Ɔka ekyi na ɛvolɛ 32 Y.M. Akpabɛnwo ne adwu zo la, Gyisɛse yɛle nwanwane debie bie, yemɔ ala a le debie mɔɔ Edwɛkpa kɛlɛvolɛma nna ne amuala hɛlɛle nwolɛ edwɛkɛ a.

Ɔlua nwanwane deɛ ɛhye azo, Gyisɛse yɛle debie bie mɔɔ ɔgua zo ɔlɛyɛ la anwo neazo.

14:16-21

• Ɔnva nwo kɛ ɛnee yeha ɛdoavolɛma ne paano nnu yɛɛ fɛlɛ nwiɔ la, Gyisɛse hanle hilele bɛ kɛ bɛmaa menli dɔɔnwo ne aleɛ

• Gyisɛse vale paano ne nee fɛlɛ ne, ɔyɛle asɔne ɔwiele la ɔhyɛle ɔmaanle ye ɛdoavolɛma ne kɛ bɛva bɛmaa menli dɔɔnwo ne

• Mɔɔ yɛ nwanwane la a le kɛ, ɔzale bɛ muala ɔbole zo. Gyisɛse luale ye ɛdoavolɛma ekyi ne anwo zo maanle menli dɔɔnwo aleɛ

• Gyisɛse hanle dole ɛkɛ ne kɛ wɔ awieleɛ mekɛ ne anu, ɔbava ngyehyɛleɛ bie yeazie ɛkɛ na yealua zo yeamaa yɛ sunsum nu “aleɛ wɔ mekɛ kpalɛ nu.”—Mt 24:45

• Wɔ 1919, Gyisɛse kpale “akɛlɛ nɔhavo nee nrɛlɛbɛvolɛ ne”—menli mɔɔ bɛkpokpa bɛ la anu ekpunli ekyi bie—kɛ ɔnlea “ye sonvolɛma”—menli mɔɔ bɛfa aleɛ ne bɛmaa bɛ la—anwo zo

• Ɔlua mediema ekyi ɛhye mɔɔ bɛkpokpa bɛ la anwo zo, Gyisɛse ɛlɛdi neazo mɔɔ ɔyɛle ɔdole ɛkɛ wɔ ɛvoya mɔɔ limoa la anzi pɛpɛɛpɛ

Kɛzi mebahile kɛ medie ngyehyɛleɛ mɔɔ Gyisɛse ɛlɛdua zo amaa yɛ sunsum nu aleɛ la meto nu na mebu zɔhane ngyehyɛleɛ ne ɛ?