YƐ KILISIENE ƐBƐLABƆLƐ
Siezie Ɛ Nwo Ɛnɛ Maa Arɛlevilɛ Nu Anwodolɛ
Duzu ati a ɔwɔ kɛ ɛsiezie ɛ nwo a? Yɛ nwo bahola ado yɛ arɛlevilɛ nu yeamaa bɛalie yɛ bɛado asopiti. Yemɔti yɛ biala mɔɔ ɛbahola la siezie ɛ nwo ɛnɛ amaa saa ɛ nwo to wɔ arɛlevilɛ nu a, wɔahola wɔanyia moalɛ biala mɔɔ bamaa wɔanyia kpɔkɛdelɛ kpalɛ la. Saa ɛyɛ ɛhye a, ɔbahile kɛ ɛbu Gyihova mɛla mɔɔ ɔfale ngoane nee mogya nwo la.—Gyi 15:28, 29.
Duzu a ɛbayɛ wɔava wɔaziezie ɛ nwo a?
-
Fa asɔneyɛlɛ suzu nwo na hyehyɛ wɔ mogya kɛlata ne. (DPA) a Nolobɔlɛma mɔɔ bɛzɔne la bahola alie mogya kɛlata ne bie avi adiema ne mɔɔ nea mbuluku zo la ɛkɛ na bɛalie Identity Card (ic) ne bie bɛamaa bɛ mra ngyikyi ne mɔ
-
Saa ɛle nrenzɛvolɛ a, biza wɔ mgbanyima ne mɔ na die Information for Expectant Mothers (S-401) ne bie. Kɛlata ɛhye bahola aboa wɔ yeamaa wɔazi ayileyɛlɛ nwo kpɔkɛ kpalɛ wɔ mekɛ mɔɔ ɛlɛnrenzɛ la yɛɛ wɔ awolɛ nu
-
Saa ɔba ye kɛ ɔwɔ kɛ bɛmaa wɔ mogya wɔ wɔ ayileyɛlɛ nu anzɛɛ ɔwɔ kɛ bɛto wɔ wɔ asopiti a, dimoa bɔ wɔ asafo nu mgbanyima ne mɔ amaneɛ na maa dɔketama ne ɛde kɛ ɛbamaa Gyihova Alasevolɛ arakpɔla wɔ
Kɛzi mgbanyima ne mɔ bahola aboa ɛ? Bɛbahola bɛaboa wɔ bɛamaa wɔahyehyɛ wɔ mogya kɛlata ne. Noko mgbanyima ne mɔ ɛnrɛzi ayileyɛlɛ nwo kpɔkɛ ɛnrɛmaa wɔ anzɛɛ bɛnrɛha mɔɔ bɛdabɛ a anrɛɛ bɛbayɛ la anwo edwɛkɛ bɛnrɛhile wɔ. (Wlo 14:12; Ga 6:5) Saa ɔba ye kɛ ɔwɔ kɛ bɛmaa wɔ mogya wɔ wɔ ayileyɛlɛ nu na ɛmaa wɔ asafo nu mgbanyima te a, ndɛndɛ ne ala bɛbabɔ Asopiti Ngitanwolilɛ Kɔmatii (HLC) ne amaneɛ.
Kɛzi HLC ne bahola aboa ɛ? Bɛtete HLC mediema ne mɔ kpalɛ mɔɔ bɛkola bɛboa dɔketama yɛɛ menli mɔɔ nea maa bɛfa mɛla bɛyɛ gyima la bɛmaa bɛdie kpɔkɛ mɔɔ yɛzi kɛ yɛnrɛlie mogya la bɛto nu. Bɛbahola bɛ nee dɔketama ne azuzu adenle gyɛne mɔɔ bɛbahola bɛalua zo bɛayɛ wɔ ayile mɔɔ bɛnrɛva mogya bɛnrɛboka nwo a. Eza bɛbahola bɛakpondɛ dɔketa mɔɔ ɔbalie wɔ kpɔkɛzilɛ ne yeado nu la bɛamaa wɔ.
NEA KƐZI YƐBAZI KPƆKƐ KPALƐ WƆ MOGYA MƆƆ BƐFA BƐYƐ AYILE NWO LA VIDIO NE NA BUA KPUYA ƐHYE:
-
Duzu a wɔzukoa wɔvi vidio ɛhye anu mɔɔ ɔbaboa wɔ yeamaa wɔaziezie ɛ nwo wɔamaa arɛlevilɛ nu anwodolɛ mɔɔ mogya nwo edwɛkɛ bahola ara nu la ɛ?
a Nyia Anyelielɛ Dahuu! buluku ne ɛzukoalɛdeɛ 39 ne bahola aboa wɔ yeamaa wɔazi ayileyɛlɛ nwo kpɔkɛ mɔɔ mogya nwo edwɛkɛ bahola ara nu la.
