Edwɛkɛ Mɔɔ Yɛbaha La Neazo
AWAKE!
Kpuya: Amaneɛbɔlɛ kile kɛ mgbavolɛ nee mbɛlɛra mɔɔ bɛlɛ adwenle nu ngyegyelɛ la anwo ɛlɛso kpalɛ. Duzu a ɛsuzu kɛ bɛbahola bɛayɛ ye wɔ ngyegyelɛ ɛhye anwo a?
Fa Maa: Magazine ɛhye fa kɛzi mgbavolɛ nee mbɛlɛra bahola ali adwenle nu ngyegyelɛ nwo gyima yɛɛ kɛzi bɛ awovolɛ bahola aboa bɛ la anwo nzuzulɛ maa.
KILEHILE NƆHALƐ NE
Kpuya: Duzu a maa agyalɛ yɛ anyelielɛ a?
Ngɛlɛlera: Ɛf 5:33
Nɔhalɛ: Agyalɛ bayɛ kpalɛ a, ɔgyi ɛhulolɛ nee ɛbulɛ zo.
EDWƐKPA MƆƆ VI NYAMENLE ƐKƐ!
Fa Maa: Mera ɛke kɛ mebaha yɛ Baebolo ɛzukoalɛ ngyehyɛleɛ ne anwo edwɛkɛ meahile wɔ. Brohyua ɛhye bamaa wɔanwu ɛleka mɔɔ ɛbahola wɔanyia kpuya mɔɔ hyia la anwo mualɛ wɔ wɔ Baebolo ne anu.
Kpuya: Asoo wɔgenga Baebolo ne ɛlɛ ɔ? Maa mengile wɔ kɛzi yɛsukoa ye la wɔ brohyua ɛhye anu. [Bɛzuzu kpuya 1 ne mɔɔ wɔ ɛzukoalɛdeɛ 2 la anwo.]
Ngɛlɛlera: Ye 4:11
SIEZIE EDWƐKƐ MƆƆ ƐBAHA LA
Dua neazo ne mɔ azo fa siezie edwɛkɛ mɔɔ ɛbaha la.
Bie A Eza Ɛ Nye Balie
MGBAVOLƐ NEE MBƐLƐRA BIZA KƐ
Abɔdeɛ Anzɛɛ Ngakyihakyililɛ?—Foa 1: Nzɔne Ati A Ɔwɔ Kɛ Ɛdie Nyamenle Ɛdi A?
Ɛbahulo kɛ ɛbanyia anwodozo wɔahilehile deɛmɔti ɛdie Nyamenle ɛdi la anu ɔ? Saa awie biza wɔ diedi ne anwo kpuya a, nea mɔɔ baboa wɔ yeamaa wɔahilehile nu la.
