Malakae 3:1-18
3 “Nea! Melɛsoa me ɛbɔfoɔ, na ɔbalimoa me nyunlu yeahɔziezie adenle ne anu.+ Na arɛlevilɛ nu ala, nɔhalɛ Awulae ne mɔɔ bɛlɛkpondɛ ye la bara ye ɛzonlenlɛsua ne anu;+ na ngyekyeleɛ ne anwo ɛbɔfoɔ ne mɔɔ bɛlɛ anyelielɛ bɛlɛkendɛ ye la bara. Nea! Ɔbara amgba,” ɛlɔne Gyihova a se a.
2 “Noko nwane a kɛhola kɛgyinla kenle mɔɔ ɔbara la anloa a, na saa ɔda ɔ nwo ali a, nwane a kɛhola kɛgyinla a? Ɔluakɛ ɔbayɛ kɛ dwinvolɛ senle nee awie mɔɔ kpo ninyɛne la saminla.+
3 Na ɔbadɛnla aze kɛ dwinvolɛ nee awie mɔɔ tu dwɛtɛ fufule nu evinli la,+ na ɔbade Livaema anwo; ɔbade bɛ nwo* kɛ nvutuke nee dwɛtɛ fufule la, na nɔhalɛ nu, bɛbayɛ Gyihova menli mɔɔ bɔ ahyɛlɛ afɔle wɔ tenleneyɛlɛ nu a.
4 Na Dwuda nee Gyɛlusalɛm ahyɛlɛ afɔlebɔdeɛ ne bazɔ Gyihova anye, kɛ mɔɔ ɛnee ɔde ye wɔ tete ne nee ɛvolɛ dɔɔnwo mɔɔ ɛpɛ nu la.+
5 “Mebabikye bɛ na meabua bɛ ndɛne, na mebali daselɛ ndɛndɛ meatia silikyevoma,+ agyalɛ ɛzɛkyelɛma, bɛdabɛ mɔɔ bɛka adalɛ ndane,+ bɛdabɛ mɔɔ bɛsisi menli mɔɔ bɛbɔ bɛ ɛkpa,+ kunlavolɛ nee nrisa+ yɛɛ bɛdabɛ mɔɔ bɛkpo kɛ bɛbaboa nyɛvolɛ* la.+ Ɛnee ɛhye mɔ ɛnzulo me,” ɛlɔne Gyihova a se a.
6 “Ɔluakɛ mame a mele Gyihova a; mengakyi.*+ Na bɛmɛ bɛle Gyekɔbo amra; bɛ bo ɛtɛtule.
7 Ɔvi bɛ nenyia mɔ mekɛ zo bɛhakyi bɛ nzi bɛzi me mɛla ne mɔ, yɛɛ bɛnli zo.+ Bɛzia bɛrɛla me ɛkɛ na mebazia meara bɛ ɛkɛ,”+ ɛlɔne Gyihova a se a.
Noko bɛbiza kɛ: “Kɛzi yɛzia yɛrɛla wɔ ɛkɛ ɛ?”
8 “Asoo dasanli bahola awua Nyamenle? Noko bɛmɛ, bɛlɛwua me.”
Na bɛka kɛ: “Kɛzi yɛwua wɔ ɛ?”
“Bɛwua me wɔ ngyɛnu bulu anu ko ne yɛɛ ndoboa ɛyelɛ nu.
9 Munzule ɛha bɛ,* ɔluakɛ bɛlɛwua me—ɛhɛe, maanle ne kɔsɔɔti ɛlɛyɛ zɔ.
10 Bɛva taete ne mɔ amuala* bɛrɛla ninyɛnezielɛ ɛleka ne,+ amaa aleɛ ara me sua nu;+ mesɛlɛ bɛ, bɛzɔ me bɛnlea wɔ ɛhye anwo saa menrɛbuke anwuma nzule nlenkɛ ne mɔ+ na menrɛwola nyilalɛ menrɛgua bɛ nwo zo too mɔɔ bɛnrɛhyia ɛhwee a,” ɛlɔne Gyihova a se a.+
11 “Na mebadea ngɛkɛba mɔɔ bɛdi ninyɛne la meamaa bɛ, na bɛnrɛzɛkye bɛ azɛlɛ ne azo ma bieko, yɛɛ ma ɛnrɛkpa bɛ ɛya nu vanye zo ɛlɛ,”+ ɛlɔne Gyihova a se a.
