Ɛdulɛ bɔ asafo ne anwo bane yɛɛ ɔle ndeanlɛ ɔmaa ɛtanevolɛma mɔɔ bɛnnu bɛ nwo la. (1Kɔ 5:6, 11) Saa yɛdie Gyihova ndeanlɛ yɛto nu a, ɛnee yɛlɛda ɛlɔlɛ ali. Kɛzi edwɛkɛ ɛhye kola yɛ nɔhalɛ wɔ mekɛ mɔɔ ahenle mɔɔ bɛdu ye, ɔ nwo amra nee mediema mɔɔ bɛlile edwɛkɛ ne la ɛlɛdi nyane la ɛ?

Mɔɔ tɛla biala la, ɔmaa yɛkile kɛ yɛkulo Gyihova nee ye ngyinlazo nwuanzanwuanza ne mɔ. (1Pi 1:14-16) Eza yɛda ye ali kɛ yɛkulo ahenle mɔɔ bɛdu ye la. Ndeanlɛ mɔɔ anu yɛ se zɛhae la yɛ nyane ɛdeɛ, noko ɔso “anzodwolɛ ma mɔɔ le tenleneyɛlɛ la.” (Hi 12:5, 6, 11) Saa yɛ nee menli mɔɔ bɛdu bɛ anzɛɛ menli mɔɔ bɛhwe bɛ nwo bɛvi asafo ne anwo la tu a, ɔkile kɛ yɛnlie Gyihova ndeanlɛ ne yɛndo nu. Kakye kɛ, Gyihova tea ye menli “kɛ mɔɔ ɔfɛta la.” (Gyɛ 30:11) Saa yɛdie Gyihova ndeanlɛ yɛto nu, na yɛbɔ mɔdenle yɛfa sunsum nu ninyɛne yɛdimoa a, ɔkile kɛ yɛ nye la kɛ ahenle ne bɛazia ara yɛ anwunvɔnezelɛ Selɛ ne ɛkɛ ne bieko.​—Ay 1:16-18; 55:7.

NEA FI AHONLE MUALA ANU DI NƆHALƐ VIDIO NE NA BUA KPUYA ƐHYE MƆ:

• Saa awovolɛ bie ara gyakyi Gyihova ɛzonlenlɛ a, kɛzi bɛte nganeɛ ɛ?

• Moalɛ boni a asafo ne bahola ava amaa abusua ne anu amra mɔɔ di nɔhalɛ la ɛ?

• Baebolo nu neazo boni a kile kɛ ɔhyia kɛ ɛlɔlɛ mɔɔ yɛlɛ yɛmaa Gyihova la yɛ kpole tɛla yɛ mbusuafoɔ ɛ?

• Kɛzi yɛkile kɛ yɛdi nɔhalɛ yɛmaa Gyihova yɛtɛla yɛ mbusuafoɔ ɛ?