Ngakula Le Agyadeɛ Mɔɔ Vi Nyamenle
1. Saa nrenya bie nyia ɔ ra
Na raalɛ wo ɔ kunlu ralɛ a,
Ɛnee bɛnyia bɛ agyadeɛ.
Noko akee, tɛ bɛ ngome.
Ahyɛlɛdeɛ ne vi Gyihova,
Ɛlɔlɛ nee ngoane Maavolɛ ne.
Ɔmaa awovolɛ nrɛlɛbɛ,
Ɔkile bɛ adenle kpalɛ.
(NLIEZO)
Ngakula le agyadeɛ
Mɔɔ bɛva bɛwula bɛ sa.
Ahyɛlɛdeɛ ne sonle bolɛ;
Kile bɛ Nyamenle mɛla.
2. Maa Nyamenle mɛla ne mɔ
Ɛndɛnla wɔ ahonle nu dahuu.
Kilehile ɛ mra mɛla ne;
Gyima ɛhye le wɔ ɛdeɛ.
Bɛzukoa ye wɔ adenle zo,
Bɛ awuke nu, ɛleka biala.
Na saa bɛnyi a, bɛbahakye
Na bɛava bɛabɔ bɛ ɛbɛla.
(NLIEZO)
Ngakula le agyadeɛ
Mɔɔ bɛva bɛwula bɛ sa.
Ahyɛlɛdeɛ ne sonle bolɛ;
Kile bɛ Nyamenle mɛla.
(Eza nea Mɛla 6:6, 7; Ɛfɛ. 6:4; 1 Tem. 4:16.)