Hozia 13:1-16
13 “Mekɛ mɔɔ Yifelaem dendɛle la, menli nwo wosole bɛ;Ɛnee yelie duma wɔ Yizilayɛ.+
Noko ɔlile Beeyale anwo fɔlɛ+ na ɔwule.
2 Kɛkala bɛyɛ ɛtane ne bie bɛboka nwo,Bɛva bɛ dwɛtɛ fufule bɛgua mbulalɛ ananze;+Bɛyɛ ananze ngɛnlɛma kpalɛ, ɔ muala le dwinvolɛma asa anloa gyima.
Na bɛka bɛkile bɛ kɛ, ‘Bɛmaa menli mɔɔ bɔ afɔle la ɛvo nlankɛ mralɛ ne mɔ anloa.’+
3 Yemɔti bɛbayɛ kɛ nwonlomɔ amungu,Kɛ ɛbɔlɛ mɔɔ minli ndɛndɛ,Kɛ abonle mɔɔ anwoma bɔ ye kɔ wɔ ma ɛwosolɛ ɛleka la,Yɛɛ bɛbayɛ kɛ esike mɔɔ vi sua ti zo tokule nu ɛvinde la.
4 Noko ɔvi Yigyibiti azɛlɛ zo too, medame a mele Gyihova wɔ Nyamenle ne a;+Ɛnee ɛnze Nyamenle biala kɛ medame ala,Yɛɛ ɛye me ɛsie ahane a dievolɛ biala ɛnle ɛkɛ.+
5 Ɛnee meze wɔ wɔ fienemgbole ne anu,+ azɛlɛ ne mɔɔ nzule ɛnle zo la azo.
6 Bɛ adidileka ne mɔ maanle bɛ ko yile,+Bɛ ko yile na bɛ ahonle memaanle ɔ nwo zo.
Ɔti bɛ rɛle vile me.+
7 Mebayɛ kɛ awenade ralɛ meamaa bɛ,+Kɛ sobolɛ mɔɔ ɛbu ɛzia adenle nloa.
8 Mebara bɛ nwo zo kɛ ezizile mɔɔ ɔ mra ɛminli la,Na mebakpukekpuke bɛ kɛnra* anu.
Mebahye bɛ wɔ ɛkɛ ne meali kɛ awenade;Ɛbɔ nu nane anwo ɛzulolɛ batete bɛ nu nzokanzoka.
9 O Yizilayɛ, ɔbazɛkye wɔ,Ɔluakɛ wɔdwazo wɔtia medame, wɔ boavolɛ ne.
10 Akee wɔ belemgbunli ne mɔɔ ɔbalie wɔ, wɔ wɔ azuamgbole kɔsɔɔti azo,+Yɛɛ wɔ tumivolɛma* mɔɔ ɛhanle bɛ nwo edwɛkɛ kɛ,‘Maa me belemgbunli nee mgbanyima’ la wɔ nienwu?+
11 Menvale ɛya a memaanle wɔ belemgbunli a,+Na mebava ɛya kpole meaye ye meavi ɛkɛ.+
12 Bɛkyekye Yifelaem ɛtane ne anwo bɛdo ɛkɛ;Bɛva ye ɛtane ne bɛzie.
13 Ɔbade awolɛ nyane.
Noko ɔle kakula mɔɔ ɛnze nrɛlɛbɛ;Ye awolɛ mekɛ dwu a ɔmba ɔmmaa bɛnwo ye.
14 Mebalie bɛ meavi Nla* tumi ne anu;Mebalie bɛ meavi ewule nu.+
O Ewule, wɔ bɔlɔ ne wɔ ni?+
O Nla, wɔ ɛzɛkyelɛ ne wɔ ni?+
Menrɛze anwunvɔne.
15 Saa ɔyɛ kɛnlɛma wɔ ndɔ mbaka avinli bɔbɔ a,Aduduleɛ anwoma, Gyihova anwoma ne bara,Ɔvi ɛsɛlɛ ne azo ɔbara na yeamaa ye bula nee ye azule ti asesa.
Ahenle zɔhane bava ninyɛne mɔɔ sonle bolɛ mɔɔ yeva yezie la.+
16 Samɛlea bali fɔlɛ,+ ɔluakɛ yede ye Nyamenle ne anwo atua.+
Bɛbadɔ dadeɛ nloa,+Bɛbatete bɛ mra nu nzokanzoka,Na bɛakpukekpuke bɛ nrenzɛvolɛma akunlu.”
Ɔbodwɛkɛ
^ Hibulu aneɛ nu, “debie mɔɔ keda bɛ ahonle ne anwo la.”
^ Hibulu aneɛ nu, “ndɛnebuavolɛma.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
