DEƐMƆTI ƆHYIA LA: Ɔwɔ kɛ menli sukoa Gyihova ngyinlazo ne mɔ na bɛdi zo amaa bɛazonle ye kpalɛ. (Ay 2:3, 4) Buluku mɔɔ tɔ zo nwiɔ, “Nyamenle Ɛhulolɛ” buluku ne boa Baebolo sukoavoma ɔmaa bɛnwu kɛzi Nyamenle ngyinlazo ka bɛ ɛbɛlabɔlɛ dahuu la. (Hi 5:14) Saa yɛlɛkilehile bɛ a, ɔwɔ kɛ yɛmaa edwɛkɛ ne ka bɛ ahonle amaa bɛanyia mɔɔ bɛbagyinla zo bɛayɛ nzenzaleɛ la.—Wlo 6:17.

KƐZI BƐYƐ YE LA:

• Siezie ɛ nwo kpalɛ, na nwu mɔɔ wɔ sukoavo ne hyia nwo la. Biza kpuya mɔɔ maa ɛnwu awie adwenle mɔɔ baboa wɔ yeamaa wɔanwu kɛzi ɔte nganeɛ wɔ mɔɔ bɛlɛsukoa la anwo la.—Mrɛ 20:5; be 259

• Fa nlɛka ne mɔ mɔɔ wɔ buluku ne anu la kɔsɔɔti boa wɔ sukoavo ne maa ɔnwu nvasoɛ mɔɔ wɔ Baebolo ngyinlazo mɔɔ ɔbali zo la azo

• Boa wɔ sukoavo ne maa ɔzuzu kɛzi ɔbava ye adwenle ne yeali gyima la anwo, noko mmasi kpɔkɛ ɛmaa ye.—Ga 6:5

• Dua nrɛlɛbɛ adenle zo maa wɔ sukoavo ne ɛva Baebolo ngyinlazo bie mɔɔ baboa ye la ɔli gyima. Fi atiakunlukɛnlɛma nu maa ye anwosesebɛ maa ɔgyinla Gyihova anwo ɛlɔlɛ zo ɔyɛ nzenzaleɛ.—Mrɛ 27:11; Dwn 14:31