BƐHƆ ZO BƐZINZA!
Ananze Ɛzonlenlɛ—Duzu A Baebolo Ne Ka Ye Wɔ Nwo A?
Catholic News Service ne bɔ amaneɛ kɛ wɔ ayia bie mɔɔ bɛyɛle ye wɔ St. Peter’s Basilica wɔ March 25, 2022 la abo, Pope Francis gyinlanle Mɛle ananze bie anyunlu, “ɔhedale ɔ nye na ɔzile ɔ ti aze ɔyɛle asɔne wɔ ɔ ti anu.” Akee “ɔzɛlɛle Mɛle kɛ” ɔmaa anzodwolɛ ɛrɛla. Vatican News ne vale bokale nwo kɛ “Pope ne yɛle nzɛlɛlɛ kɛ Mɛle Ahonle Nwuanzanwuanza ne ɛbɔ alesama amuala anwo bane, titili bɛdabɛ mɔɔ bɛwɔ Russia nee Ukraine la.”
Kɛzi ɛnwu ye ɛ? Asoo ɔle kpalɛ kɛ yɛbagyinla ananze bie anyunlu yɛayɛ asɔne anzɛɛ yɛbava yɛali gyima wɔ yɛ ɛzonlenlɛ nu? Suzu Baebolo ngyehyɛnu ɛhye mɔ anwo:
“Mmayɛ ananze anzɛɛ debie biala mɔɔ wɔ anwuma anzɛɛ aze anzɛɛ azule nu wɔ azɛlɛ ye azo la ɛsaso ɛmaa ɛ nwo. Mmabɔ ɛ ti aze ɛmaa bɛ anzɛɛ mmamaa bɛtwehwe wɔ na ɛsonle bɛ, ɔluakɛ medame Gyihova wɔ Nyamenle ne, mele Nyamenle mɔɔ mekulo kɛ bɛsonle me ngomekye.”—Ɛzɛdɔso 20:4, 5. a
“Bɛ ananze ne mɔ le dwɛtɛ fufule nee nvutuke, sonla asa anloa gyima. Bɛlɛ ɛnloanlɛ, noko bɛndendɛ; bɛlɛ ɛnyelɛ, noko bɛnnwu debie; bɛlɛ ɛnzolɛ, noko bɛnde edwɛkɛ; bɛlɛ ebonyile, noko bɛnde nvoanle. Bɛlɛ ɛsalɛ noko bɛnva bɛnzɔ debie; bɛlɛ egyakɛ noko bɛngola bɛndia; bɛnva bɛ komenzia bɛnyɛ dede biala. Menli mɔɔ yɛ bɛ la bayɛ kɛ bɛdabɛ ala la, zɔhane ala a bɛdabɛ mɔɔ bɛfa bɛ nwo bɛto bɛ nwo zo la kɔsɔɔti bayɛ a.”—Edwɛne 115:4-8.
“Medame a mele Gyihova a. Me duma ɛne; Me nee awie biala ɛngyɛ me anyunlunyia, yɛɛ menva me ayɛlɛyelɛ memmaa ananze mɔɔ bɛgua la.”—Ayezaya 42:8, ɔbodwɛkɛ.
“Bɛnriandi awozonle ɛzonlenlɛ.”—1 Kɔlentema 10:14.
“Bɛnlea bɛ nwo boɛ wɔ awozonle ɛzonlenlɛ nwo.”—1 Dwɔn 5:21.
Amaa wɔanwu mɔɔ Baebolo ne ka ye wɔ ananze mɔɔ bɛfa bɛdi gyima wɔ ɛzonlenlɛ nu anwo la, kenga edwɛkɛ “The Bible’s Viewpoint—Images” anzɛɛ nea Asoo Nyamenle Die Ananze Mɔɔ Bɛfa Bɛdi Gyima Wɔ Ɛzonlenlɛ Nu La To Nu? vidio ne.
Eza bie a ɛ nye balie mɔɔ Baebolo ne ka ye wɔ edwɛkɛ ɛhye mɔ anwo la anwo:
“Miracles and Apparitions—Signs From God?”
Nvoninli ɛvileka: Vincenzo Pinto/AFP via Getty Images
a Nyamenle duma a le Gyihova. (Edwɛne 83:18) Nea edwɛkɛ “Gyihova A Le Nwane?”
Bie A Eza Ɛ Nye Balie
BAEBOLO KPUYA MƆƆ BƐBUA
Asoo Ɔwɔ Kɛ Yɛsonle Ananze?
Saa yɛfa ananze anzɛɛ aboduaba yɛdi gyima wɔ yɛ ɛzonlenlɛ nu a, asoo ɔfale Nyamenle anwo?
EDWƐKƐTILE NGAKYILE
Asoo Ɔwɔ Kɛ Ɛzonlenlɛ Fa Ɔ Nwo Wulowula Maanyɛlɛ Nu?
Wɔ ewiade ɛleka biala, menli dɔɔnwo mɔɔ ka kɛ bɛle Gyisɛse Kelaese ɛdoavolɛma la ɛva bɛ nwo ɛwula maanyɛlɛ nu. Asoo kɛ ɔwɔ kɛ ɔba ye la ɛne?
BAEBOLO NGILEHILELƐ MƆƆ ANWO HYIA KPALƐ LA
Kɛ Ɔkɛyɛ Na Wɔayɛ Nyamenle Agɔnwo Ɛ?
Ɔvi mekɛ tendenle yɛɛ menli ɛbɔ mɔdenle kɛ bɛbanwu bɛ Bɔvolɛ ne a. Baebolo ne bahola aboa yɛ yeamaa yɛayɛ Nyamenle agɔnwo. Nyamenle duma ne mɔɔ ɛbanwu ye la a le agɔnwolɛvalɛ ɛhye mɔlebɛbo a.
BƐHƆ ZO BƐZINZA!
Ɛzonlenlɛ Nee Ukraine Konle Ne—Duzu A Baebolo Ne Ka Ye Wɔ Nwo A?
Ɛzonlenlɛ nu mgbanyima mɔɔ wɔ maanle nwiɔ ne anu la ɛlɛfa bɛ tumi ne ali gyima. Noko mɔɔ bɛlɛyɛ la le ngakyile fi mɔɔ Gyisɛse hilehilele ye ɛdoavolɛ kɛ bɛyɛ anzɛɛ bɛmmayɛ la anwo.
