ɛleka mɔɔ ɔwɔ la.
2 Bɛdie ɔ ne ɛhululɛ ne kpalɛ,Nee ɛhululɛ ne mɔɔ vi ɔ nloa anu ba la.
3 Ɔgyakyi nu wɔ aleɛabo amualaNa ɔsoa ye ɛsɛlɛmanye+ ne wɔ azɛlɛ ye ɛleka biala.
4 Ɛhye anzi, ɔ ne kulu;Ɔfa ɛnelɛ kpole ɔkulu,+Na saa bɛte ɔ ne a, ɔndwe ɔnzia.
5 Nyamenle fa ɔ ne kulu+ wɔ nwanwane adenle zo;Ɔyɛ ninyɛne mgbole mɔɔ bo yɛ ndelebɛbo zo la.+
6 Ɔluakɛ ɔka ɔkile ezukɔtweaba kɛ, ‘Tɔ gua azɛlɛ ne azo,’+
Yɛɛ ɔka ɔkile ezule mɔɔ tɔ la kɛ, ‘Tɔ kpole kpalɛ.’+
7 Nyamenle maa menli kɔsɔɔti gyakyi bɛ gyima*Amaa sonla dasanli biala anwu Ye gyima.
8 Nane anwo ɛzulolɛ ne mɔ kɔ ɛleka mɔɔ bɛda laNa bɛka bɛ tunli ne mɔ anu.
9 Ahumuakyima tu fi ye ekpumgbunli ne anu,+Yɛɛ ɛyɛlɛ vi sɔlɔ anwoma+ ne anu ba.
10 Nyamenle ɛnwomenle maa bɛnyia ayese,+Na nzule ne mɔ kyengye.+
11 Ɛhɛe, ɔmaa nzule gyinla amungu ne mɔ anu;Ɔmaa ye ɛsɛlɛmanye+ fedevede amungu ne mɔ anu;
12 Bɛpɛnepɛne bɛ nwo wɔ ɛleka mɔɔ ɔkɛhile bɛ la;Bɛyɛ debie biala mɔɔ ɔkɛha ɔkɛhile bɛ+ la wɔ azɛlɛ ne azo.*
13 Saa ɔfa yeayɛ anzohwenlɛ* o,+ anzɛɛ ɔfa yeayɛ azɛlɛ ne boɛ o,Anzɛɛ ɔfa yeala ɛlɔlɛ kpundii ali o, ɔmaa ɔyɛ zɔ.+
14 Dwobu, tie ɛhye;Gyinla na dwenledwenle Nyamenle nwanwane gyima ne mɔ anwo kpalɛ.+
15 Asoo ɛze kɛzi Nyamenle kile amungu ne mɔ adenle,Nee kɛzi ɔmaa ɛsɛlɛmanye kpakye wɔ ye amungu ne anu la?
16 Asoo ɛze kɛzi amungu ne mɔ kenda ɛkɛ la?+
Ɛhye mɔ le Ahenle mɔɔ ye nrɛlɛbɛ di munli+ la nwanwane gyima ne mɔ.
17 Duzu ati a wɔ tɛladeɛ ne anu dɔWɔ mekɛ mɔɔ azɛlɛ ne gyi ye dii ɔlua nyiakɛ anwoma ne+ ati la ɛ?
18 Asoo ɛbahola ɛ nee ye adɛlɛdɛlɛ* anwomanyunlu neMɔɔ ɔyɛ se kɛ bulalɛ neanleɛ la anu ɔ?+
19 Ka mɔɔ ɔwɔ kɛ yɛka yɛkile ye la kile yɛ;Yɛnrɛhola yɛnrɛbua ɔluakɛ yɛwɔ awozinli nu.
20 Asoo ɔwɔ kɛ bɛbɔ ye amaneɛ kɛ mekpondɛ kɛ metendɛ?
Anzɛɛ awie ɛha edwɛkɛ mɔɔ ɔwɔ kɛ bɛka bɛkile ye ɔ?+
21 Bɛngola bɛnnwu wienyi ne* bɔbɔ,Noko ɔta wɔ anwomanyunlu,Kɔkpula kɛ anwoma ne babɔ na yeaye amungu ne mɔ yeavi ɛkɛ ne la.
22 Nvutuke wienyi vi sɔlɔ nehane ba;Nyamenle kpoleyɛlɛ ne+ yɛ nwanwane.
23 Tumivolɛ Bedevinli ne anwo ndelebɛbo bo yɛ nwo zo,+Ye tumi ne le kpole,+Yɛɛ ɔmbu ɔ nye ɔngua ye pɛlepɛlelilɛ+ nee ye tenleneyɛlɛ+ bebelebe ne azo ɛlɛ.
24 Ɛhye ati, ɔwɔ kɛ menli sulo ye.+
Ɔluakɛ ɔnnwu awie biala mɔɔ suzu kɛ ɔle nrɛlɛbɛvolɛ la anwunvɔne.*+
Ɔbodwɛkɛ
^ Hibulu aneɛ nu, “ɔsɔ menli kɔsɔɔti asa.”
^ Anzɛɛ “ewiade.”
^ Hibulu aneɛ nu, “baka.”
^ Anzɛɛ “abolo.”
^ Ɛhye kile, sɛnzɛne ne.
^ Hibulu aneɛ nu, “bɛdabɛ mɔɔ bɛlɛ nrɛlɛbɛ ahonle la.”
