Pɔɔlo nee Saelase dole edwɛne yele Nyamenle ayɛlɛ wɔ mekɛ mɔɔ bɛla efiade la. (Gyi 16:25) Yɛ gɔnwo mɔ diedima bie mɔ dole Belemgbunlililɛ edwɛne wɔ mekɛ mɔɔ bɛla Sachsenhausen efiade wɔ Nazi Germany nee mekɛ mɔɔ bɛ nee bɛ hɔle nlɔnu wɔ Siberia la. Ɛhye maa yɛnwu kɛ tumi mɔɔ wɔ edwɛne nu la kola maa Kilisienema mɔɔ ɛlɛyia sɔnea la nyia akɛnrasesebɛ.

Ɔnrɛhyɛ aneɛ dɔɔnwo banyia edwɛne fofolɛ ne mɔɔ se ‘Fa Anyelielɛ To Edwɛne’ Maa Gyihova la bie. Saa yɛnyia bie a, yɛbahola yɛahye edwɛne ne anu edwɛkɛ ne yɛagua yɛ ti anu na yɛazukoa ye ɛdolɛ wɔ abusua ɛzonlenlɛ bo. (Ɛf 5:19) Akee saa yɛyia sɔnea a sunsum nwuanzanwuanza ne baboa yɛ yeamaa yɛahakye. Belemgbunlililɛ edwɛne boa yɛ maa yɛfa yɛ adwenle yɛsie yɛ anyelazo ne azo. Bɛmaa yɛ anwosesebɛ wɔ sɔnea mekɛ nu. Na saa yɛlɛdi fɛlɛko a, edwɛne ne anu edwɛkɛ mɔɔ maa anwosesebɛ la maa ‘yɛfa anyelielɛ yɛto edwɛne’ ne bie. (1Ek 15:16; Ed 33:1-3) Ɔti, bɛmaa yɛdo Belemgbunlililɛ edwɛne ne mɔ dahuu!

BƐNLEA EDWƐNE MƆƆ MAANLE GYIMAYƐVOMA ANWOSESEBƐ VIDIO NE. AKEE BƐBUA KPUYA ƐHYE MƆ:

• Tɛnlabelɛ boni a maanle Adiema Frost hyehyɛle edwɛne bie a?

• Kɛzi edwɛne ne maanle mediema mɔɔ ɛnee gua efiade ne la anwosesebɛ ɛ?

• Tɛnlabelɛ boni mɔ anu a Belemgbunlililɛ edwɛne ne bahola amaa wɔ anwosesebɛ a?

• Belemgbunlililɛ edwɛne boni a ɛkulo kɛ ɛkakye a?