Gyihova bu agyalɛ ndane kɛ nwolɛ hyia kpalɛ. Yeha kɛ ɔwɔ kɛ kunli nee yelɛ beta bɛ nwo kyengye. (Mt 19:5, 6) Yɛlɛ agyalɛ ngɛnlɛma dɔɔnwo wɔ Nyamenle menli avinli. Noko akee, agyalɛ biala ɛnle ɛkɛ ne mɔɔ di munli a. Ɔyɛ a, ngyegyelɛ kola ba. Ɔwɔ kɛ yɛkpo adwenle mɔɔ menli lɛ kɛ saa ngyegyelɛ ba agyalɛ nu a, nwolɛ sɔbelɛ ala a le kɛ bɛbatete nu anzɛɛ bɛbabɔ ewole la. Kɛ ɔkɛyɛ na Kilisiene agyalɛma abɔ bɛ agyalɛ ne anwo bane ɛ?

Suzu ninyɛne nnu mɔɔ nwolɛ hyia la anwo.

1. Kpo anyezohulolɛ nee anyelielɛ ninyɛne mɔɔ ɛbɛlatane wɔ nu na ɔkola ɔsɛkye agyalɛ la fa bɔ wɔ ahonle ne anwo bane.​—Mt 5:28; 2Pi 2:14.

2. Mia ɛ nee Nyamenle agɔnwolɛvalɛ ne anu na nyia ɛhulolɛ kpole kɛ ɛbayɛ mɔɔ sɔ ɔ nye la wɔ wɔ agyalɛ ne anu.​—Ed 97:10.

3. Kɔ zo wula subane fofolɛ ne na yɛ ninyɛne ngyikyi mɔɔ bamaa wɔ bokavolɛ ne anye alie la.​—Kɔl 3:8-10, 12-14.

4. Bɛvi ɛbulɛ nu bɛli adwelie kpalɛ.​—Kɔl 4:6.

5. Bɛvi ɛlɔlɛ nu bɛva mɔɔ ɔfɛta bɛ bokavolɛ ne wɔ nla nu la bɛmaa ye.​—1Kɔ 7:3, 4; 10:24.

Saa Kilisienema di bɛ agyalɛ ne eni a, ɛnee bɛlɛwula Gyihova mɔɔ le agyalɛ Hyehyɛvolɛ ne la anyunlunyia.

NEA ƆWƆ KƐ ‘YƐFA KPUNDIIGYINLANLƐ YƐSU ƐNRIANDILƐ NE’​—DI ƐNRIANDILƐ MƐLA NE MƆ AZO VIDIO NE NA BUA KPUYA ƐHYE MƆ:

• Saa bɔbɔ agyalɛ bɔ ɔ bo kɛnlɛma a, ngyegyelɛ boni a bahola ara nzinlii a?

• Kɛzi Baebolo ngyinlazo bahola aboa bɛdabɛ mɔɔ bɛte nganeɛ kɛ ɛlɔlɛ ɛnle bɛ agyalɛ ne anu la ɛ?

• Mɛla boni mɔ a Gyihova ɛva ɛmaa agyalɛma a?

• Duzu a ɔwɔ kɛ agyalɛma yɛ amaa bɛ agyalɛ ne agyinla ɛ?