Gyihova menli kɔsɔɔti bahola ayɛ ninyɛne amaa Gyihova wɔ ye ɛzonlenlɛ nu mɔɔ ɔ rɛle ɛnvi ɛlɛ a. Gyihova le kɛ wovolɛ mɔɔ ɔ nye sɔ ninyɛne mgbalɛ mɔɔ ɔ mra kola yɛ la, ɔ rɛle ɛnvi gyima mɔɔ yɛyɛ nee ɛhulolɛ mɔɔ yɛlɛ yɛmaa ye duma ne la. (Mt 6:20; Hi 6:10) Nɔhalɛ nu, ninyɛne mɔɔ yɛkola yɛyɛ nee yɛ tɛnlabelɛ ɛnzɛ. Noko saa yɛyɛ mɔɔ yɛbahola biala wɔ Gyihova ɛzonlenlɛ nu a yɛ nye balie. (Ga 6:4; Kɔl 3:23) Wɔ ɛvolɛ dɔɔnwo mɔɔ ɛze la anu, yɛ mediema apenle dɔɔnwo ɛzonle wɔ Bɛtɛle. Ɛbahola wɔadu ɛ nwo wɔamaa wɔazonle wɔ Bɛtɛle ɔ? Saa ɛnrɛhola a, asoo ɛbahola wɔamaa awie gyɛne anwosesebɛ kɛ ɔyɛ zɔ anzɛɛ wɔaboa awie mɔɔ wɔ Bɛtɛle la wɔamaa yeadoa ɛzonlenlɛ titili ɛhye azo ɔ?

NEA TU Ɛ NWO MAA YƐ BƐTƐLE GYIMA VIDIO NE NA BUA KPUYA ƐHYE MƆ:

• Adwenle boni ati a ɛkulo kɛ ɛsonle wɔ Bɛtɛle a?

• Nyilalɛ boni mɔ a bie mɔ ɛha kɛ bɛnyia wɔ Bɛtɛle ɛzonlenlɛ nu a?

• Duzu a awie yɛ a ɔbahola yeafɛta yeamaa Bɛtɛle ɛzonlenlɛ a?

• Kɛzi bɛbiza Bɛtɛle ɛzonlenlɛ nwo adenle ɛ?