Pɔɔlo nee Saelase dole edwɛne yele Gyihova ayɛlɛ wɔ mekɛ mɔɔ bɛla efiade la. (Gyi 16:25) Kpolerazulɛ biala ɛnle nwolɛ kɛ, ɛhye maanle bɛ anwosesebɛ ɔmaanle bɛgyinlanle kpundii. Na ɛnɛ noko ɛ? Belemgbunlililɛ edwɛne nee edwɛne ngakyile mɔɔ ɛnle yɛ edwɛne buluku ne anu la kola maa yɛnyia anwosesebɛ yɛgyinla yɛ ngyegyelɛ nloa. Mɔɔ tɛla ɛhye la, bɛye Gyihova ayɛlɛ. (Ed 28:7) Bɛmaa yɛ anwosesebɛ kɛ yɛhye edwɛne ne bie anu edwɛkɛ ne yɛgua yɛ ti anu. Wɔzɔ ɛhye wɔnlea ɔ? Yɛbahola yɛava abusua ɛzonlenlɛ mekɛ yɛazukoa edwɛne ne mɔ nee nuhua edwɛkɛ ne.

NEA NGAKULA FA EDWƐNE YE GYIHOVA AYƐLƐ VIDIO NE NA BUA KPUYA ƐHYE MƆ:

• Kɛzi Belemgbunlililɛ edwɛne mɔɔ yɛbado la bahola aboa yɛ ɛ?

• Anwoziezielɛ boni a Audio/Video Department ne mɔ yɛ kolaa na bɛahye edwɛne a?

• Kɛzi ngakula nee bɛ mbusua siezie bɛ nwo maa edwɛne mɔɔ bɛkahye la ɛ?

• Belemgbunlililɛ edwɛne boni mɔ a ɛ nye die nwo kpalɛ a, na duzu ati ɔ?