Dwona 2:1-10
2 Mɔɔ Dwona wɔ fɛlɛ ne akunlu la, ɔvale asɔneyɛlɛ ɔdole Gyihova, ye Nyamenle ne anyunlu,+
2 na ɔhanle kɛ:
“Wɔ me anwongyelelɛ ne anu, menzunle menvɛlɛle Gyihova na ɔdiele me.+
Wɔ Nla* ne akunlu, menzunle memkpondɛle moalɛ.+
Na ɛdele me ne.
3 Mɔɔ ɛvuandinle me ɛdole kuma ne anu, wɔ nyevile ne akunlu lɔ la,Menomanle nyevile ne abo.+
Wɔ azɛlɛkye mgbole kɔsɔɔti bule guale me nwo zo.+
4 Na menganle kɛ: ‘Wɔvoa me wɔvi ɛ nyunlu!
Kɛ ɔkɛyɛ na meanwu wɔ ɛzonlenlɛsua nwuanzanwuanza ne bieko ɛ?’
5 Menomanle azule ne abo na me ngoane lale esiane nu;*+Azule kpole ne hedale me nwo zo.
Ndile bɛkɛbɛkale me ti.
6 Menomanle mengɔle awoka ne mɔ abo.
Ɛnee azɛlɛ ne ɛlɛto me anlenkɛ nu bɔkɔɔ.
Noko ɛyele me ngoane ɛvile kuma ne anu, O Gyihova me Nyamenle.+
7 Mekɛ mɔɔ me ngoane* ɛlɛfi me sa la, Gyihova a le Awie mɔɔ mengakyele ye a.+
Akee me asɔneyɛlɛ dwule ɛ nyunlu wɔ wɔ ɛzonlenlɛsua nwuanzanwuanza ne anu.+
8 Bɛdabɛ mɔɔ bɛsonle ananze mɔɔ nvasoɛ ɛnle bɛ nwo zo la kpo ahenle mɔɔ da ɛlɔlɛ kpundii* ali kile bɛ la.
9 Noko mame, mebaye wɔ ayɛlɛ na meabɔ afɔle meamaa wɔ.
Ɛwɔkɛ mɔɔ mebɔ la, mebadua.+
Ngoanelielɛ vi Gyihova.”+
10 Nzinlii, Gyihova maanle fɛlɛ ne hɔkpule Dwona dole file zo.
Ɔbodwɛkɛ
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “Nzule bɛngale me ɛkɛla yiale.”
^ Anzɛɛ “ɛkɛla.”
^ Anzɛɛ ɔkola ɔkile, “nɔhalɛlilɛ.”