Hozia 14:1-9
14 “O Yizilayɛ, sia bɛla Gyihova wɔ Nyamenle ne ɛkɛ,+Ɔluakɛ wɔ ɛtane ne ɛmaa wɔdɔ aze.
2 Bɛva edwɛkɛ ɛhye bɛzia bɛrɛla Gyihova ɛkɛ,Bɛha bɛhile ye kɛ, ‘Fa yɛ ɛtane kyɛ yɛ+ na die mɔɔ le kpalɛ la,Na yɛbava yɛ nloa yɛaye wɔ ayɛlɛ+ kɛ mɔɔ anrɛɛ yɛbava nlankɛ mralɛ nyinli yɛabɔ afɔle* yɛamaa wɔ la.
3 Aselea ɛnrɛlie yɛ.+
Yɛnrɛdɛnla mgbɔnwɔ zo yɛnrɛha,+Na yɛnrɛha yɛnrɛhile yɛ sa anloa gyima bieko kɛ, “O yɛ Nyamenle!”Ɔluakɛ wɔmɔ yɛɛ ɛse arisa ralɛ anwunvɔne a.’+
4 Mebayɛ bɛ ayile wɔ nɔhalɛ mɔɔ bɛanli la anwo.+
Mebavi me ahonle* nu meahulo bɛ,+Ɔluakɛ me ɛya ne ɛvi ɔ nwo zo.+
5 Mebayɛ kɛ ɛbɔlɛ meamaa Yizilayɛ;Ɔbakpakye felawɔse kɛ aloaNa mebamaa ye ndinli ahɔ moa kɛ Lɛbanɔn mbaka la.
6 Ɔbayeye ngane dɔɔnwo,Ye kɛnlɛma bayɛ kɛ ɔlivi baka,Yɛɛ ye evuanlɛ bayɛ kɛ Lɛbanɔn baka la.
7 Bɛbadɛnla ye alubo nu bieko.
Bɛbalua ma na bɛawɔlɔwɔlɔ ɛnyelɛ kɛ vanye.+
Ɔbalie duma* kɛ Lɛbanɔn nwanye la.
8 Yifelaem baha kɛ, ‘Duzu bieko a me nee ananze ne mɔ lɛ ye yɛ a?’+
Mebabua ye na meazinza ye.+
Mebayɛ kɛ dwunipa baka mɔɔ ɛlɛkpazi la.
Me nwo zo a bɛbanyia ma a.”
9 Nwane a ze nrɛlɛbɛ a? Maa ɔde ninyɛne ɛhye mɔ abo.
Nwane a le badwema a? Maa ɔnwu bɛ.
Ɔluakɛ Gyihova ndenle ne mɔ tenrɛ,+Na tenlenenli balua nuhua;Noko mɛladonlɛma badɔ aze wɔ nu.
Ɔbodwɛkɛ
^ Hibulu aneɛ nu, “yɛ nloa yɛabɔ nlankɛ mralɛ nyinli afɔle.”
^ Anzɛɛ “me ɛhulolɛ.”
^ Hibulu aneɛ nu, “Ye ngakyelɛ bayɛ.”
