Hozia 8:1-14
8 “Bɔ aweɛne!+
Awie ɛlɛba Gyihova menli* ne anwo zo kɛ kɔleɛ,+Ɔluakɛ bɛtulu me ngyekyeleɛ ne+ yɛɛ bɛanli me mɛla zo.+
2 Bɛsu bɛfɛlɛ me kɛ, ‘Me Nyamenle, yɛmɛ Yizilayɛ, yɛze wɔ!’+
3 Yizilayɛ ɛkpo mɔɔ le kpalɛ la.+
Bɛmaa ye kpɔvolɛ ɛvoa ye ndinlizo.
4 Bɛkpa arelemgbunli, noko bɛanlua me nwo zo.
Bɛkpa mgbanyima, noko meanlie bɛ meando nu.
Bɛva bɛ dwɛtɛ fufule nee bɛ nvutuke bɛyɛ ananze+Bɛmaa ɛzɛkyelɛ ɛra bɛ nwo zo.+
5 O Samɛlea, mekpo wɔ ɛnlankɛ ralɛ ananze ne.+
Me ɛya kpole ne ɛra bɛ nwo zo.+
Kenlenzu a bɛkɛhola bɛkɛde bɛ nwo bɛkɛvi fɔlɛlilɛ ɛhye anwo a?
6 Ɔluakɛ ɛhye vi Yizilayɛ.
Dwinvolɛ a yɛle a, na ɔnle Nyamenle;Samɛlea ɛnlankɛ ralɛ ananze ne babubu dwɔkɔdwɔkɔ.
7 Ɔluakɛ anwoma a bɛlɛdua a,Na bɛbabu ahumu.+
Hwiiti baka biala ɛnvievia mralɛ mɔɔ ɛdi;+Bɛnnyia esamo bɛnvi debie biala mɔɔ kɛfifi la anu.
Saa bɛnyia bie bɔbɔ a, nyɛvolɛ a bali a.+
8 Bɛbame Yizilayɛ.+
Akee bɛbahɔboka maanle maanle ne anwo,+Bɛbayɛ kɛ buakɛ mɔɔ nwolɛ ɛngyia la.
9 Ɔluakɛ bɛhɔ Aselea,+ kɛ ɛbɔ nu asoaso mɔɔ ɛde ɔ nwo.
Yifelaem ɛbɔ tuutuuma ɛkpa.+
10 Ɔnva nwo kɛ bɛbɔle bɛ ɛkpa bɛvile maanle maanle ne anu la,Mebaboɔboa bɛ nloa;Na ɔlua adesoa mɔɔ belemgbunli ne nee mgbanyima ne mɔ bava azoa bɛ la ati, ɔbamaa bɛanwu amaneɛ.+
11 Ɔluakɛ Yifelaem ɛzi afɔlemokyea dɔɔnwo mɔɔ ɛmaa yeyɛ ɛtane a.+
Bɛyɛle ye ɛtaneyɛlɛ afɔlemokyea.+
12 Mengɛlɛle me mɛla* ne anu edwɛkɛ dɔɔnwo mengɔmaanle ye,Noko ɔbule bɛ kɛ debie ɛzulolɛ bie.+
13 Bɛbɔ afɔle bɛmaa me na bɛdi nane ne,Noko Gyihova anye ɛnlie nwolɛ.+
Akee ɔbahakye bɛ ɛtane ne na yeahwe bɛ nzo wɔ bɛ ɛtane ne mɔ anwo.+
Bɛziale bɛ nzi bɛhɔle* Yigyibiti.+
14 Yizilayɛ arɛle ɛvi ye Bɔvolɛ ne+ na yesisi ɛzonlenlɛ azua,+Yɛɛ Dwuda ɛsisi azuamgbole dɔɔnwo mɔɔ bɛlie nwolɛ bane la.+
Noko mebado senle wɔ ye azuamgbole ne mɔ azo,Na ɔbayela nuhua ko biala tawa ne mɔ.”+