YƐ KILISIENE ƐBƐLABƆLƐ
Fa Yɛ Ninyɛne Titili Mɔɔ Yɛfa Yɛkilehile La Di Gyima Kpalɛ
Ɛdoavolɛyɛlɛ gyima ne le kɛ yɛlɛsi sua. Saa yɛbahola yɛayɛ ye boɛ a, kyesɛ yɛsukoa kɛzi bɛfa adwinli ninyɛne ne mɔ bɛdi gyima kpalɛ la. Ɔhyia kɛ yɛsukoa kɛ yɛbava Nyamenle Edwɛkɛ ne yɛali gyima kpalɛ, ɔle yɛ adwinli bulalɛ titili. (2Ti 2:15) Eza ɔwɔ kɛ yɛsukoa kɛzi yɛbava yɛ mbuluku ne mɔ nee vidio ngakyile mɔɔ yɛfa yɛkilehile la yɛali gyima kpalɛ la—bodane ne a le kɛ yɛyɛ menli ɛdoavolɛma. *
Kɛ ɔkɛyɛ na yɛanyia anyuhɔlɛ wɔ kɛzi yɛfa ninyɛne titili mɔɔ yɛfa yɛkilehile la yɛdi gyima la anu ɛ? (1) Biza wɔ ekpunli zo neavolɛ ne die moalɛ, (2) ɛ nee nolobɔlɛnli mɔɔ lɛ anwubielɛ anzɛɛ adekpakyelɛnli bie ɛlua, yɛɛ (3) bobɔ zo fane dɔɔnwo. Mekɛ mɔɔ ɛlɛnwu kɛzi ɛbava mbuluku nee vidio ne mɔ wɔali gyima kpalɛ la, ɛ nye balie sunsum nu suazilɛ gyima ɛhye mɔɔ ɛlɛkɔ zo la anwo.
MAGAZINES
BROHYUA
MBULUKU
TRATE
VIDIO
ƐSALƐDOLƐ NGƐLATA
NGITANWOLILƐ KAADE
^ ɛden. 3 Bɛhɛlɛ mbuluku bie mɔ mɔɔ yɛnva yɛnli gyima wɔ daselɛlilɛ nu la bɛmaa menli titili bie mɔ. Yɛbahola yɛava ɛhye mɔ yɛali gyima wɔ mekɛ mɔɔ nwolɛ bahyia la.
