BƐHƆ ZO BƐZINZA!
Mgbavolɛ Nee Mbɛlɛra Dɔɔnwo Ɛlɛnyia Adwenle Nu Ngyegyelɛ—Duzu A Baebolo Ne Ka A?
Wɔ Kenlenzile, February 13, 2023, Centers for Disease Control and Prevention (CDC) mɔɔ wɔ United States la, vale mgbavolɛ nee mbɛlɛra mɔɔ wɔ U.S. mɔɔ ɛlɛnyia adwenle nu ngyegyelɛ la anwo amaneɛbɔlɛ bie dole gua. Ɔka kɛ ngakula mɔɔ kɔ kɔlegyi la ɛya ko ngyɛnu 40 arɛle ta bɔ yɛɛ bɛnlɛ anyelazo.
Dr. Kathleen Ethier, CDC kpanyinli mɔɔ nea Division of Adolescent and School Health (DASH) azo la hanle kɛ, “Yɛnwu kɛ wɔ ɛvolɛ 10 mɔɔ ɛpɛ nu la anu, mgbavolɛ nee mbɛlɛra dɔɔnwo ɛlɛnyia adwenle nu ngyegyelɛ, noko ngakula mraalɛ mɔɔ ɛlɛnyia adwenle nu ngyegyelɛ anzɛɛ ɛlɛnyia adwenle kɛ bɛhu bɛ nwo la ɛhɔ ɔ nyunlu kpalɛ kenlensa ye.”
Amaneɛbɔlɛ ne hanle kɛ:
Ɛye mbɛlɛra 10 a bɛtinlitinli nuhua mɔɔ bo 1 (ɛya ko ngyɛnu 14) la anwo zo bɛ nee bɛ ɛla. Dr. Ethier ka kɛ, “Ɛhye gyegye adwenle kpalɛ. Bɛhye ngakula mraalɛ 10 biala mɔɔ ɛze bɛ la anu ko bɛ nee ye ɛla ɛlɛ anzɛɛ bie a ɔbo zɔ bɔbɔ.”
Saa ɛye mbɛlɛra 3 a nuhua 1 (ɛya ko ngyɛnu 30) ɛnyia adwenle kɛ ɔhu ɔ nwo ɛlɛ.
Ɛye mbɛlɛra 5 a asɛɛ nuhua 3 (ɛya ko ngyɛnu 57) arɛle bɔ anzɛɛ ɛnlɛ anyelazo.
Mgbondabulɛ ɛhye mɔ maa yɛdi nyane kpalɛ. Ɔwɔ kɛ mgbavolɛ nee mbɛlɛra anye die. Duzu a bahola aboa bɛ yeamaa bagyinla adwenleadwenle mɔɔ bɛlɛyia ye ɛnɛ la anloa a? Duzu a Baebolo ne ka a?
Baebolo ne maa mgbavolɛ nee mbɛlɛra moalɛ mɔɔ fɛta la
Baebolo ne ka ngyegyelɛ mekɛ mɔɔ yɛwɔ nu la anwo edwɛkɛ wienyi. Ɔka kɛ ɔle “mekɛ mɔɔ anu yɛ se la.” (2 Timote 3:1-5) Noko Baebolo ne maa mgbavolɛ nee mbɛlɛra dɔɔnwo mɔɔ wɔ ewiade amuala la nyia folɛdulɛ mɔɔ ɛmkpa nwo, mɔɔ ɛlɛboa bɛ amaa bagyinla ngyegyelɛ mɔɔ bɛlɛyia ye la anloa. Suzu edwɛkɛ ɛhye mɔ mɔɔ gyi Baebolo ne azo la anwo.
Moalɛ maa mgbavolɛ nee mbɛlɛra mɔɔ kɛnyia adwenle kɛ bɛhu bɛ nwo la
Moalɛ maa mgbavolɛ nee mbɛlɛra mɔɔ arɛle ɛbɔ, ɛlɛdi nyane anzɛɛ ɛnyia adwenle ɛtane la
From Sad to Glad (nvoninli mɔɔ bɛdolɔ la vidio)
Moalɛ maa mgbavolɛ nee mbɛlɛra mɔɔ bɛlɛbɔ bɛ apo la
Di Nzisi Sonla Nwo Zo Konim (nvoninli mɔɔ bɛdolɔ la vidio)
Moalɛ maa mgbavolɛ nee mbɛlɛra mɔɔ bɛfa nla bɛgyegye bɛ anzɛɛ bɛyɛ bɛ basabasa la
Baebolo ne fa moalɛ mɔɔ fɛta la maa awovolɛ
Eza Baebolo ne fa moalɛ mɔɔ fɛta la maa awovolɛ amaa bahola baboa bɛ mra bamaa bagyinla ɛbɛlabɔlɛ nu ngyegyelɛ nloa. Suzu edwɛkɛ ɛhye mɔ mɔɔ gyi Baebolo ne azo la anwo.
Bie A Eza Ɛ Nye Balie
BAEBOLO KPUYA MƆƆ BƐBUA
Asoo Ɛbahola Wɔanyia Arɛlekyekyelɛ Edwɛkɛ Wɔ Baebolo Ne Anu?
Baebolo ne anu edwɛkɛ ɛkyekye menli dɔɔnwo mɔɔ gyi tɛnlabelɛ mɔɔ anu yɛ se anloa la arɛle.
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
