January 15-21
DWOBU 36-37
Edwɛne 147 Nee Asɔneyɛlɛ | Mukenye Edwɛkɛ (Mit. 1)
1. Deɛmɔti Ɛbahola Wɔanyia Anwodozo Wɔ Dahuu Ngoane Nwo Ɛwɔkɛ Mɔɔ Nyamenle Ɛbɔ Anu La
(Mit. 10)
Gyihova mumua ne de aze dahuu (Dwb 36:26; w15 10/1 13 ¶1-2)
Gyihova lɛ tumi nee nrɛlɛbɛ mɔɔ ɔbahola yeava yeabɔ ngoane nwo bane la (Dwb 36:27, 28; w20.05 22 ¶6)
Gyihova kilehile yɛ kɛzi yɛbanyia dahuu ngoane la (Dwb 36:4, 22; Dwɔn 17:3)
Diedi kpundii mɔɔ yɛbanyia ye wɔ dahuu ngoane nwo ɛwɔkɛ mɔɔ Nyamenle ɛbɔ anu la baboa yɛ yeamaa yɛagyinla ɛbɛlabɔlɛ nu ngyegyelɛ nloa. —Hi 6:19; w22.10 28 ¶16.
2. Kpondɛ Baebolo Nu Ndelebɛbo
(Mit. 10)
-
Dwb 37:20—Kɛzi ɛnee amaneɛbɔlɛ nee edwɛkɛ salo wɔ mekɛ mɔɔ ɛnee bɛlɛkɛlɛ Baebolo ne la ɛ? (mwbr24.01 4 ¶4)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Dwb 36:1-21 (th ɛzukoalɛdeɛ 2)
4. Bɔ Adawubɔlɛ Bo
(Mit. 3) BAGUA NU DASELƐLILƐ. (lmd ɛzukoalɛdeɛ 3 nɔma 3)
5. Sia Kɔkpɔla
(Mit. 4) AZUA NU DASELƐLILƐ. (lmd ɛzukoalɛdeɛ 2 nɔma 5)
6. Kilehile Wɔ Diedi Nu
(Mit. 5) Ɛdendɛlɛ. ijwfq 57 ¶5-15—Edwɛkɛtile: Duzu Ati A Bɛyɛle Gyihova Alasevolɛ kpɔdekpɔde Wɔ Ewiade Konle II La Anu A? (th ɛzukoalɛdeɛ 18)
Edwɛne 49
7. Siezie Ɛ Nwo Maa Tɛnlabelɛ Mɔɔ Ɛbahyia Ayileyɛlɛ Anzɛɛ Apelehyɛne La
(Mit. 15) Adawubɔlɛ. Asafo nu kpanyinli a bali nwolɛ gyima a.
Gyihova ahyehyɛdeɛ ne ɛmaa yɛ ninyɛne dɔɔnwo mɔɔ baboa yɛ yeamaa yɛayɛ tieyɛ yɛamaa Nyamenle mɛla mɔɔ fale mogya nwo la. (Gyi 15:28, 29) Ɛlɛfa wɔali gyima kpalɛ ɔ?
Mogya Kɛlata (DPA) Yɛɛ Identity Card (ic): Kaade ɛhye mɔ kilehile mɔɔ awie kulo kɛ bɛfa bɛyɛ ye wɔ mekɛ mɔɔ ɔnde kpɔkɛ na ɔwɔ kɛ bɛfa mogya bɛyɛ ye ayile la anu. Nolobɔlɛma mɔɔ bɛzɔne la bahola alie mogya kɛlata ne bie avi adiema ne mɔɔ nea mbuluku zo la ɛkɛ na bɛalie Identity Card ne bie bɛamaa bɛ mra ngyikyi ne mɔ. Ɔwɔ kɛ yɛfa kaade ɛhye yɛsia yɛ nwo wɔ ɛleka biala mɔɔ yɛwɔ la. Saa ɛtɛhyehyɛle bie, anzɛɛ ɔhyia kɛ ɛyɛ nzenzaleɛ wɔ mɔɔ wɔhyehyɛ ye dɛba la anu a, mmatu ɛsie.
Edwɛkɛ Maa Mraalɛ Mɔɔ Bɛlɛnrenzɛ (S-401) Yɛɛ Information for Patients Requiring Surgery or Chemotherapy (S-407): Edwɛkɛ mɔɔ wɔ kɛlata ɛhye mɔ azo la boa yɛ maa yɛsiezie yɛ nwo kpalɛ yɛmaa ayileyɛlɛ bie mɔɔ mogya nwo edwɛkɛ bahola ara nu la. Saa ɛlɛnrenzɛ anzɛɛ bɛbayɛ wɔ apelehyɛne anzɛɛ bɛbayɛ wɔ kansa ayile a, biza wɔ mgbanyima ne mɔ na die kɛlata ɛhye mɔ anu ko mɔɔ fɛta wɔ tɛnlabelɛ ne la.
Asopiti Ngitanwolilɛ Kɔmatii (HLC): Menli mɔɔ sonle wɔ HLC ne anu la le asafo nu mgbanyima mɔɔ bɛtete bɛ mɔɔ bɛkola bɛboa dɔketama nee nolobɔlɛma bɛmaa bɛte debie biala mɔɔ fale mogya nwo la abo a. Bɛbahola bɛ nee menli mɔɔ ɛlɛnea wɔ la azuzu ninyɛne mɔɔ saa bɛyɛ a bɛnrɛva mogya bɛnrɛli gyima la anwo. Saa nwolɛ bakyia a, bɛbahola bɛaboa wɔ bɛamaa wɔanyia dɔketa mɔɔ ɔbade wɔ edwɛkɛ bo la. Bɛwɔ ɛkɛ ne bɛmaa wɔ dahuu yɛɛ mekɛ biala mɔɔ ɛbahyia bɛ nwo la. Fɛlɛ mediema mɔɔ sonle wɔ HLC ne anu la ndɛndɛ ne ala saa ɔba ye kɛ ɔwɔ kɛ bɛdie wɔ bɛto asopiti, bɛyɛ wɔ apelehyɛne anzɛɛ bɛyɛ wɔ kansa ayile a. Saa bɔbɔ mogya nwo edwɛkɛ ɛnrɛra nu a, ɔhyia kɛ ɛfɛlɛ bɛ. Saa ɛlɛnrenzɛ a ɔwɔ kɛ ɛdawɔ noko ɛyɛ ɛhye. Saa ɛhyia moalɛ a, biza wɔ asafo nu mgbanyima ne mɔ na die mediema mɔɔ sonle wɔ HLC ne anu la bie nɔma.
Ye VIDIO ne Asopiti Ngitanwolilɛ Kɔmatii—Kɛzi Bɛboa Yɛ Ɛ? Akee biza tievolɛma kɛ:
Saa ɛyia tɛnlabelɛ mɔɔ ɔwɔ kɛ bɛyɛ wɔ ayile anzɛɛ apelehyɛne a, kɛzi HLC ne bahola aboa wɔ ɛ?
8. Asafo Baebolo Ɛzukoalɛ
(Mit. 30) bt tile 4 ¶9-12, ɛlɛka mɔɔ wɔ m. 34
