1. Kpogya ɛ ti zo nea,

Boka bie mɔɔ wale la.

Ɔle Gyihova boka,

Ɔlɛyɛ tendenle.

Menli dɔɔnwo ɛlɛfo,

Bɛvi ewiade muala.

Bɛse menli gyɛne kɛ,

‘Bɛzonle Nyamenle.’

Kɛkala mekɛ ‘dwu

Maanle ekyi ne bayɛ kpole.

Yɛbahɔ yɛ nyunlu,

Yɛbanyia Nyamenle nyilalɛ.

Menli dɔɔnwo ɛlɛba

Arazonle Nyamenle.

Bɛle nɔhavoma.

Bɛgyi Nyamenle afoa.

 2. Gyisɛs’ ɛze yɛ kɛ

Yɛhɔha Edwɛkpa ne.

Bɛyɛ ye Belemgbunli

Na ɔlɛdi tumi.

Ɔwɔ kɛ menli te.

Bɛmaa yɛhɔ ye afoa.

Menli mɔɔ tie ɔ ne la

Ɔkilehile bɛ.

Fɛlɛko ɛyi yɛ,

Ekpunli ne ɛlɛyɛ kpole.

Bɔ nolo, yɛ gyima;

Boa menli maa bɛnwu Gyihova.

Ɔti maa ɛ ne zo

Na ka kile menli kɛ,

‘Bɛmaa yɛvo boka ne

Yɛzonle Gyihova.’