Hozia 12:1-14
12 “Yifelaem aleɛ a le anwoma.
Ɔnriandi ɔtoa aduduleɛ anwoma ne alehyenlɛ muala.
Yemaa adalɛbɔlɛ nee basabasayɛlɛ ɛzo.
Bɛ nee Aselea yɛ ngyekyeleɛ+ na bɛfa nwole bɛkɔ Yigyibiti.+
2 Gyihova lɛ edwɛkɛ tia Dwuda,+Ɔbamaa Gyekɔbo abu ye ndenle ne mɔ anwo mgbonda;Yɛɛ ɔbadua ye kakɛ wɔ ye nyɛleɛ ne mɔ anwo.+
3 Ɔzɔle ɔ diema nrenyia ne agyakɛ wɔ ɛkolɛ ne anu,+Na ɔvale ye anwosesebɛ ɔ nee Nyamenle pelele.+
4 Ɔhɔle zo ɔ nee anwumabɔvolɛ pelele na ɔlile konim.
Ɔzunle na ɔzɛlɛle ye kɛ ɔmaa ɔnyia ɔ nyunlu ɛlolɛ.”+
Ɔnwunle ye wɔ Bɛtɛle, na ɛkɛ ne a Ɔ nee yɛ dendɛle a,+
5 Gyihova, ɛlɔne Nyamenle ne,+Duma mɔɔ bɛfa bɛkakye ye la a le Gyihova.+
6 “Yemɔti sia kɔ wɔ Nyamenle ne ɛkɛ,+Sɔ ɛlɔlɛ kpundii nee pɛlepɛlelilɛ nu,+Na nyia anyelazo wɔ wɔ Nyamenle ne anu dahuu.
7 Noko gualilɛnli ne lɛ adalɛ tone ɔ sa nu;Ɔkulo nzisi.+
8 Yifelaem ka ye dahuu kɛ, ‘Amgba, meyɛ sukoavolɛ,+Menyia anwonyia.+
Na wɔ me ɛvɛlɛ kɔsɔɔti anu, bɛnrɛnwu nvonleɛ anzɛɛ debie ɛtane biala.’
9 Noko ɔvi Yigyibiti azɛlɛ zo too, medame a mele Gyihova wɔ Nyamenle ne a.+
Mebamaa wɔadɛnla ɛdanlɛ azua nu biekoKɛ mɔɔ bɛyɛ ye wɔ ɛvoyialilɛ mekɛ nu la.
10 Mendendɛle mengilele ngapezoma ne,+Memaanle bɛnwunle ɛnyelɛzodeɛnwunlɛ dɔɔnwo,Yɛɛ menluale ngapezoma ne anwo zo menyɛle ndonwo dɔɔnwo.
11 Mɛlɛbɛla* nee adalɛ wɔ Geleade.+
Bɛvale nlankɛ bɛbɔle afɔle wɔ Gelegale,+Na bɛ afɔlemokyea ne mɔ le kɛ awolɛ edukue mɔɔ wɔ ɛya nu kofie ne mɔ avinli la.+
12 Gyekɔbo nriandile hɔle Elam* azɛlɛ zo;+Yizilayɛ+ zonlenle wɔ ɛkɛ amaa yeanyia raalɛ yeagya,+Na kɛmɔ ɔkpondɛ raalɛ yeagya la ati, ɔnleanle mboane.+
13 Gyihova luale ngapezonli nwo zo yele Yizilayɛ vile Yigyibiti,+Yɛɛ ɔluale ngapezonli nwo zo ɔnleanle ye.+
14 Yifelaem ɛha Nyamenle ɛya kpole;+Ye mogya nwo fɔlɛlilɛ ne gua ɔ ti zo;Ye Awulae badua ye kakɛ wɔ ye anyiemgba ne anwo.”+
