February 26–March 3
EDWƐNE 11-15
Edwɛne 139 Nee Asɔneyɛlɛ | Mukenye Edwɛkɛ (Mit. 1)
1. Pɛ Ye Nvoninli Kɛ Ɛwɔ Anzodwolɛ Ewiade Fofolɛ Ne Anu
(Mit. 10)
Saa menli anli mɛla nee adehilelɛ zo a, ɔfa basabasayɛlɛ ɔba (Ed 11:2, 3; mwbr24.01 10 ¶4)
Yɛlɛ anwodozo kɛ ɔnrɛhyɛ Gyihova baye basabasayɛlɛ avi ɛkɛ (Ed 11:5; wp16.4 11)
Saa yɛdwenledwenle ɛwɔkɛ mɔɔ Nyamenle ɛbɔ kɛ ɔbalie yɛ la anwo a, ɔbaboa yɛ yeamaa yɛazi abotane yɛahendɛ Nyamenle Ewiade Fofolɛ ne (Ed 13:5, 6; w17.08 6 ¶15)
SƆ ƐHYE NEA: Kenga Yizikeɛle 34:25 na pɛ ye nvoninli kɛ ɛwɔ ɛleka kɛnlɛma ɛhye mɔɔ anzodwolɛ wɔ ɛkɛ ne la.—kr 236 ¶16.
2. Kpondɛ Baebolo Nu Ndelebɛbo
(Mit. 10)
-
Ed 14:1—Kɛzi subane ɛhye bahola ayɛ esiane amaa nɔhalɛ Kilisienema ɛ? (w13 9/15 19 ¶12)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 13:1–14:7 (th ɛzukoalɛdeɛ 2)
4. Bɔ Adawubɔlɛ Bo
(Mit. 2) MEKƐ MƆƆ ƐNLE DASELƐLILƐ NU. To ɛsalɛ fɛlɛ ahenle maa ɔrɛla Ngakyelɛlilɛ ne bie. (lmd ɛzukoalɛdeɛ 5 nɔma 3)
5. Bɔ Adawubɔlɛ Bo
(Mit. 1) AZUA NU DASELƐLILƐ. To ɛsalɛ fɛlɛ ahenle maa ɔrɛla Ngakyelɛlilɛ ne bie. (lmd ɛzukoalɛdeɛ 3 nɔma 4)
6. Bɔ Adawubɔlɛ Bo
(Mit. 3) AZUA NU DASELƐLILƐ. Suamenle ne ɛhile Ngakyelɛlilɛ ɛsalɛdolɛ ne anwo anyelielɛ. (lmd ɛzukoalɛdeɛ 7 nɔma 4)
7. Maa Bɛyɛ Ɛdoavolɛma
(Mit. 5) lff ɛzukoalɛdeɛ 13 edwɛkɛ titili, ndinu yɛɛ bodane. Fa edwɛkɛ mɔɔ wɔ “Kpondɛ Dɔɔnwo” foa ne la bie boa wɔ sukoavo ne maa ɔnwu kɛzi Nyamenle te nganeɛ wɔ adalɛ ɛzonlenlɛ nwo la. (th ɛzukoalɛdeɛ 12)
Edwɛne 8
8. “Nrɛlɛbɛ Le Kpalɛ Tɛla Konle Ninyɛne”
(Mit. 10) Adawubɔlɛ.
Basabasayɛlɛ ɛlɛkɔ ɔ nyunlu kpalɛ wɔ ewiade ɛleka biala. Gyihova ze ye kɛ basabasayɛlɛ mɔɔ ɛbɔ yɛ ɛyia la bahola amaa adwenleadwenle adɔ yɛ nwo. Eza ɔte ɔ bo kɛ yɛhyia anwobanebɔlɛ. Ye edwɛkɛ Baebolo ne le adenle ko mɔɔ ɔdua zo ɔbɔ yɛ nwo bane a.—Ed 12:5-7.
Nrɛlɛbɛ mɔɔ wɔ Baebolo ne anu la “le kpalɛ tɛla konle ninyɛne.” (No 9:18) Nea kɛzi Baebolo ngyinlazo ɛhye mɔ bahola abɔ yɛ nwo bane avi basabasayɛlɛ nwo la.
-
No 4:9, 10—Kpo kɛ ɛ ngomekye ɛbahɔ ɛleka mɔɔ basabasayɛlɛ bahola azi la
-
Mrɛ 22:3—Saa ɛwɔ menli nu anzɛɛ alienwo a, maa ɛ nye ɛla ɛkɛ kpalɛ
-
Mrɛ 26:17—Mmafa ɛ nloa ɛwula kpolerazulɛ mɔɔ ɔnvale ɛ nwo la anu
-
Mrɛ 17:14—Saa ɛwɔ ɛleka na ɛnwu kɛ basabasayɛlɛ kpondɛ ara ɛkɛ a, fi ɛkɛ ne ndɛndɛ. Yɛɛ mmabikye menli mɔɔ bɛte atua anzɛɛ bɛto nzaka la
-
Lu 12:15—Mmafa wɔ ngoane ɛto esiane nu ɛfa ɛbɔ wɔ agyapadeɛ nwo bane ɛlɛ
Ye VIDIO ne Sukoa Menli Mɔɔ Lɛ Diedi La, Mmasukoa Menli Mɔɔ Ɛnlɛ Diedi La—Yinɔko, Tɛ Leemɛke. Akee biza tievolɛma kɛ:
Kɛzi Yinɔko neazo ne hanle selɛ ne kpɔkɛzilɛ nee ye nyɛleɛ ɔnva nwo kɛ bɛde ɛleka mɔɔ basabasayɛlɛ wɔ la ɛ?—Hi 11:5
Wɔ tɛnlabelɛ bie mɔ anu, bie a Kilisienenli bie bayɛ biala mɔɔ ɔbahola la yeabɔ ɔ nwo nee ye agyapadeɛ nwo bane. Saa zɔhane a ɔde a, ɔwɔ kɛ ɔnea boa kpalɛ na yeangu awie yeanli mogya nwo fɔlɛ.—Ed 51:14; Nea “Kpuya Mɔɔ Vi Kengavolɛma Ɛkɛ” mɔɔ wɔ July 2017 Ɛzinzalɛ Arane ne anu la.
9. Ngakyelɛlilɛ Ɛsalɛdolɛ Ne Babɔ Ɔ Bo Wɔ Folɛ, March 2
(Mit. 5) Ɛdendɛlɛ mɔɔ kpanyinli maa. Ka bɛ ɛkɛ ne ngyehyɛleɛ mɔɔ bɛbava bɛabɔ Ngakyelɛlilɛ ne nee ɛdendɛlɛ titili ne anwo nolo nee Ngakyelɛlilɛ ne anwo ngyehyɛleɛ biala anwo edwɛkɛ. Kakye nolobɔlɛma kɛ bɛbahola bɛava dɔnehwele 15 bɛayɛ adekpakyelɛ boavolɛ wɔ March nee April siane ne anu.
10. Asafo Baebolo Ɛzukoalɛ
(Mit. 30) bt tile 6 ¶9-17
