Hozia 10:1-15
10 “Yizilayɛ le kɛ vanye baka mɔɔ ɛlɛsɛkye* na ɔso ye ma la.+
Mɔɔ ɔlɛnyia ma dɔɔnwo la, ɛnee ye afɔlemokyea ne mɔ noko ɛlɛso;+Mɔɔ ɔlɛnyia aleɛ kpalɛ wɔ ye azɛlɛ ne azo la, ɛnee ye ɛzonlenlɛ mpila ne mɔ ɛlɛyɛ ngɛnlɛma kpalɛ.+
2 Bɛ ahonle le nabalaba;*Akee bɛbali fɔlɛ.
Awie wɔ ɛkɛ mɔɔ ɔbabubu bɛ afɔlemokyea ne mɔ na yeazɛkye bɛ mpila ne mɔ a.
3 Akee bɛbaha kɛ, ‘Yɛnlɛ belemgbunli,+ ɔluakɛ yɛanzulo Gyihova.
Na duzu a belemgbunli bahola ayɛ amaa yɛ a?’
4 Bɛka edwɛkɛ mgbane, bɛka ndane adalɛ+ na bɛyɛ ngyekyeleɛ;Ɔti bɛ ndɛnebualɛ le kɛ ndile mɔɔ le pɔezen mɔɔ ɛfifi ɛya nu kofie ne mɔ avinli la.+
5 Menli mɔɔ wɔ Samɛlea la ahonle badu wɔ Bɛte-eevɛn ɛnlankɛ ralɛ ananze ne anwo.+
Ye menli bali nwolɛ nyane,Yɛɛ ye adalɛ nyamenle ɛsɔfoma mɔɔ lile ɔdaye nee ye anyunlunyia ne anwo fɛlɛko la noko bali nwolɛ nyane,Ɔluakɛ ɔbavi bɛ nwo ɛkɛ yeahɔ akɛlɛzonlenlɛ nu.
6 Bɛbava ye bɛahɔ Aselea bɛahɔhyɛ belemgbunli kpole bie.+
Yifelaem babɔ anyiemgba,Yɛɛ Yizilayɛ babɔ anyiemgba kɛ ɔlile folɛdulɛ ne anzi la.+
7 Bɛbazɛkye Samɛlea nee ye belemgbunli ne bɔkɔɔ,+Ɔbayɛ kɛ baka sinli mɔɔ la azule nye la.
8 Bɛbazɛkye Bɛte-eevɛn+ ɛzonlenlɛ ɛleka ne mɔ mɔɔ maanle Yizilayɛ yɛle ɛtane la.+
Ndile nee mbowule bafifi bɛ afɔlemokyea ne mɔ azo.+
Menli baha ahile awoka mgbole ne mɔ kɛ, ‘Bɛheda yɛ nwo zo!’
Na bɛaha bɛahile awoka ngyikyi ne mɔ kɛ, ‘Bɛragua yɛ nwo zo!’+
9 O Yizilayɛ, ɔvi Gebeya mekɛ zo wɔyɛ ɛtane too.+
Bɛyɛle ɛtane ko ne ala wɔ ɛkɛ.
Konle anzɛkye menli mɔɔ yɛle ninyɛndane la wɔ Gebeya bɔkɔɔ.
10 Eza mebahwe bɛ nzo wɔ mekɛ mɔɔ mekulo la.
Na menli baboɔboa bɛ nloa ara bɛ nwo zo,Wɔ mekɛ mɔɔ mebava bɛ ɛtane nwiɔ ne meayɛ gyɛnvayile meado bɛ kɔme zo la.
11 Ɛnee Yifelaem le ɛnlankɛ ralɛ mɔɔ bɛtete ye na ɔkulo ma ɛwosolɛ,Ɔti mengyakyile ɔ kɔme kɛnlɛma ne.
Akee mebamaa awie adɛnla Yifelaem anwo zo aha ye.+
Dwuda bavundu azɛlɛ; Gyekɔbo baziezie amaa ye.
12 Bɛlua tenleneyɛlɛ ma bɛmaa bɛ nwo na bɛbu ɛlɔlɛ kpundii.
Bɛvundu azɛlɛ bɛlua aleɛ bɛmaa bɛ nwo+Wɔ mekɛ ala mɔɔ bɛkola bɛkpondɛ Gyihova la,+Kɔkpula kɛ ɔbara na yeahilehile bɛ wɔ tenleneyɛlɛ nu.+
13 Noko bɛlua amumuyɛyɛlɛ,Bɛbu ninyɛndane,+Na bɛli mɛlɛbɛla ma;Ɔluakɛ bɛva bɛ nwo bɛdo bɛ ndenle zo,Bɛ kovolɛma dɔɔnwo ne anwo zo.
14 Basabasayɛlɛ bara wɔ menli ne anwo zo,Na bɛbazɛkye wɔ azuamgbole mɔɔ bɛlie nwolɛ bane la,+Ɔbayɛ kɛ Aabɛle sua ne mɔɔ Hyaleman zɛkyele ye la,Wɔ konle kenle ne mɔɔ bɛtetele mrɛladane mraalɛ nee bɛ mra nu nzokanzoka la.
15 O Bɛtɛle,+ ɔlua wɔ amumuyɛyɛlɛ dɔɔnwo ne ati, ɛhye a bɛbava bɛayɛ wɔ a.
Bɛbahu Yizilayɛ belemgbunli ne aleɛbahye.”+
