Dwobu 7:1-21
7 “Asoo sonla dasanli ɛbɛlabɔlɛ wɔ azɛlɛ ye azo ɛnle kɛ mialera nu gyimayɛlɛ,Yɛɛ ye mekɛ ɛnle kɛ gyimayɛvo mɔɔ bɛbɔ ye ɛkpa la mekɛ ɔ?+
2 Ɔ nwo dɔ alubo kɛ akɛlɛ la,Yɛɛ ɔkendɛ ye ahatualɛ kɛ gyimayɛvo mɔɔ bɛbɔ ye ɛkpa la.+
3 Ɛhye ati bɛva siane mɔɔ anu le ɛvɛlɛ mgbane la bɛmaa meYɛɛ bɛdia nɔɔzo mɔɔ anu yɛ nyane la bɛmaa me.+
4 Saa meda a mebiza kɛ, ‘Kenlenzu a mebadwazo a?’+
Aledwolɛ ne wale la ati, mepe too alehyenlɛ.*
5 Azonlɛ nee evinli ɛdɔkɛ ɛva me nwo nane;+Me nwo nane ɛyɛ kabonra nee nide ngome.+
6 Me mekɛ se ndɛndɛ tɛla nwovolɛ agbuyia,+Na bɛba awieleɛ mɔɔ anyelazo ɛnle nu a.+
7 Kakye kɛ me ngoane le anwoma,+Kɛ me nye ɛnrɛnwu anyelielɛ* bieko.
8 Ɛnyelɛ mɔɔ nwu me kɛkala la ɛnrɛnwu me bieko;Ɛ nye bakpondɛ me, noko ɛnee mehɔ.+
9 Kɛ mɔɔ amungu pɛ nu se na ɔminli la,Zɔhane ala a sonla mɔɔ kɛhɔ Nla* ne anu la ɛnzia ɛmba bieko a.+
10 Ɔnrɛzia ɔnrɛra ye sua nu bieko,Na ye ɛleka ne ɛnrɛnwu ye bieko.+
11 Ɛhye ati, menrɛmua me nloa.
Nyane mɔɔ melɛdi ye wɔ me ahonle* nu la ati, mebadendɛ;Mebadendɛ wɔ me* nyanelilɛ kpole ye anu!+
12 Asoo mele nyevile anzɛɛ nyevile nu nane kpole,Mɔɔ ɔwɔ kɛ bɛsinza me a?
13 Saa meka kɛ, ‘Me ebia mɔɔ meda nu la bakyekye me rɛle;Me ɛsokpa ne baboa yeamaa me nyane ne aha aze’ a,
14 Akee bɛfa ɛlalɛ bɛka me ɛzulolɛNa bɛfa ɛnyelɛzodeɛnwunlɛ bɛnwunlonwunla me,
15 Ɔti mekulo kɛ mekɛwu ɔluakɛ me ɛnwomenle ɛgyinla,Ɛhɛe, ɔle kpalɛ kɛ mekɛwu, tɛla kɛ me nwo nane kɛyɛ zɛhae.+
16 Mekyi me ngoane;+ Mengulo kɛ mekɔ zo metɛnla ngoane nu bieko.
Bɛgyakyi me, ɔluakɛ me mekɛ le kɛ ɛnwomenle la.+
17 Sonla dasanli le duzu mɔɔ ɔwɔ kɛ ɛdwenle ɔ nwoNa ɛmaa ɛ nye* kɔ ɔ nwo a?+
18 Duzu ati a ɛbanea ye nwonlomɔ bialaNa ɛsɔ ye ɛnea mekɛ biala ɛ?+
19 Ɛnrɛye ɛ nye wɔ me nwo ɛnrɛdo ahaneNa ɛnrɛgyakyi me koonwu ɛnrɛmaa menrɛme nyɛlɛ bɔbɔ ɔ?+
20 Saa meyɛ ɛtane a, duzu a mekɛhola mekɛyɛ wɔ a, wɔmɔ mɔɔ ɛnea alesama?+
Duzu ati a wɔdu ɛ nye wɔzie me nwo a?
Meyɛ adesoa memaa wɔ ɔ?
21 Duzu ati a ɛnva me mɛladonlɛ ɛngyɛ meNa ɛmbu ɛ nye ɛngua me nvonleɛ zo a?
Ɔluakɛ ɔnrɛhyɛ, mebala ndɛtɛlɛ nu,+Na ɛbakpondɛ me, noko ɛnee mehɔ.
Ɔbodwɛkɛ
^ Anzɛɛ “aleɛbahye.”
^ Hibulu aneɛ nu, “ɛnrɛnwu kpalɛ.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Hibulu aneɛ nu, “sunsum.”
^ Anzɛɛ “me ɛkɛla.”
^ Hibulu aneɛ nu, “wɔ ahonle.”
