Wɔ Gyisɛse Boka Zo Ɛdendɛlɛ ne anu, ɔhanle kɛ: “Bɛmmadwenledwenle bɛ ngoane nwo.” (Mt 6:25) Kɛ alesama mɔɔ yɛnli munli na yɛwɔ Seetan ewiade la, ɛyɛ ye biala a yɛbadwenle, noko mɔɔ ɛnee Gyisɛse ɛlɛka ahile ye ɛdoavolɛma ne la a le kɛ bɛmmadwenle somaa. (Ed 13:2) Duzu ati ɔ? Ɔluakɛ ninyɛne mɔɔ yɛhyia nwo dahuu bɔbɔ la anwo adwenleadwenle bahola ahwehwe yɛ adwenle na yeamaa yeayɛ se kɛ yɛbalimoa yɛakpondɛ Belemgbunlililɛ ne. (Mt 6:33) Edwɛkɛ bieko mɔɔ Gyisɛse hanle la baboa yɛ yeamaa yɛaye adwenleadwenle mɔɔ ɛngyia la yɛavi yɛ nwo zo.

• Mt 6:26​—Duzu a yɛbahola yɛazukoa yɛavi nloma ne mɔ ɛkɛ a? (w16.07 9-10 ¶11-13)

• Mt 6:27​—Duzu ati a adwenleadwenle mɔɔ anwo ɛngyia la le mekɛ ɛzɛkyelɛ nee ɛvɛlɛ mgbane a? (w05-E 11/1 22 ¶5)

• Mt 6:28-30​—Duzu a yɛbahola yɛazukoa yɛavi ɛbɔ nu aloa ɛkɛ a? (w16.07 10-11 ¶15-16)

• Mt 6:31, 32​—Ndenle boni mɔ azo a Kilisienema le ngakyile fi maanle maanle ne anwo a? (w16.07 11 ¶17)

Ninyɛne mɔɔ mengulo kɛ medwenledwenle nwolɛ la bie a le boni?