Edwɛne 17 Nee Asɔneyɛlɛ

Mukenye Edwɛkɛ (Mit. 3 anzɛɛ ɔndwu)

“Gyisɛse Hulole Menli”: (Mit. 10)

• Mt 8:1-3​—Gyisɛse lale anwunvɔnezelɛ titili ali hilele kokobɛvolɛ bie (“ɔzɔle ye,” “Mekulo” nwtsty ngilenu maa Mt 8:3)

• Mt 9:9-13​—Gyisɛse hulole menli mɔɔ bɛkpo bɛ la (“ɔlɛdi debie,” “adwuledievolɛma” nwtsty ngilenu maa Mt 9:10)

• Mt 9:35-38​—Menli nwo ɛlɔlɛ hanle Gyisɛse maanle ɔbɔle edwɛkpa ne nolo wɔ mekɛ bɔbɔ mɔɔ ɛnee yevɛ la na ɔzɛlɛle Nyamenle kɛ ɔmaa gyimayɛvoma dɔɔnwo ɛrayɛ bie (“yɛle ye alɔbɔlɛ” nwtsty ngilenu maa Mt 9:36)

Kpondɛ Sunsum Nu Ninyɛne Dɔɔnwo: (Mit. 8)

• Mt 8:8-10​—Duzu a yɛsukoa yɛfi adawubɔlɛ mɔɔ hɔle zo wɔ Gyisɛse nee sogya kpanyinli ne avinli la anu a? (w02 8/15 13 ¶16)

• Mt 9:16, 17​—Ɛzukoalɛdeɛ boni a ɛnee wɔ Gyisɛse ndonwo nwiɔ ɛhye mɔ anu a? (jy 70 ¶6)

• Duzu a dapɛne ɛhye Baebolo ɛgengalɛ ne ɛmaa wɔnwu ye wɔ Gyihova anwo a?

• Ninyɛne gyɛne mɔɔ yɛ anyelielɛ la boni a ɛnwunle ye wɔ dapɛne ɛhye Baebolo ɛgengalɛ ne anu a?

Baebolo Ɛgengalɛ: (Mit. 4 anzɛɛ ɔndwu) Mt 8:1-17

Sia Kɔkpɔla Mɔɔ Tɔ Zo Nwiɔ: (Mit. 3 anzɛɛ ɔndwu) Fa edwɛkɛ mɔɔ yɛbaha la neazo ne fa bɔ ɔ bo. Ka kile ahenle maa ɔrɛla debiezukoalɛ.

Sia Kɔkpɔla Mɔɔ Tɔ Zo Nsa: (Mit. 3 anzɛɛ ɔndwu) Kpa wɔ ngɛlɛlera na fa buluku mɔɔ bɛfa bɛyɛ Baebolo ɛzukoalɛ la ko maa.

Baebolo Ɛzukoalɛ: (Mit. 6 anzɛɛ ɔndwu) bhs 47 ¶18-19

Edwɛne 145

“Yemɔ Ala Yɛɛ Nyamenle Ɛyɛ Ye Awulae Nee Mɛzaya A”​—Foa 1, Foa Bie: (Mit. 15) Adawubɔlɛ. Saa bɛkenga Mateyu 9:18-25 na bɛnea vidio ne foa bie bɛwie a, biza kpuya ɛhye mɔ:

• Kɛzi Gyisɛse hilele kɛ ɛnee ɔdwenle raalɛ ne mɔɔ ɛnde kpɔkɛ nee Gyeeyaelɛse anwo ɛ?

• Kɛzi edwɛkɛ ɛhye maa ɛnwu Baebolo ngapezo mɔɔ fale kenle bie anwo wɔ Belemgbunlililɛ ne tumi bo ɛ?

• Ndenle boni mɔ azo a yɛbahola yɛazukoa kɛzi Gyisɛse hulole menli la ɛ?

Asafo Baebolo Ɛzukoalɛ: (Mit. 30) lv tile 2 ¶14-21, ɛlɛka “Kɛzi Ɛbabua Ɛ?”

Ndinu Nee Mɔɔ Yɛbazukoa Ye Dapɛne Bieko (Mit. 3)

Edwɛne 102 Nee Asɔneyɛlɛ