YƐ KILISIENE ƐBƐLABƆLƐ
Boa Ɛ Mra Maa Bɛnyia Diedi Kpundii Wɔ Bɔvolɛ Ne Anu
Abɔdeɛ da Gyihova anyunlunyia ali. (Ed 19:1-4; 139:14) Noko, Abɔnsam ewiade ne maa menli kilehile ninyɛne mɔɔ ɛnwula Nyamenle anyunlunyia mɔɔ fale kɛzi ngoane rale la anwo. (Wlo 1:18-25) Kɛ ɔkɛyɛ na wɔaboa ɛ mra amaa nzuzulɛ ɛhye mɔ anzɔ ndinli wɔ bɛ adwenle nee bɛ ahonle nu ɛ? Boa bɛ wɔ bɛ ngakula nu maa bɛnyia diedi kɛ Gyihova wɔ ɛkɛ yɛɛ ɔdwenle bɛ nuhua ko biala anwo. (2Kɔ 10:4, 5; Ɛf 6:16) Dua kpuya ɛbizalɛ zo maa bɛha mɔɔ bɛkilehile bɛ wɔ sukulu la anwo edwɛkɛ, na fa mbuluku ngakyile mɔɔ wɔ ɛkɛ ne la kilehile bɛ maa ɔha bɛ ahonle.
BƐNLEA MƆƆ Ɛ TIPƐNEMA KA LA
Nwɔra mɔɔ fale Nyamenle anu diedi mɔɔ ɛbu zo la bie a le boni?
Duzu a bɛkilehile wɔ wɔ sukulu ɛkɛ a?
Duzu a maa ɛdie ɛdi kɛ Gyihova wɔ ɛkɛ a?
Kɛ ɔkɛyɛ na wɔaboa awie wɔamaa yeade ɔ bo kɛ Nyamenle a bɔle ninyɛne kɔsɔɔti ɛ?
Bie A Eza Ɛ Nye Balie
MGBAVOLƐ NEE MBƐLƐRA BIZA KƐ
Abɔdeɛ Anzɛɛ Ngakyihakyililɛ?—Foa 1: Nzɔne Ati A Ɔwɔ Kɛ Ɛdie Nyamenle Ɛdi A?
Ɛbahulo kɛ ɛbanyia anwodozo wɔahilehile deɛmɔti ɛdie Nyamenle ɛdi la anu ɔ? Saa awie biza wɔ diedi ne anwo kpuya a, nea mɔɔ baboa wɔ yeamaa wɔahilehile nu la.
