Ta 1:5-9

Bɛzele Taetɛse kɛ ‘ɔkpa mgbanyima wɔ sua biala azo.’ Ɛnɛ maangyebakyi zo neavolɛma di Baebolo nu neazo ɛhye anzi wɔ mekɛ mɔɔ bɛlɛkpa mgbanyima wɔ asafo ne anu la.

Neazo Eku ne di ɛvoya mɔɔ limoa anu amra neazo ne anzi, ɔti bɛva ɛzonlelilɛ mɔɔ anyebolo wɔ nu la bɛwula maangyebakyi zo neavolɛma asa nu kɛ bɛkpa mgbanyima nee azonvolɛ.

Amaa maangyebakyi zo neavolɛma akpa mrenyia mɔɔ fɛta la, ɔwɔ kɛ bɛ nuhua ko biala fa asɔneyɛlɛ suzu mediema mɔɔ mgbanyima ne mɔ ɛhanvo bɛ ɛhile bɛ la anwo kpalɛ.

Bɛkpa mgbanyima ne mɔ bɛwie bɔbɔ a, ɔwɔ kɛ dahuu bɛdwu ninyɛne mɔɔ Ngɛlɛlera ne kpondɛ la anwo.