12 “Maanle maanle kɔsɔɔti babu bɛ kɛ bɛ nye ɛlie,*+ ɔluakɛ bɛbayɛ azɛlɛ mɔɔ anyelielɛ wɔ zo,” ɛlɔne Gyihova a se a.
13 “Bɛha edwɛkɛ ɛtane bɛtia me, Gyihova a se a.
Na bɛbiza kɛ: “Duzu a yɛha yɛtia wɔ a?”+
14 “Bɛka kɛ, ‘Nvasoɛ ɛnle zo kɛ yɛbazonle Nyamenle.+ Kɛzi yɛnyia ye mɛla mɔɔ yɛli zo na yɛlua ɛlɔne Gyihova anyunlu alɔbɔlɛ nu alɔbɔlɛ nu la azo nvasoɛ ɛ?
15 Kɛkala yɛbu bɛdabɛ mɔɔ bɛmemaa bɛ nwo zo la* kɛ bɛ nye die. Bɛdabɛ mɔɔ bɛle amumuyɛ la noko kpazi.+ Bɛsɔ Nyamenle bɛnea noko bɛfa bɛ nwo bɛdi.’”
16 Mekɛ zɔhane bɛdabɛ mɔɔ bɛsulo Gyihova la dendɛle hilele bɛ nwo ngoko, awie biala nee ɔ gɔnwo, na Gyihova hɔle zo diele bɛ kpalɛ. Na bɛhɛlɛle ngakyelɛ buluku bie wɔ ɔ nyunlu+ ɛkɛ ne bɛmaanle bɛdabɛ mɔɔ bɛsulo Gyihova nee bɛdabɛ mɔɔ bɛdwenledwenle ye duma ne anwo* la.+
17 “Na bɛbayɛ me ɛdeɛ,”+ ɛlɔne Gyihova a se a, “wɔ mekɛ mɔɔ mebayɛ bɛ me agyapadeɛ titili* la.+ Me kunlu bayelɛyela me amaa bɛ, kɛ mɔɔ sonla kunlu yelɛyela ye maa ɔ ra mɔɔ sonle ye la.+
18 Na akee bɛbanwu ngakyile mɔɔ wɔ tenlenenli nee amumuyɛnli avinli,+ nee awie mɔɔ sonle Nyamenle nee mɔɔ ɛnzonle ye la avinli la.”
Ɔbodwɛkɛ
^ Anzɛɛ “ɔbadu bɛ nu evinli.”
^ Anzɛɛ “bɛnva nwolɛ adenle mɔɔ le nyɛvolɛ ɛdeɛ bɛmmaa bɛ.”
^ Anzɛɛ “metɛkakyile.”
^ Anzɛɛ ɔkola ɔkile, “Bɛlɛka kɛ munzule ɛha me.”
^ Anzɛɛ “ngyɛnu bulu anu ko ne mɔ amuala.”
^ Anzɛɛ “bɛlɛ anyelielɛ.”
^ Hibulu edwɛkɛkpɔkɛ ne eza kile akɛnrasesebɛ mɔɔ ɛnle kpalɛ mɔɔ bɛfa bɛyɛ debie anzɛɛ awie mɔɔ yɛ debie mɔɔ ɔnlɛ adenle ɔnyɛ la.
^ Anzɛɛ ɔkola ɔkile, “ɔsonle bolɛ ɔmaa bɛ.”
^ Anzɛɛ “agyapadeɛ mɔɔ me nye die nwo.”
