Gyekɔbo nee anwumabɔvolɛ bie futule vale kpondɛle debie mɔɔ anwo hyia kpalɛ la​—Gyihova nyilalɛ. (Gyn 32:24-31; Ho 12:3, 4) Na yɛdayɛ noko ɛ? Asoo yɛlɛ ɛhulolɛ kɛ yɛbayɛ biala mɔɔ yɛbahola la yɛadie Gyihova amaa yeayila yɛ ɔ? Kɛ neazo la, saa ɔba ye kɛ ɔwɔ kɛ yɛkpa kɛ yɛbahɔ debiezukoalɛ anzɛɛ yɛbava yɛ mekɛ ne dɔɔnwo yɛayɛ nwonane afoa nu gyima a, boni a yɛbakpa a? Saa yɛfa yɛ mekɛ, yɛ anwosesebɛ nee yɛ anwonyia mɔɔ sonle bolɛ la yɛmaa Gyihova a, ‘ɔbawola nyilalɛ yɛagua yɛ nwo zo too mɔɔ yɛnrɛhyia ɛhwee a.’ (Mal 3:10) Ɔbahile yɛ adenle, yeabɔ yɛ nwo bane na yeava yɛ ngyianlɛdeɛ yeamaa yɛ.​—Mt 6:33; Hi 13:5.

NEA FA WƆ ADWENLE SIE SUNSUM NU BODANE ZO VIDIO NE NA BUA KPUYA ƐHYE MƆ:

• Kɛzi debie mɔɔ adiema raalɛ ne anye die nwo la yɛle sɔnea maanle ye ɛ?

• Kɛzi yɛ gyima bahola ayɛ sɔnea amaa yɛ ɛ?

• Kɛmɔti a ɛnee ɔwɔ kɛ Timote kɔ zo fa sunsum nu bodane sie ɔ nye zo wɔ mekɛ bɔbɔ mɔɔ ɛnee yenyi wɔ sunsum nu la ɛ?​—1Ti 4:16

• Kɛzi yɛbahile kɛ gyima bie la yɛ ahonle nwo ɛ?